Կաշառակերության դեմ պայքարի միջազգային օր

Կաշառակերության դեմ պայքարի միջազգային օր;
	;
Տեսակ	միջազգային օր և ամենամյա միջոցառում
Ամսաթիվ	Դեկտեմբերի 9
սկսած	2004
Հաստատված	հոկտեմբերի 31, 2003
Ի հիշատակ	Հակակոռուպցիոն պայքար
Կայք	un.org/es/observances/anti-corruption-day(իսպ.) և un.org/en/observances/anti-corruption-day(անգլ.)

Կաշառակերության դեմ պայքարի միջազգային օր (ՄԱԿ-ի այլ լեզուներով՝ անգլ.՝ International Anti-Corruption Day, իսպ.՝ Del Día Internacional contra la Corrupción, ֆր.՝ la Journée internationale de lutte contre la corruption, արաբ․՝ اليوم الدولي لمكافحة الفساد‎‎, չինարեն՝ 国际反腐败日), նշվում է ամեն տարվա դեկտեմբերի 9-ին՝ սկսած 2004 թվականից։ Հռչակել է Միավորված ազգերի կազմակերպության գլխավոր ասամբլեան (2003 թվականի նոյեմբերի 21-ին սահմանված № A/RES/58/4 բանաձև)։ 2003 թվականի այս օրը Մեքսիկայում ստորագրվել է Կաշառակերության դեմ ՄԱԿ-ի կոնվենցիան։

Նկարագրություն

Այս միջազգային օրվա հիմնադրման նպատակը, ինչպես նշված է Գլխավոր ասամբլեայի բանաձևում, կաշառակերության հիմնախնդրի և կոնվենցիայի դերի ընկալման խորացումն էր կաշառակերության կանխարգելման և դրա դեմ պայքարի գործում։ Բանաձևը չի ներառում ավանդական սովորական կոչեր` այս օրը մեծ շուքով նշելու և համապատասխան միջոցառումներ իրականացնելու համար։

Գլխավոր ասամբլեայի բանաձևում ՄԱԿ-ի գլխավոր քարտուղարին ուղղված է խնդրանք, ըստ որի՝ նա պետք է վերահսկի ՄԱԿ-ի Թմրամիջոցների և հանցագործության դեմ պայքարի գրասենյակը և կատարի կոնվենցիայի մասնակից պետությունների կոնֆերանսների քարտուղարության գործառույթները։ Հետագայում ամեն տարի, Կաշառակերության դեմ պայքարի միջազգային օրվա կապակցությամբ, ՄԱԿ-ի Թմրամիջոցների և հանցագործության դեմ պայքարի գրասենյակի տնօրենը հանդես է գալիս ուղերձով։ Սովորաբար ՄԱԿ-ի այլ միջազգային օրերի կապակցությամբ նմանատիպ ուղերձները հղում է ՄԱԿ-ի Գլխավոր քարտուղարը։

2015 թվականի դեկտեմբերի 9-ին ՄԱԿ-ի գլխավոր քարտուղար Բան Կի Մունն իր ուղերձում կոչ է արել^[4]․

Մինչև 2030 թվականը կայուն զարգացման նոր օրակարգում, որի միջոցով մենք նախատեսում ենք վերջ դնել աղքատությանը և բոլորի համար ապահովել կյանքի արժանապատիվ պայմաններ, առաջանում է կաշառակերության դեմ պայքարի անհրաժեշտություն բոլոր տեսանկյուններից, և կոչ է արվում զգալի կրճատումների ենթարկել ապօրինի ֆինանսական հոսքերը և վերադարձնել գողացված գույքը։

2015 թվականի դեկտեմբերի 9-ին ՄԱԿ-ի Թմրամիջոցների և հանցագործության դեմ պայքարի գրասենյակի գործադիր տնօրեն Յուրի Ֆեդոտովն իր ուղերձում նշել է^[5]․

Երբ կաշառակերությունը հասնում է իր նպատակին, իսկ հավասարությունն ու արդարությունը ձախողվում են, ամբողջ համայնքը կարող է մնալ առանց անհրաժեշտ ենթակառուցվածքների, հիվանդանոցների կամ դպրոցների։ Բացի այդ, կաշառակերությունը խարխլում է կարևորագույն իրավական հարցերի հիմքը, վնաս հասցնում արդյունաբերությանը և խեղաթյուրում մրցակցության հասկացությունը։

Միջազգային միջոցառումներ

2003 թվականից ի վեր «Transparency International» կազմակերպությունն ամեն տարի հրապարակում է «Համաշխարհային կաշառակերության բարոմետր» զեկույցը։ 2004 թվականից ի վեր այս զեկույցը վերագրված էր Կաշառակերության դեմ պայքարի միջազգային օրվան։
2015 թվականից ի վեր ՄԱԿ-ի Զարգացման ծրագիրը և ՄԱԿ-ի Թմրամիջոցների և հանցագործության դեմ պայքարի գրասենյակը համատեղ միջազգային արշավ են նախաձեռնել, որը կոչ է անում «կոտրել կաշառակերության շղթան», այդ թվում՝ ուղիղ կոչով դիմել քաղաքացիներին սոցիալական ցանցերում օգտագործել #breakthechain հեշթեգն՝ ի նշան աջակցության^[6]։

Տարեկան թեմաներ

2008 թվական՝ ...։
2009 թվական՝ «Եկեք թույլ չտանք, որպեսզի կաշառակերությունը խաթարի զարգացումը»։
2010 թվական՝ ...։
2011 թվական՝ ACT («Against Corruption Today»-ի կրճատ տարբերակ, հայերեն՝ «Այսօրվա կաշառակերությանը հակառակ»)։
2012 թվական՝ «Կաշառակերություն․ Քո «ՈՉ»-ն իմաստ ունի» («Corruption. Your 'NO' counts»)։
2013 թվական՝ «Զրոյական կաշառակերությունը 100 տոկոս զարգացում է»։
2014 թվական՝ «Կոտրիր կաշառակերության շղթան»։
2015 թվական՝ «Կոտրիր կաշառակերության շղթան»։
2016 թվական՝ «Համախմբվենք կաշառակերության դեմ պայքարում` հանուն զարգացման, խաղաղության և անվտանգության»։
2017 թվական՝ «Համախմբվենք կաշառակերության դեմ պայքարում` հանուն զարգացման, խաղաղության և անվտանգության»։

Ծանոթագրություններ

Արտաքին հղումներ

[_265637c5bfcbeeb3-1] 1,0 ^1,1 https://www.un.org/en/observances/anti-corruption-day

[_f426939256bcd253-2] ttps://news.un.org/es/story/2004/12/1046931

[_4d5125ec8621add5-3] ttps://daccess-ods.un.org/access.nsf/Get?OpenAgent&DS=A/RES/58/4&Lang=S

[4] Послание по случаю Международного дня борьбы с коррупцией 9 декабря 2015 года

[5] Разорвать порочный круг коррупции в Международный день борьбы с коррупцией

[6] О кампании «Разорви цепь коррупции»

[1]

[2]

[3]

[4]

[5]

[6]