Իլմեն

Վիքիպեդիայից՝ ազատ հանրագիտարանից
Jump to navigation Jump to search
HS Disambig.svg Անվան այլ կիրառումների համար տես՝ Իլմեն (այլ կիրառումներ)
Իլմեն լիճ

Իլմեն (ըստ տարեգրությունների՝ Իլմեն, հին սլավոնների մոտ՝ Սլովենյան ծով), լիճ Ռուսաստանի Նովգորոդի մարզում, մոտ 81 մ բարձրության վրա։

Տարածությունը 982 կմ2 է, երկարությունը՝ 45 կմ, լայնությունը՝ մինչև 35 կմ, խորությունը ափերի մոտ 3-4 մ է, կենտրոնական մասում՝ 6-10 մ։ Իլմենի մեջ է թափվում մոտ 50 գետ (Մստա, Պոլա, Լովատ, Պսիժա, Շելոն և այլն)։ Իլմենից սկիզբ է առնում Վոլխովը։

Անվանում[խմբագրել | խմբագրել կոդը]

Ռուսերեն Իլմեն են անվանում գետնահունում գոյացած լճերը։ Մինչև 16-րդ դարի տարեգրություններում հիշատակվում է Իլմեր ձևով։ Ենթադրում են, որ անվանումը առաջացել է ֆիններեն ilma, էստոներեն ilm «օդ, եղանակ» և jarvi (jarv) «լիճ» բառերի զուգակցումից, այսինքն նշանակում է «եղանակ ստեղծող լիճ» (հին էստոնները հավատում էին, որ լիճն ի վիճակի է անձրև ստեղծել երաշտի ժամանակ, իհարկե՝ հատուկ ծեսակատարություններից հետո)։

Հին սլավոններին հայտնի է եղել Սլովենյան ծով անունով․ այդպես է կոչվել 6-10-րդ դարերում այս մասերում բնակվող սլովենների կամ իլմենյան սլավոնների անունով)։[1]

Ծանոթագրություններ[խմբագրել | խմբագրել կոդը]

  1. Հ. Ղ. Գրգեարյան, Ն. Մ. Հարությունյան (1987)։ Աշխարհագրական անունների բառարան։ Երևան: «Լույս» 
Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից  (հ․ 4, էջ 320 CC-BY-SA-icon-80x15.png