Կամո Բարսեղյան
Կամո Բարսեղյան | |
---|---|
Ծնվել է | հուլիսի 26, 1957 (66 տարեկան) |
Ծննդավայր | Այգեստան, Խոջալուի շրջան |
Կրթություն | ՀԱՊՀ |
Մասնագիտություն | քաղաքական գործիչ |
Կամո Վանիի Բարսեղյան (հուլիսի 26, 1957, Այգեստան, Խոջալուի շրջան), արցախցի քաղաքական գործիչ, Արցախի Հանրապետության 5-րդ գումարման Ազգային ժողովի «Հայ հեղափոխական դաշնակցություն» կուսակցության պատգամավոր[1][2][3][4][5][6][7][8][9][10]։
Կենսագրություն[խմբագրել | խմբագրել կոդը]
Կամո Բարսեղյանը շնվել է 1957 թվականի հուլիսի 26-ին Ասկերանի շրջանի Այգեստան գյուղում։ 1974 թվականին ավարտել է տեղի միջնակարգ դպրոցը։ 1974-1975 թվականներին սովորել է Ստեփանակերտի սովխոզտեխնիկումի պտղաբանջարաբուծական բաժնում, միևնույն ժամանակ աշխատելով սովխոզտեխնիկումի Բալուջայի տեղամասում, որպես բանվոր։
1979 թվականին ավարտել է Արցախի պետական համալսարանի ֆիզմաթ ֆակուլտետի ֆիզիկայի բաժինը։ 1979-1980 թվականներին եղել է Այգեստանի միջնակարգ դպրոցի ուսուցիչ, իսկ 1980-1981 թվականներին՝ Ռուսաստանի Խորհրդային Ֆեդերատիվ Սոցիալիստական Հանրապետության Սամարայի մարզի Կրասնի Յառի շրջանի կենցաղսպասարկման կոմբինատի դիսպետչեր։
1981-1983 թվականներին ծառայել է ԽՍՀՄ Զինված ուժերում։
1983-1992 թվականներին եղել է Ստեփանակերտի կոշկի ֆաբրիկայի տեսուչ, ապա՝ արհմիության նախագահ։ 1992 թվականին ավարտել է Հայաստանի ազգային պոլիտեխնիկական համալսարանի տեխնոլոգիական բաժինը։
Արցախահայության ազգային-ազատագրական պայքարի և ազատամարտի ակտիվ մասնակից է։ Եղել է «Կռունկ» կոմիտեի, «Միացում» շարժման անդամ, Բալուջայի կամավորական վաշտի հրամանատարի տեղակալ, ապա՝ վաշտի հրամանատար։
1991 թվականի դեկտեմբերի 28-ին Այգեստանի թիվ 28 ընտրատարածքից ընտրվել է Արցախի Հանրապետության 1-ին գումարման Գերագույն խորհրդի պատգամավոր։ Եղել է մանդատային, մարդու իրավունքների և ազգային փոքրամասնությունների հարցերի մշտական հանձնաժողովի անդամ։ 1992-1997 թվականներին եղել է Ասկերանի շրջսպառընկերության վարչության նախագահ։
1997-2000 թվականներին եղել է «Ար» ՓԲԸ-ի տնօրեն։
2000 թվականի հունիսի 18-ին Ասկերանի թիվ 17 ընտրատարածքից ընտրվել է Արցախի Հանրապետության 3-րդ գումարման Ազգային ժողովի պատգամավոր։ Եղել է Արցախի Հանրապետության Ազգային ժողովի արտադրության և արտադրական ենթակառուցվածքների հարցերի մշտական հանձնաժողովի նախագահ:։
2006-2010 թվականներին եղել է «Թուֆենկյան կարպետս» և «Բլակ Գարդեն Թուֆենկյան» ՍՊԸ-ի տնօրեն։
2010 թվականի մայիսի 23-ին խորհրդարանական ընտրություններում «Հայ Հեղափոխական Դաշնակցություն» կուսակցության համամասնական ընտրացուցակով ընտրվել է Արցախի Հանրապետության հինգերորդ գումարման Ազգային ժողովի պատգամավոր[11][12][13][14][15][16][17][18]։
2010 թվականի հունիսի 10-ին եղել է Արցախի Հանրապետության Ազգային ժողովի արտադրության և արտադրական ենթակառուցվածքների հարցերի մշտական հանձնաժողովի նախագահի տեղակալ։
Եղել է Ազգային ժողովի «Դաշնակցություն» խմբակցության քարտուղար։
«Հայ Հեղափոխական Դաշնակցություն» կուսակցության անդամ է։
Ամուսնացած է, ունի մեկ զավակ։
Պարգևներ[խմբագրել | խմբագրել կոդը]
- «Շուշիի ազատագրման համար մեդալ (ԼՂՀ նախագահի թիվ 232 հրամանագիր 07.05.2001 թվական)
- «Երախտագիտություն» մեդալ (ԼՂՀ նախագահի թիվ 30 հրամանագիր 27.03.2003 թվական)
- «Արիության համար» մեդալ (ԼՂՀ նախագահի թիվ 42-Ա հրամանագիր 08.05.2009 թվական)
Տես նաև[խմբագրել | խմբագրել կոդը]
Արցախի 5-րդ գումարման Ազգային ժողովի ընտրություններ
Ծանոթագրություններ[խմբագրել | խմբագրել կոդը]
- ↑ «Բարսեղյան Կամո Վանիի». www.nankr.am. Վերցված է 2023 թ․ օգոստոսի 22-ին.
