Խիբրալֆարոյի ամրոց

Խիբրալֆարոյի ամրոց; Castillo de Gibralfaro
Տեսակ	թանգարան, հուշարձան և դղյակ
Վարչական միավոր	Մալագա
Երկիր	Իսպանիա
Համալիրի մաս	Conjunto Alcazabilla?
Կառուցող	Աբդ ար Ռախման III; Ֆերդինանդ II
Ընթացիկ; սեփականատեր	Yusuf I, Sultan of Granada?
	36°43′24″N 4°24′42″O36°43′24″N 04°24′42″W / 36.72333°N 4.41167°W
	Castillo de Gibralfaro Վիքիպահեստում

Խիբրալֆարո (իսպ.՝ Castillo de Gibralfaro), արաբական ամրոց, որի ավերակները պահպանվել են Մալագայի սարի գագաթին, Իսպանիա։ Այն համարվում է քաղաքի տեսարժան վայրերից մեկը։

Խիբրալֆարոն կապված է Մալագայի բերդի հետ, այն անցնում է երկու պատերի միջև և կազմում մեկ ամբողջություն։ Ամրոցը շրջապատված է երկու մեծ պատերով, որոնց միջև կա նեղ անցում, դրա ներքին պատը ավելի բարձր է, քան արտաքինը։ Ամրոցի մուտքը գտնվում է արևմտյան աշտարակում։

Ամրոցը կառուցվել է 929 թվականին, Կորդովայի խալիֆ Աբդ ար Ռախման III-ի հրամանով, քաղաքի փյունիկյան տարածքում։ Վերակառուցվել է XIV դարում, Յուսուֆ I-ի հրամանով և նրա պատվին նրա անունով են կոչել այնտեղ գտնվող փարոսը։ Ռեկոնկիստայի ընթացքում ամրոցը պաշարվել էր, ինչը տևել է երեք ամիս, հետ գրավվման ժամանակ այնտեղ տեղափոխվեց կաթոլիկ թագավոր Ֆերդինանդ II-ը։

Խիբրալֆարոյից գեղեցիկ տեսարան է բացվում դեպի Մալագա և ցլամարտի համար նախատեսված Լա Մագալետա ասպարեզ։ Ամրոցի կենտրոնում զենք ու զրահի, թրերի և այլ պատմական նշանակություն ունեցող իրերի ցուցադրություն է։

1931 թվականին հռչակվել է Գեղարվեստական պատմական ժառանգության հուշարձան, 1985 թվականին գրանցվել է Bien de Interés Cultural-ի հուշարձանների ցանկում։

Այսօր ամրոցը հասանելի է այցելուների համար։ Նրա աշտարակներից հրաշալի տեսարան է բացվում դեպի Մալագա քաղաք, իսկ այն օրերին, երբ երկինքը պայծառ է՝ հնարավոր է տեսնել Ռիֆ լեռները (Աֆրիկա) և Ջիբրալթարի նեղուցը։