Ժուժա Կոնչ (հունգ.՝ Koncz Zsuzsa , մարտի 7, 1946(1946-03-07)[1][2], Pély, Heves District, Հևեշ, Հունգարիա), հունգարացի փոփ-երգիչ, ում երգերը երբեմն խիստ քաղաքական քննադատություն էին արտահայտում երկրի մինչև 1990-ական թվականների քաղաքական համակարգի հանդեպ։
Նրա կարիերան սկսվել է 1962 թվականին, Ki mit tud? տաղանդների մրցույթում[3]։ Նա ելույթներ է ունեցել մի շարք խմբերի ու երաժիշտների հետ։ 1970-ականներին նա մի քանի հաջողված հյուրախաղեր է ունեցել արտերկրում, հիմնականում` սոցիալիստական ճամբարի երկրներում, ինչպես նաև` Արևմտյան Գերմանիայում (երբեմն գերմանախոս երկրներում հանդես գալով Շուշա Կոնչ կամ Ժանա Կոնչ անուններով)։ Ելույթներ է ունեցել նաև Ֆրանսիայում, ԱՄՆ-ում և Ճապոնիայում։ Նա շատ հայտնի է Հունգարիայում, նրա մի քանի երգեր հունգարական ֆոլկլորի մաս են կազմում։ Դրանցից են 'A Kárpáthyék lánya', 'Ha én rózsa volnék' և 'Valahol egy lány' երգերը։