Կյուզուք

Կյուզուք, գյուղ Արևմտյան Հայաստանում, Խարբերդի վիլայեթի Օվաջիկի գավառակում կամ Խոզաթի գավառակում։ Գտնվում էր լեռնոտ վայրում։

Պատմություն

Կյուզուքի մոտակայքի քարափոր գետնուղին ուներ ռազմագիտական նշանակություն։ Նրա աջ և ձախ կողմերում կային ժայռափոր սենյակներ, ուր պահվում էին զենքեր, պարենամթերք։ Սենյակներից մեկը գրապահեստ էր («Շնորհալի» անունով), որտեղ պահվում էին ձեռագիր մատյաններ։ Այնտեղ մտնելը համարվում էր սրբապղծություն։

Բնակչությունը բռնությամբ տեղահանվել է 1915 թվականի Մեծ եղեռնի ժամանակ։ Նրանց մեծ մասը զոհվել է աքսորի ճանապարհին։

Բնակչություն

1915 թվականին գյուղն ուներ 90 տուն (մոտ 900 մարդ) հայ բնակիչ։

Տնտեսություն

Զբաղվում էին խաշնարածությամբ, մասամբ՝ երկրագործությամբ, մեղվապահությամբ և արհեստներով։

Պատմամշակութային կառույցներ

Գյուղի արևելյան բարձրադիր մասում կար Ս. Գևորգ անունով եկեղեցի։

Տես նաև

• Արեւմտահայաստանի եւ Արեւմտահայութեան Հարցերու Ուսումնասիրութեան Կեդրոն

Աղբյուրներ

• «Հայաստանի և հարակից շրջանների տեղանունների բառարան» (5 հատորով), 1986-2001 թթ., Երևանի Համալսարանի հրատարակչություն
• Հայկական Սովետական Հանրագիտարան, 5-րդ հատոր, էջ 490, 1979 թ

Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից  (հ․ 5, էջ 490)։