Լուչա լիվրե

Լուչա լիվրեի հանդիպում

Լուչադորային դիմակներ

Լուչա լիվրե (իսպ.՝ lucha libre - ազատ մարտ), պրոֆեսիոնալ ըմբշամարտի (ռեստլինգ) ենթատեսակ, որն սկզբնավորվել և զարգացել է Մեքսիկայում, ինչպես նաև այլ իսպանախոս երկրներում։ Չնայած ներկայումս սույն եզրույթը բացառապես վերաբերում է պրոֆեսիոնալ ըմբշամարտի ենթատեսակին, այն սզբնապես իսպաներեն լեզվում նկարագրել է ազատ ոճի ըմբշամարտը։

Ենթատեսակում մեծ տարածում ունեն դիմակները, սցենարային դեպքերի չափազանց արագ զարգացումները, ինչպես նաև ակրոբատիկ և գերակրոբատիկ հնարքների կիրառումը, որոնցից շատերը ներմուծվել են հյուսիսամերիկյան ռեստլինգում։ Մարզիկների կողմից դիմակների կրումը կազմում է լուչա լիվրեի մշակույթի անբաժանելի մասը։

Ենթատեսակում բավականին տարածված է թիմային ըմբշամարտը։

Լուչա լիվրեով զբաղվող արական սեռի մարզիկները կոչվում են լուչադորներ, իսկ կին մարզիկները՝ լուչադորաներ։

Արտաքին հղումներ

• Լուչա վիքի Արխիվացված 2022-04-15 Wayback Machine(անգլ.)
• «Անհայտ մասերից»՝ մեքսիկական ռեստլինգի մշակույթը Արխիվացված 2011-05-21 Wayback Machine(անգլ.)

Վիքիպահեստն ունի նյութեր, որոնք վերաբերում են «Լուչա լիվրե» հոդվածին։