Խնձորենու տերևալվիկ
Խնձորենու տերևալվիկ | |
Խնձորենու տերևալվիկ | |
Դասակարգում | |
Թագավորություն | Կենդանիներ (Animalia) |
Տիպ/Բաժին | Հոդվածոտանիներ (Arthropoda) |
Ենթատիպ | Վեցոտանիներ (Hexapoda) |
Դաս | Միջատներ (Insecta) |
Կարգ | Կիսակարծրաթևավորներ (Hemiptera) |
Ընտանիք | Psyllidae |
Ցեղ | Cacopsylla |
Տեսակ | Խնձորենու տերևալվիկ (C. mali) |
Միջազգային անվանում | |
Cacopsylla mali |
Խնձորենու տերևալվիկ (Psylla mali Schm idber), հավասարաթևավորների (Homoptera) կարգի Psylla ցեղի միջատ։ Վնասում է խնձորենու վերգետնյա օրգանները։
Նկարագրություն[խմբագրել | խմբագրել կոդը]
Հասուն միջատի մարմինը (2,5 մմ) մուգ կանաչից դարչնադեղնավուն է։ Ձվերը երկարավուն են, նանջագույն, նիմֆաները` դեղնավունից կանաչավուն։ Հայաստանում տարածված է Լոռու մարզում, Սևանի ավազանի, Արտաշատի, Կապանի տարածաշրջանների խնձորուտներում։ Ձմեռում է ձուն՝ ծառի ճյուղերի կեղևի ճեղքերում, որից գարնանը, բողբոջների բացվելու նախօրյակին, դուրս են գալիս նիմֆաները, որոնք սկզբում սնվում են ուռած բողբոջներով, ապա` դրանց բացման ժամանակ թափանցում են բողբոջների մեջ և սնվում տերևներով ու ծաղկակոկոններով։ Սնման ընթացքում դրանք արտաթորում են մածուցիկ հյութ, որով ծածկում են տերևներն ու ծաղկակոկոնները. վնասված տերևները թերաճ են, իսկ ծաղկակոկոնները չեն բացվում, պտուղներ չեն ձևավորվում։ Տարեկան տալիս է 1 սերունդ։ Խնձորենու տերևալվիկի զանգվածային բազմացմանը նպաստում են զով և խոնավ եղանակային պայմանները։ Միջատը տարածվում է տնկանյութի, մարդկանց և կենդանիների միջոցով։
Պայքարի միջոցառումներ[խմբագրել | խմբագրել կոդը]
Աշնան տերևաթափից հետո՝ ծառերի միջշարքերի վարում, ամռանը` ցելի տակ պահում, մինչև ծաղկակալումը տերևալվիկի նիմֆաներին ոչնչացնելու նպատակով ծառերի սրսկում՝ կոնդորով, դուրսբանով, նուրել-Դ-ով, Բի- 58-ով։
Այս հոդվածի կամ նրա բաժնի որոշակի հատված վերցված է «Գյուղատնտեսական հանրագիտարանից», որի նյութերը թողարկված են՝ Քրիեյթիվ Քոմմոնս Նշում-Համանման տարածում 3.0 (Creative Commons BY-SA 3.0) թույլատրագրի ներքո։ ![]() |