Լևոն Միրախորյան

Լևոն Միրախորյան
Ծնվել է	նոյեմբերի 17, 1895(1895-11-17)
Մահացել է	օգոստոսի 8, 1978(1978-08-08) (82 տարեկան)
Կրթություն	Բաբեշ-Բոլյաի համալսարան
Գիտական աստիճան	բժշկական գիտությունների դոկտոր և պրոֆեսոր
Ծնողներ	հայր՝ Մանուել Միրախորյան

Լևոն Մանվելի Միրախորյան (նոյեմբերի 17, 1895, Ռոման (Ռումինիա)- օգոստոսի 8, 1978, Բուխարեստ), ռումինահայ նյարդահոգեբույժ, պարահոգեբան։ Բժշկական գիտությունների դոկտոր (1925), պրոֆեսոր (1930)։

Մանուել Միրախորյանի որդին։

Կենսագրություն

1922 թվականին ավարտել է Կլուժի համալսարանի բժշկական ֆակուլտետը, եղել տեղի նյարդային հիվանդությունների կլինիկայի պրոֆեսոր։ 1926 թվականին Կլուժում հիմնել է հոգեբանության և պարահոգեբանության ռումինական ազգային ընկերություն, որի նախագահն է եղել մինչև 1944 թվականը։ Գիտական աշխատանքները վերաբերում են հեռազգայության, ներշնչման, հիպնոսի, հեռաանզգայացման և կատալեպսիայի երևույթների ուսումնասիրություններին, դրանց մեթոդներով նյարդահոգեկան և մի շարք այլ հիվանդությունների ախտորոշման ու բուժման հարցերին։ Եղել է արտասահմանյան (Փարիզ, Լոնդոն և այլն) հոգեբանական և պարահոգեբանական ընկերությունների անդամ։

Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից  (հ․ 7, էջ 614)։