Լիմա (ֆուտբոլիստ)

Վիքիպեդիայից՝ ազատ հանրագիտարանից
Լիմա
Rodrigo José Lima dos Santos
Անձնական տվյալներ
Ամբողջական անուն Ռոդրիգո Ժոզե Լիմա դոս Սանտոս
Ազգությունը բրազիլացի
Քաղաքացիությունը Բրազիլիա Բրազիլիա
Մականուն Lima
Ծննդյան ամսաթիվ մայիսի 11, 1983(1983-05-11)[1] (41 տարեկան) կամ օգոստոսի 11, 1983(1983-08-11) (40 տարեկան)
Ծննդավայր մայիսի 11, 1983(1983-05-11)[1] կամ օգոստոսի 11, 1983(1983-08-11), Monte Alegre, Պարա, Բրազիլիա
Հասակ 178 սմ
Քաշ 78 կգ
Դիրք հարձակվող
Ակումբային տեղեկություններ
Ներկա ակումբ ԱՄԷ Ալ-Ահլի
Համար 11
Մասնագիտական կարիերա*
Տարի Ակումբ Խաղ (Գոլ)
2003 Բրազիլիա «Պարանա» ? (?)
2003-2004 Պորտուգալիա «Վիզելա» 7 (0)
2004 Բրազիլիա «Միկստո» ? (?)
2005 Բրազիլիա «Պայսանդու» ? (?)
2006 Բրազիլիա «Իրատի» ? (?)
2006 Բրազիլիա «Կորինտիանս Պարանաենսե» ? (?)
2006-2009 Բրազիլիա «Աստրալ-ՊՌ» ? (?)
2007   Բրազիլիա «Պարանա» 17 (1)
2008   Բրազիլիա «Ժուվենտուս» ? (?)
2008   Բրազիլիա «Սանթոս» 21 (0)
2009   Բրազիլիա «Ավաի» 8 (1)
2009-2010 Պորտուգալիա «Բելենենսեշ» 27 (7)
2010-2012 Պորտուգալիա «Բրագա» 58 (26)
2012-2015 Պորտուգալիա «Բենֆիկա» 90 (53)
2015-այժմ ԱՄԷ «Ալ-Ահլի» 11 (11)
* Մասնագիտական կարիերայում ընդգրկված են միայն առաջնության խաղերը և գոլերը:

Լիմա (պորտ.՝ Lima; ամբողջական անունը՝ Ռոդրիգո Ժոզե Լիմա դոս Սանտոս, պորտ.՝ Rodrigo José Lima dos Santos; մայիսի 11, 1983(1983-05-11)[1] կամ օգոստոսի 11, 1983(1983-08-11), Monte Alegre, Պարա, Բրազիլիա), բրազիլացի ֆուտբոլիստ, Արաբական Միացյալ Էմիրությունների «Ալ-Ահլի» ակումբի խաղացող։ Լիման դասական կենտրոնական հարձակվող է, ունի բարձր արագություն, ունի լավ դրիբլինգ և գոլ խփելու հոտառություն, ինչպես նաև լավ հարվածում է աջ ոտքով։ Մինչև 2009 թվականը նա խաղացել է բրազիլական տարբեր ակումբներում, ոչ մի տեղ երբեք երկար ժամանակ չի մնացել և գրեթե ոչնչով աչքի չի ընկել։ Պորտուգալիայի առաջնության ժամանակ՝ Լիման՝ որպես ռմբարկու, իրեն լավ է դրսևորել «Բելենենսեշի», «Բրագայի» և «Բենֆիկայի» կազմում։

Կենսագրություն[խմբագրել | խմբագրել կոդը]

Լիման մեծացել է Պարանա նահանգում և ֆուտբոլային կարիերան սկսել է տեղական ակումբներում։ 20 տարեկան հասակում իր ուժերն է փորձել Եվրոպայի ֆուտբոլում, դառնալով պորտուգալական «Վիզելա» ակումբի խաղացող, որը հանդես էր գալիս երրորդ դիվիզիոնում։ Սակայն Պորտուգալիա տեղափոխվելուց կարճ ժամանակ անց, Լիման կարոտել է հայրենի տունը և մեկ տարի չանցած՝ վերադարձել է հայրենիք։ Բրազիլիայում նա խաղացել է մի շարք ակումբներում, բայց ոչ մի տեղ աչքի չի ընկել։ Հայրենիքում նրա գլխավոր ձեռքբերումները եղել է Լիբերտադորեսի գավաթը, որը նա նվաճել է «Պարանայի» և «Սանթոսի» կազմերում հանդես գալու ժամանակ[2]։

