Իզոթերմ պրոցես

Իզոթերմ պրոցես

Իզոթերմ պրոցես, որի դեպքում հաստատուն է մնում համակարգի ջերմաստիճանը $T=const,\Delta T=0$։ Ծավալի տեղափոխման ժամանակ համակարգն աշխատանք է կատարում։ Իզոթերմ պրոցեսում կարող է փոխվել համակարգի էներգիան՝ պայմանավորված մասնիկների փոխազդեցության պոտենցիալ էներգիայի փոփոխությամբ։ Եթե համակարգն իդեալական գազ է, ապա նրա ներքին էներգիան կախված է միայն ջերմաստիճանից, ուստի՝ իզոթերմ պրոցեսում այն մնում է հաստատուն՝ $U=const$ և $\Delta U=0$։ Համաձայն ջերմադինամիկայի առաջին օրենքի՝ այս դեպքում

$Q=-A=A'$

Եթե գազը ջերմաքանակ ստանում է, ապա այն կատարում է դրական աշխատանք՝ $A'>0$, իսկ եթե գազը շրջապատին ջերմաքանակ է տալիս՝ $Q<0$, ապա այն բացասական աշխատանք է կատարում։

Ջերմունակության սահմանումից հետևում է, որ տրված $Q$ ջերմաքանակի հաշվին որքան փոքր է ջերմաստիճանի $\Delta T$ փոփոխությունը, այնքան մեծ է համակարգի $C$ ջերմունակությանը։ Մասնավորապես, եթե համակարգին $Q\neq 0$ ջեմաքանակ հաղորդելիս նրա ջերմաստիճանը չի փոխվում՝ $\Delta T=0$, ապա նրան կարելի է վերագրել անվերջ մեծ ջերմունակություն։ Այդպիսի ջերմունակությամբ օժտված համակարգը կատարում է թերմոստատի դեր, այսինքն՝ ապահովում է ջերմաստիճանի հաստատունությունը ջերմահաղորդման պրոցեսում։

Տես նաև

• Գեյ-Լյուսակի օրենք
• Իզոբար պրոցես
• Իզոխոր պրոցես

Ծանոթագրություններ

Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից  (հ․ 4, էջ 313)։