Ժորժ Բոշամ

Ժորժ Բոշամ
Ծնվել է	մարտի 18, 1899(1899-03-18)
Ծննդավայր	Քոլմեն շրջան, Տեխաս, ԱՄՆ
Մահացել է	մարտի 30, 1941(1941-03-30) (42 տարեկան)
Մահվան վայր	Լոս Անջելես, Կալիֆոռնիա, ԱՄՆ
Քաղաքացիություն	ԱՄՆ
Մասնագիտություն	guitar maker, նվագարանների վարպետ և գյուտարար
George Beauchamp Վիքիպահեստում

Ժորժ Դելմետիա Բոշամ (անգլ.՝ George Delmetia Beauchamp, մարտի 18, 1899(1899-03-18), Քոլմեն շրջան, Տեխաս, ԱՄՆ - մարտի 30, 1941(1941-03-30), Լոս Անջելես, Կալիֆոռնիա, ԱՄՆ), ամերիկացի երաժիշտ և գործարար, էլեկտրակիթառի գյուտարարը։

Կենսագրություն

Ծնվել է Տեխասի Քոլմեն շրջանում։ Գործունեությունը սկսել է 1920-ական թվականներին որպես երաժիշտ, նվագել է ջութակ և լէպ-սթիլ կիթառ, որից հետո ավարտել է էլեկտրատեխնիկայի դասընթացները և զբաղվել էլեկտրականության օգնությամբ տողերի տատանումների ուժեղացման փորձերով։ Բացի այդ, Բոշամը Դոպերի եղբայրների հետ զբաղվել է ռեզոնատորի կիթառի մշակմամբ։ 1929 թվականին Բոշամը ստացել է մեկ կոն ունեցող ռեզոնատորային կիթառի դիզայնի արտոնագիր։

Ռիկենբեկերի «թավայի» գծագիրը, 1934

Մի շարք անհաջող փորձերից հետո Բոշամը 1931 թվականին հայտնաբերել է առաջին սերիական էլեկտրամագնիսական ձայնագրիչը։ Այն խոսափող էր՝ նալի տեսքով երկու մագնիսով, որոնք միացած էին կոճով։ Դրանց մեջ ձգված էին լարերը։ 1932 թվականին Բոշամը Ադոլֆ Ռիկենբեկերի հետ հիմնադրել է «Ro-Pat-In» ընկերությունը, որը հետագայում անվանափոխվել է «Electro String», բայց շուկայում հայտնվել է «Rickenbacker» բրենդով՝ հավանաբար ազգանվան հայտնիության արդյունքում (Էդի Ռինկենբեյկերը՝ Ադոլֆի հեռավոր ազգականը, Առաջին համաշխարհային պատերազմի ժամանակ հայտնի օդաչու էր)։ Ընկերությունը զանգվածային շուկայի համար սկսել է արտադրել էլեկտրակիթառներ, որոնք ալյումինից պատրաստված լինելու արդյունքում երաժշտների կողմից ստացել էին «frying pans» («թավաներ») անունը։ Բոշամն ու Ադոլֆ Ռիկենբեկերը 1932 թվականին սկսել են վաճառել «թավաները», սակայն Բոշամը կարողացել է ստանալ էլեկտրական կիթառի արտոնագիրը միայն 1936 թվականին, ինչը թույլ է տվել այլ ընկերություններին այդ շրջանում արտադրել էլեկտրակիթառների իրենց տարբերակները։

1931 թվականին սկսվել է բակելիտի պատյանով հավայական էլեկտրակիթառների արտադրությունը, որից հետո թողարկվել է իսպանական կիթառը (Էլեկտրո, մոդել B): Հետագայում էլեկտրաֆիկացվել են մյուս գործիքները՝ ջութակը, կոնտրաբասը, և նույնիսկ Հարպո Մակսի համար արֆան։

Ժորժ Բաշամը մահացել է 1941 թվականի մարտի 30-ին՝ ձկնորսության ժամանակ, սրտային նոպայից։

Գյուտեր

• 1929․ «Դոբրո» կիթառի արտոնագիր, Արտոնագիր #1,808,756
• 1934․ «Թավա կիթառի» արտոնագիր, Արտոնագիր #2,089,171
• 1936․ Էլեկտրակիթառի արտոնագր
• 1936․ Էլեկտրաջութակի արտոնագիր

Տես նաև

• Էլեկտրակիթառ

Գրականություն

• Richard R. Smith, The Complete History of Rickenbacker Guitars, Centerstream Publishing, 1987, 256 p.

Արտաքին հղումներ

• Rickenbacker International Corporation Archived 2005-12-24 at the Wayback Machine.
• The Earliest Days of the Electric Guitar Archived 2005-12-24 at the Wayback Machine.
• Which Came First- Electric Guitar or Amp?
• Digital Violin