Լևոն Խաչատրյան (նկարիչ-մուլտիպլիկատոր)

Անվան այլ կիրառումների համար տե՛ս՝ Լևոն Խաչատրյան (այլ կիրառումներ)

Վիքիպեդիայում կան հոդվածներ Խաչատրյան ազգանունով այլ մարդկանց մասին։

Լևոն Խաչատրյան Լևոն Արշավիրի Խաչատրյան
Ծնվել է	Մայիսի 3, 1941
Ծննդավայր	Երևան, Հայկական ԽՍՀ, ԽՍՀՄ
Մահացել է	Դեկտեմբերի 17, 2002
Մահվան վայր	Մոսկվա, Ռուսաստան
Քաղաքացիություն	ԽՍՀՄ, Ռուսաստան և Հայաստան
Ազգություն	Հայ
Կրթություն	Մոսկվայի Գերասիմովի անվան կինեմատոգրաֆիայի ինստիտուտ (1973)
Մասնագիտություն	Նկարիչ Նկարիչ-մուլտիպլիկատոր Գրաֆիկական նկարիչ
Կայք	khatchatrian.ru/ru/cartoons.html

Լևոն Արշավիրի Խաչատրյան (մայիսի 3, 1941(1941-05-03), Երևան, Հայկական ԽՍՀ, ԽՍՀՄ - դեկտեմբերի 17, 2002(2002-12-17), Մոսկվա, Ռուսաստան), հայ նկարիչ, մուլտիպլիկատոր, բազմաթիվ գրքերի գրաֆիկական նկարիչ և մուլտհերոսների ստեղծող։

Կենսագրություն

Լևոն Խաչատրյանը ծնվել է 1941 թվականի մայիսի 3-ին Երևանում, աճպարար Արշավիր Խաչատրյանի ընտանիքում։ Նկարել սկսել է դեռևս վաղ տարիքից։ 1962 թվականին կարմիր դիպլոմով ավարտել է Երևանի գեղանկարչության քոլեջը։ 1965 թվականին վերադարձել է բանակից։ 1967 թվականին ծնողների կամքին հակառակ մեկնում է Մոսկվա՝ ընդունվելու Կինեմատոգրաֆիայի համամիութենական պետական ինստիտուտի նկարչության ֆակուլտետ։ 1968 թվականին հանդիպել է իր ապագա կնոջ՝ Լարիսայի հետ, իսկ 1970 թվականին ծնվել է նրանց դուստրը։ 1973 թվականին ավարտելով ինստիտուտը՝ վերադառնում է Հայաստան և սկսում է աշխատել «Հայֆիլմ» հեռուստաստուդիայում։ Երեք տարիների ընթացքում նկարահանվել է չորս անիմացիոն ֆիլմեր. հանդես է եկել որպես ռեժիսոր և սցենարի հեղինակ։ 1975 թվականին վերջնականապես տեղափոխվում է Մոսկվա՝ ընտանիքի մոտ և սկսում աշխատել «Սոյուզմուլտֆիլմ»-ում։ 7 տարիների ընթացքում լույս է տեսել 8 մուլտֆիլմ, այդ թվում՝ «Բոբիկը՝ Բարբոսին հյուր» (ռուս.՝ «Бобик в гостях у Барбоса») և «Պրոստոկվաշինո»-ի 2 սերիաները։ Վերջինիս հերոս Փոստատար Պեչկինի կերպարն ամբողջությամբ ստեղծվել է Լևոն Խաչատրյանի կողմից։ Մուլտֆիլմերում աշխատելուն զուգահեռ զբաղվել է նաև գրքերի և թերթերի գրաֆիկայով, ծաղրանկարների ստեղծմամբ։

1982 թվականին սրտի կաթված է ստացել։ Վերակենդանացման բաժանմունքից դուրս գրվելիս որոշում է կայացրել թողնել մուտիկպլիկացիան։ 1983 թվականից հանդես է եկել որպես անկախ նկարիչ-գրաֆիկ։

2002 թվականի դեկտեմբերի 17-ին հեռացել է կյանքից։

Մուլտֆիլմեր

• Անպարտելին - 1973, «Հայֆիլմ»
• Ինչպես էին արջուկները կետին կերակրում - 1974, «Հայֆիլմ»
• Աբու Հասանի մաշիկները - 1974, «Հայֆիլմ»
• Ծույլը - 1975, «Հայֆիլմ»
• Սեմբոն - 1976, «Էկրան»
• Բոբիկը՝ Բարբոսին հյուր - 1977, «Սոյուզմուլտֆիլմ»
• Երեքը Պրոստոկվաշինոյից - 1978, «Սոյուզմուլտֆիլմ»
• Արձակուրդները Պրոստոկվաշինոյում - 1980, «Սոյուզմուլտֆիլմ»
• Վասյա Կուրոլեսովի արկածները - 1981, «Սոյուզմուլտֆիլմ»
• Չարիքը - 1982, «Սոյուզմուլտֆիլմ»

Հետաքրքիր փաստեր

• Խորհրդային մուլտֆիլմ «Երեքը Պրոստոկվաշինոյից» և «Արձակուրդները Պրոստոկվաշինոյում» մուլտֆիլմերի հերոս Քեռի Ֆյոդորի մոր կերպարը Խաչատրյանն ստեղծել է իր կնոջ՝ Մարիայի կերպարով։
• Նույն մուլտֆիլմերի հերոս Պեչկինի կերպարն ստեղծել է միայնակ։
• երբ 1967-ին մեկնում է Մոսկվա ինստիտուտ ընդունվելու ցանկությամբ, Խաչատրյանը հեշտությամբ հանձնել է բոլոր քննությունները՝ նկարչություն, ԽՍՀՄ պատմություն, գեղանկարչություն, բացառությամբ ռուսերենի (նա դժվարացել է խոսել այդ լեզվով), բայց հանձնաժողովը, տեսնելով նրա բարձր գնահատականները, չի ցանկացել բավարար գնահատել։ Հավաքած բալեով Խաչատրյանն ընդունվել է։
• Խաչատրյանը սիրել է ստեղծագործել գիշերը, երբ բոլորը քնած են ու իրեն չեն խանգարում։ Այդ պայմաններում նա ստեղծել է բազմաթիվ հերոսներ, տարբեր մտքեր ու գաղափարներ են ծնվել և դարձել իրականություն։

Արտաքին հղումներ

• Երեքը Պրոստոկվաշինոյից մուլտֆիլմ (ռուս.)
• Լևոն Խաչատրյանի կայք Արխիվացված 2016-03-04 Wayback Machine (անգլ.)(ռուս.)(ֆր.)