Թերեզա Վիլերս

	Թերեզա Վիլերս; անգլ.՝ Theresa Villiers
Կուսակցություն՝	Մեծ Բրիտանիայի պահպանողական կուսակցություն
Կրթություն՝	Բրիստոլի համալսարան, Հիսուսի քոլեջ և Ֆրենսիս Հոլանդի դպրոց
Մասնագիտություն՝	քաղաքական գործիչ
Ծննդյան օր	մարտի 5, 1968 (55 տարեկան)
Ծննդավայր	Լոնդոն, Մեծ Լոնդոն
Քաղաքացիություն	Միացյալ Թագավորություն
Ի ծնե անուն	անգլ.՝ Theresa Anne Villiers
Հայր	George Edward Villiers?
Մայր	Anne Virginia Threlfall?
Ամուսին	Sean Wilken?
Կայք՝	theresavilliers.co.uk
Theresa Villiers

Թերեզա Վիլերս (անգլ.՝ Theresa Anne Villiers, մարտի 5, 1968(1968-03-05)^[1], Լոնդոն, Մեծ Լոնդոն), բրիտանացի քաղաքական գործիչ, շրջակա միջավայրի նախարար (2019 թվականից)։

Եղել է Դևիդ Քեմերոնի առաջին և երկրորդ կաբինետներում (2012-2016)։

Կենսագրություն[խմբագրել | խմբագրել կոդը]

Վաղ տարիներ և քաղաքական գործունեության սկիզբ[խմբագրել | խմբագրել կոդը]

Թերեզա Վիլերսը ծնվել է 1968 թվականի մարտի 5-ին Լոնդոնում, սովորել է Բրիստոլի համալսարանում, Օքսֆորդի համալսարանի Հիսուսի քոլեջի քաղաքացիական իրավունքի բակալավրում։ Եղել է բարիստեր, Քինգս քոլեջում (Լոնդոն) դասավանդել է իրավունք^[2]։ Պատկանում է Վիլերս հնագույն արիստոկրատական ազգանունին, որի պատմությունն ունեն մի քանի դքսուհիներ, պերեր և բարոնետներ^[3]։

1999 և 2004 թվականներին Պահպանողական կուսակցությունից ընտրվել է Եվրոպական խորհրդարան, որում եղել է մինչև 2005 թվականի մայիսի 10-ը և մտել է Եվրոպական ժողովրդական կուսակցության (քրիստոնյա դեմոկրատներ) խմբակցության մեջ^[4]։

Խորհրդական և Հյուսիսային Իռլանդիայի գործերով նախարար[խմբագրել | խմբագրել կոդը]

2005 թվականին և 2010 թվականին Լոնդոնի Չիփինգ Բարնեթի ընտրատարածքում Պահպանողական կուսակցությունից ընտրվել է Համայնքների պալատ։ 2005-2007 թվականներին՝ Գանձապետարանի ստվերային ավագ քարտուղար, 2007-2010 թվականներին՝ տրանսպորտի ստվերային նախարար։ 2010-2012 թվականներին Թերեզա Վիլերսը եղել է տրանսպորտի կրտսեր նախարար^[5]։

2012 թվականի սեպտեմբերի 4-ին Թերեզա Վիլերսը Դևիդ Քեմերոնի կոբինետում նշանակվել է Հյուսիսային Իռլանդիայի հարցերով նախարար^[6]։

