Խնձորյանի ոսկեբզեզ

Վիքիպեդիայից՝ ազատ հանրագիտարանից
Jump to navigation Jump to search
Խնձորյանի ոսկեբզեզ
Գիտական դասակարգում
Թագավորություն Կենդանիներ
Բաժին Միջատներ
Ընտանիք Ոսկեբզեզներ
Տեսակ Խնձորյանի ոսկեբզեզ
Լատիներեն անվանում
Sphenoptera khnzoriani


Խնձորյանի ոսկեբզեզ (լատ.՝ Sphenoptera khnzoriani), ոսկեբզեզների ընտանիքին պատկանող միջատ, որը գրանցված է Հայաստանի Հանրապետության Կարմիր գրքում։

Նկարագրություն[խմբագրել | խմբագրել կոդը]

Ուռուցիկ, լայն ձվաձև, դեպի հետ կտրուկ նեղացող մարմնով և 17 մմ երկարությամբ միջին մեծության բզեզ է: Թույլ պղնձակարմրավուն շողշողյունով ծածկույթները փայլուն են և բրոնզագույն[1]:

Տարածվածություն[խմբագրել | խմբագրել կոդը]

Հայաստանի էնդեմիկ է: Հայտնի է միայն Վեդի քաղաքի շրջակայքից (Գոռավանի ավազուտներ)[1]:

Էկոլոգիա[խմբագրել | խմբագրել կոդը]

Հավաքվել է ավազոտ անապատի, աղուտաբույսերի և օշինդրի գերակայությամբ հարակից քարքարոտ կիսաանապատի սահմանաեզրին:

Կենսաբանական առանձնահատկությունները հայտնի չեն: Տիպային նմուշը հայտնաբերվել է հուլիսի վերջին[1]:

Պահպանություն[խմբագրել | խմբագրել կոդը]

Խիստ սահմանափակ արեալով հազվագյուտ տեսակ է: Բնության պահպանության միջազգային միության Կարմիր ցուցակում գրանցված է որպես վտանգված տեսակ:

Թվաքանակը և դրա փոփոխության միտումները պարզված չեն: Հայտնի է մեկ նմուշ:

Վտանգ է հանդիսանում անասունների արածեցմամբ և մարդու տնտեսական գործունեությամբ պայմանավորված էկոհամակարգերի դեգրադացումը:

Պահպանվում է «Գոռավանի ավազուտներ» պետական արգելավայրում[1]։

Ծանոթագրություններ[խմբագրել | խմբագրել կոդը]

  1. 1,0 1,1 1,2 1,3 Հայաստանի Կարմիր գիրք (հայերեն)։ Երևան: ՀՀ Բնապահպանության նախարարություն։ 2010։ ISBN 978-99941-2-420-6