Խոսրով Խլղաթյան

Խոսրով Խլղաթյան;
Ծնվել է	հունվարի 1, 1964 (60 տարեկան)
Ծննդավայր	Մարտունի, Հայկական ԽՍՀ, ԽՍՀՄ
Քաղաքացիություն	Հայաստան
Կրթություն	Երևանի պետական համալսարան
Մասնագիտություն	լրագրող

Խոսրով Ռազմիկի Խլղաթյան (հունվարի 1, 1964(1964-01-01), Մարտունի, Հայկական ԽՍՀ, ԽՍՀՄ), գրող, լրագրող, «Գեղամա աշխարհ» թերթի խմբագիր։

Կենսագրություն

Խոսրով Խլղաթյանը ծնվել է 1964 թվականի հունվարի 1-ին, Հայաստանի Գեղարքունիքի մարզի Մարտունի քաղաքում։ Սովորել և ավարտել է Մարտունու թիվ 1 միջնակարգ դպրոցը, այնուհետև տեղափոխվել է Երևան, սովորել և ավարտել Երևանի թիվ 1 պրոֆտեխուսումնարանը, բարձրագույն կրթությունը շարունակել է Երևանի պետական համալսարանի բանասիրական ֆակուլտետում։

1983-1985 թվականներին ծառայել է ԽՍՀՄ բանակում՝ Ղազախստանի Շևչենկո քաղաքում։ Դպրոցական տարիներին ընտանիքին օգնելու նպատակով ամառային արձակուրդներին աշխատել է Մարտունու սովխոզում։ Մանուկ հասակից սիրել է զբաղվել ֆիզիկական աշխատանքով, սպորտով ու ընթերցանությամբ։

Ընտանիք

Ամուսնացած է, ունի երկու որդի։ Կինը՝ Ալինա Ավետիսյանը, մասնագիտությամբ բանասեր է, աշխատում է Գեղարքունիքի մարզային գրադարանում։

Ավագ որդին՝ Շանթ Խլղաթյանը, զբաղեցնում է Արմենպրես պետական լրատվական գործակալության գլխավոր խմբագրի պաշտոնը։ Փոքր որդին՝ Մեսրոպը, ավարտել է ԵՊՀ տնտեսագիտության մագիստրատուրան և աշխատում է ճանապարհաշինարարության ոլորտում՝ ղեկավարելով ճանապարհաշինական մասնավոր ընկերություն։

Աշխատանքային գործունեություն

Աշխատել է Մարտունու շինտրեստի բանվոր, Մարտունու թիվ 1 միջնակարգ և Երանոսի թիվ 1 միջնակարգ դպրոցների պիոներ ավագ ջոկատավար։ 1987-1994 թվականներին հ. լեզու և գրականություն է դասավանդել Ծակքարի, Ն.Գետաշենի, ապա՝ Մարտունու թիվ 3 միջնակարգ դպրոցներում։ Համատեղության կարգով աշխատել է Մարտունու շրջանային թերթում՝ թրծվելով լրագրության մեջ։ 1995 թվականից աշխատանքի է անցել պետական կառավարման համակարգում։ 1995 թվականի հունվարից մինչև 1996-ի մարտ ամիսը ղեկավարել է Մարտունու շրջխորհրդի գործկոմի ընդհանուր բաժինը։ 1996-2003 թվականներին զբաղեցրել է Գեղարքունիքի մարզպետարանի լրատվության և հասարակայնության հետ կապերի բաժնի վարիչի պաշտոնը։ 2003-2006 թվականներին աշխատել է որպես Գեղարքունիքի մարզպետի մամուլի քարտուղար, 2006-2010 թվականներին եղել է Գեղարքունիքի մարզպետի օգնական։

2008թվականի հոկտեմբերից մինչ օրս խմբագրում է «Գեղամա աշխարհ» մարզային թերթը^[1]։ 2015թվականից մինչ այժմ պայմանագրային կարգով աշխատում է Գեղարքունիքի մարզպետարանի լրատվության բաժնում^[2]։ 1998 թվականից մինչ օրս համատեղությամբ աշխատում է《Արմենպրես》լրատվական գործակալությունում^[3]։ Տարբեր տարիներին համագործակցել է նաև Հայաստանի Հանրային հեռուստատեսության «Հայլուր» լրատվական գործակալության, «Հայաստանի Հանրապետություն» թերթի հետ՝ նրանց տրամադրելով Գեղարքունիքի մարզի կենսագործունեության, ձեռքբերումների ու հիմնախնդիրների մասին պատմող տեսանյութեր, հոդվածներ, լուրեր։

Գրական գործունեություն

Մի շարք ակնարկների^[4], պատմվածքների, դիմանկարների, քննադատական կամ հրապարակախոսական հոդվածների հեղինակ է^[5]^[6]^[7]^[8]^[9]։ Մասնագետներն առավել բարձր են գնահատել «Ֆիդայական շարժման արձագանքները և ֆիդայիների կերպարը հայ գրականության մեջ» ստվարածավալ աշխատությունը, որը շարունակաբար լույս է տեսել «Գեղամա աշխարհ» թերթում։

2020 թվականին լույս է ընծայել իր բանաստեղծությունների և պատմվածքների առաջին ժողովածուն՝ «Հոգու հայրենիք» վերնագրով^[10]։ Հրատարակության է պատրաստում նոր գրքեր։