- ↑ «ՀՅ Դաշնակցության ընտրական ցուցակը՝ ԱՀ Ազգային Ժողովի ընտրություններին». Նորություններ Արցախից aparaj.am. 2020 թ․ փետրվարի 17. Վերցված է 2023 թ․ օգոստոսի 22-ին.
- ↑ LLC, Helix Consulting. «ՀՅԴ-ն հրապարակել է Արցախի ԱԺ ընտրությունների ցուցակը». www.panorama.am (անգլերեն). Վերցված է 2023 թ․ օգոստոսի 22-ին.
- ↑ «ՀՅ Դաշնակցության ընտրական ցուցակը՝ Արցախի Հանրապետության Ազգային ժողովի ընտրություններին». www.aravot.am. 22.08.2023.
- ↑ «Operativ.am | ՀՅԴ-ն ներկայացրել է Արցախի խորհրդարանական ընտրություններում իրենց կուսակցության ցուցակը». operativ.am. Վերցված է 2023 թ․ օգոստոսի 22-ին.
- ↑ «Wikizero - Արցախի 5-րդ գումարման Ազգային ժողովի ընտրություններ». www.wikizero.com. Վերցված է 2023 թ․ օգոստոսի 22-ին.
- ↑ «ՀՅԴ-ն ներկայացրել է Արցախի խորհրդարանական ընտրություններում իրենց կուսակցության ցուցակը». www.artsakhpress.am. Վերցված է 2023 թ․ օգոստոսի 22-ին.
- ↑ «ՀՅԴ համամասնական ցուցակը կազմված է 34 հոգուց». 168.am. 22.08.2023.
- ↑ Technologies, Peyotto. «ՀՅԴ-ն ներկայացրել է Արցախի խորհրդարանական ընտրություններում իրենց կուսակցության ցուցակը». 1in.am. Վերցված է 2023 թ․ օգոստոսի 22-ին.
- ↑ «ՀՅԴ-ն ներկայացրել է Արցախի խորհրդարանական ընտրություններում իրենց կուսակցության ցուցակը». lurer.com. 2023 թ․ օգոստոսի 15. Վերցված է 2023 թ․ օգոստոսի 22-ին.
- ↑ «ՀՅԴ համամասնական ցուցակը կազմված է 34 հոգուց». Նորություններ Արցախից aparaj.am. 2015 թ․ մարտի 20. Վերցված է 2023 թ․ օգոստոսի 22-ին.
- ↑ «23 մայիսի 2010թ. | ԼՂՀ Կենտրոնական ընտրական հանձնաժողով» (ռուսերեն). Վերցված է 2023 թ․ օգոստոսի 22-ին.
- ↑ «ՀՅ Դաշնակցության ընտրական ցուցակը՝ ԱՀ Ազգային Ժողովի ընտրություններին». My Application. 2020 թ․ փետրվարի 18. Վերցված է 2023 թ․ օգոստոսի 22-ին.
- ↑ Mamikonyan, Armine (2020 թ․ փետրվարի 18). «ՀՅ Դաշնակցության ընտրական ցուցակը՝ ԱՀ Ազգային Ժողովի ընտրություններին». ԳԱԼԱ. Արխիվացված է օրիգինալից 2023 թ․ օգոստոսի 21-ին. Վերցված է 2023 թ․ օգոստոսի 22-ին.
- ↑ «ՀՅ Դաշնակցության ընտրական ցուցակը ԱՀ Ազգային Ժողովի ընտրություններին». 22.08.2023. Արխիվացված է օրիգինալից 2023 թ․ օգոստոսի 21-ին. Վերցված է 2023 թ․ օգոստոսի 22-ին.
- ↑ «ՀՅԴ-ն ներկայացրել է Արցախի խորհրդարանական ընտրություններում իրենց կուսակցության ցուցակը». news.am. 2023 թ․ օգոստոսի 22. Վերցված է 2023 թ․ օգոստոսի 22-ին.
- ↑ «2020թ. մարտի 31-ին կայանալիք Արցախի Հանրապետության Ազգային ժողովի ընտրություններին ՀՅԴ ցուցակը կգլխավորի Դավիթ Իշխանյանը». www.tert.am. Արխիվացված է օրիգինալից 2023 թ․ օգոստոսի 22-ին. Վերցված է 2023 թ․ օգոստոսի 22-ին.
- ↑ TV, Azat (2020 թ․ փետրվարի 18). «Հրապարակվել է Արցախի ԱԺ ընտրություններին ՀՅԴ ցուցակը». Your Site NAME Goes HERE (ամերիկյան անգլերեն). Վերցված է 2023 թ․ օգոստոսի 22-ին.
Արտաքին հղումներ[խմբագրել | խմբագրել կոդը]
- Լեռնային Ղարաբաղում մեկնարկել են խորհրդարանական ընտրությունները
- ՊԱՏԳԱՄԱՎՈՐՆԵՐ
- ՀՅԴ ընտրական ցուցակը հայտնի է
- Արցախի Հանրապետության ԱԺ ընտրություններին ՀՅԴ ցուցակը կգլխավորի Դավիթ Իշխանյանը
- ՀՅԴ-ն հրապարակել է Արցախի խորհրդարանական ընտրություններում իրենց կուսակցության ցուցակը
- Արցախի 5-րդ գումարման Ազգային ժողովի ընտրություններ