Լյուբլինի թանգարան

Լյուբլինի թանգարան
Տեսակ	թանգարան
Երկիր	Լեհաստան
Տեղագրություն	Լյուբլին
Վայր	Լյուբլին
Ղեկավարության նստավայր	Lublin Castle, Լյուբլին, Լեհաստան
Հիմնադրվել է	դեկտեմբերի 12, 1906
Կայք	muzeumlubelskie.pl

Լյուբլինի թանգարան (լեհ.՝ Muzeum Lubelskie), Արևելյան Լեհաստանի հնագույն և խոշորագույն թանգարաններից մեկն է, որը գտնվում է Լյուբլինում։ Այն հիմնադրվել է 1914 թվականին և սեփական շենք է ստացել 1923 թվականին^[1]։

Պատմություն

Լյուբլինի թանգարանի պատմությունը թվագրվում է 20-րդ դարի սկիզբ և կապված է Հիերոնիմ Ուոպացինյսկու հետ, որը տարրական դպրոցի ուսուցիչ էր և գիտությունների ակադեմիայի թղթակից, սիրողական պատմաբան, ազգագրագետ և մատենագետ, ինչպես նաև` հնագիտական իրերի սիրահար^[1]։ Նրա ջանքերի շնորհիվ 1901 թվականին Լյուբլինում կազմակերպվել է երկու ցուցահանդես^[1]։ Արվեստի և հնությունների ցուցահանդեսը բացվել է հունիսի 4-ին, նախկին Դոմինիկյան վանքում։ Հավաքվել է մոտավորապես 4000 ցուցանմուշ` քանդակներ, նկարներ, դեկորատիվ արվեստ, փաստաթղթեր, լրագրեր, ձեռագրեր, պեղված գտածոներ, զինամթերք, մետաղադրամներ, մեդալներ, դրոշմներ և քարտեզներ։ Արդյունաբերական և գյուղատնտեսական ցուցահանդեսը բացվել է հունիսի 22-ին. ցուցահանդեսն ուներ ազգագրական բաժին, որտեղ ցուցադրվում էին ժողովրդական տարազ, փայտե իրեր և ծիսական ցուցանմուշներ^[1]։ 1974 թվականին Լյուբլինի ամրոցի շենքը հարմարեցվել է Լյուբլինի թանգարանի պահանջներին, որը հիմնադրվել է 1950 թվականին^[1]։ Բացվել է նկարների, դեկորատիվ արվեստի, զինամթերքի, հնէաբանական, ազգագրական և դրամագիտական գտածոների ցուցահանդես^[1]։ 1987 թվականին թանգարանը վերանվանվել է Լյուբլինի թանգարան^[1] :