Ծանոթագրություններ

↑ «ԳԵՂԱՄԱ ԱՇԽԱՐՀ». geghamaashkharh.blogspot.com. Վերցված է 2022 թ․ դեկտեմբերի 10-ին.
↑ «Գեղարքունիքի մարզպետարան». gegharkunik.mtad.am. Վերցված է 2022 թ․ դեկտեմբերի 10-ին.
↑ «ԱՐՄԵՆՊՐԵՍ Հայկական լրատվական գործակալություն». armenpress.am. Վերցված է 2022 թ․ դեկտեմբերի 10-ին.
↑ Խլղաթյան, Խոսրով. «Բռնադատված Ավետիք Դավուդյանի հուշերը». epfarmenia.am. epfarmenia.am. Վերցված է 10:12:2022-ին.
↑ «ՀՀ ՄԻՊ ներկայացուցիչները բոլոր մարզերում կանցկացնեն քաղաքացիների ընդունելություն և քննարկումներ». m.1in.am. Վերցված է 2022 թ․ դեկտեմբերի 10-ին.
↑ «Ալիևի բացած թանգարանը սարսուռ է առաջացնում ցանկացած մարդու մոտ․Խոսրով Խլղաթյան - armenia.im» (ամհարերեն). 2021 թ․ ապրիլի 15. Վերցված է 2022 թ․ դեկտեմբերի 10-ին.
↑ Limited, Clover Media (2019 թ․ մայիսի 20). «Մարտունի գյուղում ստեղծված խնձորի ինտենսիվ այգին այս տարի տալու է իր առաջին բերքը». b24.am. Վերցված է 2022 թ․ դեկտեմբերի 10-ին.
↑ Խլղաթյան, Խոսրով (Հուլիս 29 2022). «Գեղարքունիքի մարզում հացահատիկի բերքահավաքը սկսվել է ավելի վաղ և ցածր արդյունքներով». 168.am. Խոսրով Խլղաթյան. Վերցված է 10:12:2022-ին.
↑ «Գեղարքունիքի երկրագիտական թանգարանում ներկայացվեցին Նոր Բայազետի հարսանեկան ավանդույթները | Արեւմտահայաստանի եւ Արեւմտահայութեան Հարցերու Ուսումնասիրութեան Կեդրոն» (ամերիկյան անգլերեն). Վերցված է 2022 թ․ դեկտեմբերի 10-ին.
↑ «Բանաստեղծություններ, պոեմներ, պատմվածքներ. Խոսրով Խլղաթյանը հրատարակել է «Հոգու Հայրենիքը» գիրքը». armenpress.am. Վերցված է 2022 թ․ դեկտեմբերի 10-ին.

Վիքիպահեստ նախագծում կարող եք այս նյութի վերաբերյալ հավելյալ պատկերազարդում գտնել Խոսրով Խլղաթյան կատեգորիայում։

[1] «ԳԵՂԱՄԱ ԱՇԽԱՐՀ». geghamaashkharh.blogspot.com. Վերցված է 2022 թ․ դեկտեմբերի 10-ին.

[2] «Գեղարքունիքի մարզպետարան». gegharkunik.mtad.am. Վերցված է 2022 թ․ դեկտեմբերի 10-ին.

[3] «ԱՐՄԵՆՊՐԵՍ Հայկական լրատվական գործակալություն». armenpress.am. Վերցված է 2022 թ․ դեկտեմբերի 10-ին.

[4] Խլղաթյան, Խոսրով. «Բռնադատված Ավետիք Դավուդյանի հուշերը». epfarmenia.am. epfarmenia.am. Վերցված է 10:12:2022-ին.

[5] «ՀՀ ՄԻՊ ներկայացուցիչները բոլոր մարզերում կանցկացնեն քաղաքացիների ընդունելություն և քննարկումներ». m.1in.am. Վերցված է 2022 թ․ դեկտեմբերի 10-ին.

[6] «Ալիևի բացած թանգարանը սարսուռ է առաջացնում ցանկացած մարդու մոտ․Խոսրով Խլղաթյան - armenia.im» (ամհարերեն). 2021 թ․ ապրիլի 15. Վերցված է 2022 թ․ դեկտեմբերի 10-ին.

[7] Limited, Clover Media (2019 թ․ մայիսի 20). «Մարտունի գյուղում ստեղծված խնձորի ինտենսիվ այգին այս տարի տալու է իր առաջին բերքը». b24.am. Վերցված է 2022 թ․ դեկտեմբերի 10-ին.

[8] Խլղաթյան, Խոսրով (Հուլիս 29 2022). «Գեղարքունիքի մարզում հացահատիկի բերքահավաքը սկսվել է ավելի վաղ և ցածր արդյունքներով». 168.am. Խոսրով Խլղաթյան. Վերցված է 10:12:2022-ին.

[9] «Գեղարքունիքի երկրագիտական թանգարանում ներկայացվեցին Նոր Բայազետի հարսանեկան ավանդույթները | Արեւմտահայաստանի եւ Արեւմտահայութեան Հարցերու Ուսումնասիրութեան Կեդրոն» (ամերիկյան անգլերեն). Վերցված է 2022 թ․ դեկտեմբերի 10-ին.

[10] «Բանաստեղծություններ, պոեմներ, պատմվածքներ. Խոսրով Խլղաթյանը հրատարակել է «Հոգու Հայրենիքը» գիրքը». armenpress.am. Վերցված է 2022 թ․ դեկտեմբերի 10-ին.

[1]

[2]

[3]

[4]

[5]

[6]

[7]

[8]

[9]

[10]