Կալիտեյա
 | |
|---|---|
 | |
| Երկիր |  Հունաստան |
| Կարգավիճակ | քաղաք, մեծ քաղաք և արվարձան |
| Մտնում է | Կալիտեյա մունիցիպալիտետ |
| ԲԾՄ | 25 մետր |
| Բնակչություն | 100 641 մարդ (2011) |
| Տարածք | 4,75 կմ² |
 | |
| Սահմանակցում է | Տավրոս և Պալաիո Ֆալիրո |
| Ժամային գոտի | UTC+2 և UTC+3 |
| Հեռախոսային կոդ | 210 |
| Փոստային ինդեքսներ | 176 xx |
| kallithea.gr | |
Կալիտեյա[1][2] (հուն․՝ Καλλιθέα[3]), քաղաք Հունաստանում, Աթենքի հարավային արվարձանը։ Գտնվում է ծովի մակարդակից 25 մ բարձրության վրա[4], Եգեյան ծովի Սարոնիկոս ծովածոցի Փալիրոն ծովախորշի ափին, Աթենքյան հարթավայրում, Աթենքի կենտրոնից և Օմոնիասի հրապարակից 4 կմ հարավ-արևմուտք, «Էլեֆտերիոս Վենիզելոս» միջազգային օդանավակայանից 22 կմ հյուսիս-արևմուտք։ Միավորված համայնքի վարչական կենտրոնը մտնում է Ատտիկայի պերիֆերիայի կազմի մեջ գտնվող Հարավային Աթենքի ծայրամասային միավորում[3]։ Ըստ 2011 թվականի մարդահամարի տվյալների՝ բնակչության թիվը կազմում է 100 641 մարդ[3], համարվում է աթենական ագլոմերացիայի ամենախիտ բնակեցված համայնքը։ Մակերեսը 4,749 կմ² է[4]։ Խտությունը 21 192,04 մարդ/կմ² է[3]։ 2014 թվականի տեղական ընտրությունների ժամանակ դիմարխ է ընտրվել Դիմիտրիոս Կարնավոսը (Δημήτριος Κάρναβος)։
Սինգրու պողոտայով[3] արևելքում սահմանակցում է Նեոս-Կոզմոս շրջանի, Աթենքի համայնքների, Նոր Զմյուռնիայի և Պալեոն-Ֆալիրոնի հետ, իսկ արևմուտքից աթենքյան մետրոպոլիտենի առաջին գծով և Իլիսոս գետով սահմանակցում է Մոսխատոն-Տավրոս համայնքին։ Քաղաքին սպասարկում է Աթենքյան «Կալիտեյա» մետրոպոլիտենի առաջին գիծը։
Համայնքի զինանշանի վրա պատկերված է Թեսևսը՝ Էգևսի որդին, որը հին հունական դիցաբանության մեջ Կրետե ճանապարհորդելուց վերադառնալիս ափ է իջնում Կալիտեայում։ Հնագիտական գտածոները վկայում են մ.թ.ա. 4-րդ դարում Կալիտեյայի տարածքում գոյություն ունեցող մեծ գերեզմանատան մասին։ Փոքրասիական աղետից հետո Կալիտեյայում են բնակվել Փոքր Ասիայից եկած փախստականներ։
Կալիտեյայում է գտնվում Պանթեոնի համալսարանը և «Կալիտեա» ֆուտբոլային ակումբը, որը իր հարկի տակ մրցախաղերն անցկացնում է Կալիտեայի «Գրիգորիս Լամբրիկիս» մարզադաշտում։
Կալիտեյայի լողափին է տեղակայված Ֆալիրոնի Օլիմպիական համալիրը։ Մրցման համար նախատեսված 2004 թվականի ամառային Օլիմպիական խաղերի ծովափնյա վոլեյբոլի մրցույթներն անցկացնելու համար կառուցվել է սպորտային կենտրոն։ 2016 թվականին բացվում է Ստավրոս Նիարքոսի անվան մշակույթի կենտրոնը, որն իր մեջ է ներառում Ազգային գրադարանը և Ազգային օպերան։
1925 թվականին ստեղծվել է Կալիտեայի համայնքը, իսկ 1933 թվականին՝ միությունը[5]։
Բնակչություն[խմբագրել | խմբագրել կոդը]
| Տարի | Բնակչություն, մարդ |
|---|---|
| 1991 | 116 731[6] |
| 2001 | 115 150[6] |
| 2011 | 100 641[3] |
Տեսարժան վայեր[խմբագրել | խմբագրել կոդը]
- Կալիտեյական հուշարձան
- Արգոնավորդների և Պոնտացիների եղբայրության հուշարձանը՝ Կոմնենոսների հարստություն
Ծանոթագրություններ[խմբագրել | խմբագրել կոդը]
- ↑ Греция : Справочная карта : Масштаб 1:1 000 000 / гл. ред. Я. А. Топчиян; ред.: Г. А. Скачкова, Н. Н. Рюмина. — М. : Роскартография, Омская картографическая фабрика, 2001. — (Страны мира «Европа»). — 2000 экз.
- ↑ карта Афины // Атлас мира / сост. и подгот. к изд. ПКО «Картография» в 1999 г. ; отв. ред.: Т. Г. Новикова, Т. М. Воробьёва. — 3-е изд., стер., отпеч. в 2002 г. с диапоз. 1999 г. — М. : Роскартография, 2002. — С. 104—105. — ISBN 5-85120-055-3.
- ↑ 3,0 3,1 3,2 3,3 3,4 3,5 Δελτίο τύπου. Ανακοίνωση των αποτελεσμάτων της Απογραφής Πληθυσμού-Κατοικιών 2011 για το Μόνιμο Πληθυσμό της Χώρας (греч.). Ελληνική Στατιστική Αρχή (28 Δεκεμβρίου 2012). Дата обращения 4 июня 2017.
- ↑ 4,0 4,1 Απογραφή πληθυσμού - κατοικιών της 18ης μαρτίου 2001 (μόνιμος πληθυσμός) (греч.). — Πειραιάς: Εθνική στατιστική υπηρεσία της Ελλάδας, 2009. — Τ. I. — Σ. 333. — ISSN 1106-5761.
- ↑ «Διοικητικές μεταβολές δήμων και κοινοτήτων. Κ. Καλλιθέας (Αττικής και Βοιωτίας)» (հունարեն)։ ΕΕΤΑΑ։ Վերցված է 2018-08-12
- ↑ 6,0 6,1 «Μόνιμος και Πραγματικός Πληθυσμός της Ελλάδος. Σύνολο Ελλάδος, νομοί, δήμοι/κοινότητες, δημοτικα/κοινοτικά διαμερίσμα και οικισμοί. Απογραφές πληθυσμού 2001 και 1991» (հունարեն)։ Ελληνική Στατιστική Αρχή։ Արխիվացված է օրիգինալից 2006-07-16-ին։ Վերցված է 2017-06-22
| ||||||