2009 թվականի ամռանը, հաղորդվել էր այն մասին, որ 25-ամյա Լիման կարող է տեղափոխվել Խարկովի «Մետալիստ» ֆուտբոլային ակումբ։ Նա իր գործակալի հետ միասին եղել է Ուկրաինայում և բանակցություններ է վարել ակումբի հետ։ Ենթադրվում էր, որ տրանսֆերի գումարը կկազմի մեկ միլիոն եվրո[3][4]։ Սակայն Լիմայի տեղափոխվելու որոշումը ուկրաինական ակումբը չի կայացրել, բայց նա, այնուամենայնիվ, հայտնվել է եվրոպական ֆուտբոլում, դառնալով պորտուգալական «Բելենենսեշի» խաղացող։ Պորտուգալիայում Լիման նորովի բացահայտվեց, դրսևորելով իրեն որպես ուժեղ և շատ արագաշարժ հարձակվող[2]։ Պորտուգալիայի առաջնության 27 խաղերում դառնալով 7 գոլի հեղինակ՝ Լիման հայտնվել է «Բրագա» ակումբի ուշադրության կենտրոնում, իսկ 2010 թվականի ամռանը Բարձրագույն լիգայից դուրս մնացած «Բելենենսեշից» տեղափոխվել է «Բրագա»։ «Բրագայի» հետ բրազիլացին կնքել է երեք տարվա պայմանագիր[5][6]։

Արդեն 2010 թվականի օգոստոսին Լիման աչքի է ընկել նոր ակումբում՝ ձևակերպելով հեթ-տրիկ ՈՒԵՖԱ Չեմպիոնների լիգայի որակավորման փուլի շրջանակներում անցկացված իսպանական «Սևիլյայի» հետ մրցավեճում։ Այդ գոլերը «Բրագաին» օգնել են հաղթել և պատմության մեջ առաջին անգամ դուրս գալ խմբային փուլը[7]։ Ապագայում, «Բրագան» դուրս է մնացել Չեմպիոնների լիգայից, բայց շարունակել է ելույթները Եվրոպայի լիգայում, հասնելով եզրափակիչ[8], որտեղ նվազագույն 0:1 հաշվով պարտվել է «Պորտուին»։ 2011/2012 մրցաշրջանում Լիման անսպասելիորեն իրեն դրսևորել է որպես հարձակվող։ Դեկտեմբերից մինչև մարտ «Բրագան» հաղթել է ազգային առաջնության բոլոր հանդիպումներում, Լիման միայն երկու խաղում է դաշտը լքել առանց գոլ խփելու։ Երկար ժամանակ նա պահպանել է առաջատարի դիրքը ամենաարդյունավետ խաղացողների ցանկում, սակայն մրցաշրջանի վերջում նրան հավասարվել է Օսկար Կարդոսոն[2], որը նույնպես այդ մրցաշրջանում խփել էր 20 գոլ։

Ծանոթագրություններ[խմբագրել | խմբագրել կոդը]

  1. 1,0 1,1 1,2 Transfermarkt.com(բազմ․) — 2000.
  2. 2,0 2,1 2,2 Bidwell, Nick. Brazilian 'Mr Average' fuels Braga's surprise title challenge // World Soccer. — IPC Inspire, May 2012. — С. 10.
  3. «Металлист ведет переговоры по бразильцу Лиме». Spot.ua. 2009 թ․ հուլիսի 22. Վերցված է 2015 թ․ մայիսի 6-ին.
  4. Bulla, Antonino. (2009 թ․ հուլիսի 21). «Metalist, acquistato l'attaccante brasiliano Lima» (իտալերեն). ItaSportPress.it. Արխիվացված է օրիգինալից 2014 թ․ փետրվարի 2-ին. Վերցված է 2015 թ․ մայիսի 6-ին.
  5. «Braga add two more to summer haul» (անգլերեն). UEFA.com. 2010 թ․ հուլիսի 2. Վերցված է 2015 թ․ մայիսի 6-ին.
  6. ««Брага» приобрела вратаря «Бенфики» и форварда «Белененсеша»». Sports.ru. 2010 թ․ հուլիսի 2. Վերցված է 2015 թ․ մայիսի 6-ին.
  7. «Lima hat-trick ensures history for Braga» (անգլերեն). UEFA.com. 2010 թ․ օգոստոսի 24. Վերցված է 2015 թ․ մայիսի 6-ին.
  8. «Нападающий «Браги»: «У нас есть все шансы на победу в финале Лиги Европы»». Sports.ru. 2011 թ․ մայիսի 18. Վերցված է 2015 թ․ մայիսի 6-ին.
Վիքիպահեստն ունի նյութեր, որոնք վերաբերում են «Լիմա (ֆուտբոլիստ)» հոդվածին։