2014 թվականի դեկտեմբերի 23-ին Հյուսիսային Իռլանդիայի հարցերով նախարարության բելֆաստյան կենտրոնակայանում՝ Stormont House-ում, Մեծ Բրիտանիայի և Իռլանդիայի կառավարությունների, ինչպես նաև հյուսիսիռլանդական հինգ կուսակցությունների ներկայացուցիչների միջև 26-ժամյա բանակցային մարաթոնից հետո ստորագրվել է այսպես կոչված «Սթորմոնտհաուսի համաձայնագիրը» (Stormont House Agreement), որը նպատակ ուներ հյուսիսիռլանդական խնդրի կարգավորման հետագա միջոցներ ձեռնարկել։ Պայմանագիրը նախատեսում էր բյուջետային բարեփոխումների իրականացում և սոցիալական ապահովության համակարգի բարեփոխումներ, ինչպես նաև 150 մլն ֆունտ ստեռլինգ (192 մլն եվրո) հատկացում հյուսիսիռլանդական հակամարտությունում զոհերին և ողջ մնացածներին աջակցելու համար (ժամանակակից անգլերենում այն կոչվում է պարզապես the Troubles - «Սմուտա»), 500 մլն ֆունտ՝ միջհամայնքային մերձեցման նախագծերի (մասնավորապես՝ համատեղ ուսուցման ծրագրերի) աջակցության համար և 700 մլն՝ բյուջետային ոլորտի բարեփոխման և չնախատեսված ծախսերը ծածկելու համար պահուստների ապահովման համար^[7]։

2015 թվականի մարտի 24-ին Հյուսիս-Իռլանդական գործերի խորհրդարանական կոմիտեն (Northern Ireland affairs select committee) զեկույց է հրապարակել դատարանից թաքնվող Իռլանդիայի հանրապետական բանակի վեց զինյալների համաներման հարցի վերաբերյալ, որոնք մասնակցել են 1980-ական թվականների խոշոր ահաբեկչական գործողություններին (1983 թվականին Harrods bombings-ին և 1987 թվականին Remembrance Day bombing-ին), որը խորհրդարանականների մի մասն անօրինական է համարել։ Այս զեկույցում Հյուսիսային Իռլանդիայի հարցերով նախարար Թերեզա Վիլերսը լսումների ժամանակ կոմիտեին համաներման ենթակա զինյալների անունները չնշելու համար քննադատության է ենթարկվել^[8]։

2015 թվականի մայիսի 7-ին տեղի են ունեցել հերթական խորհրդարանական ընտրությունները, որոնք Թերեզա Վիլերսին հաղթանակ են բերեցին նրա ավանդական Չիփինգ Բարնեթի օկրուգում՝ ձայների 48,6%-ի արդյունքով՝ մի քանի մրցակիցներից ուժեղագույն լեյբորիստուհի Ամի Թրևետանի (Amy Trevethan) 34,1%-ի դիմաց^[9]։

2015 թվականի մայիսի 11-ին Դևիդ Քեմերոնը ընտրությունների արդյունքում ձևավորել է նոր կաբինետ, որտեղ Թերեզա Վիլերսը պահպանել է Հյուսիսային Իռլանդիայի հարցերով նախարարի պաշտոնը^[10]։

Վիլերսի առաջնահերթ խնդիրը «Սթորմոնտհաուսի համաձայնագրի» կյանքի կոչումն է, որից դուրս է եկել Իռլանդական Շինն Ֆեյն կուսակցությունը, որը համաձայն չէ սոցիալական ապահովության համակարգի բարեփոխման պայմանների հետ։ Այս կապակցությամբ ծագած քաղաքական դիմակայությունը սպառնում է Հյուսիսային Իռլանդիայի օրենսդիր և գործադիր իշխանության լայնածավալ ճգնաժամով^[11]։

2016 թվականի փետրվարի 21-ին ԵՄ-ին Մեծ Բրիտանիայի անդամակցության շուրջ հանրաքվեի նախապատրաստման ընթացքում հայտարարել էր, որ քվեարկելու Է Եվրամիությունից Մեծ Բրիտանիայի դուրս գալու օգտին, որպեսզի «վերադարձնի մեր երկրի նկատմամբ վերահսկողությունը, նախապատրաստի մեր օրենքները և վերահսկի մեր սահմանները»։ Այսպիսով, Վիլերսը դարձել Է Քեմերոնի կառավարության հինգ անդամներից մեկը, որոնք աջակցել են «Բրեքսիթին» (նրա դեմ հանդես են եկել 16 նախարարներ)^[12]։

2016 թվականի հուլիսի 14-ին ձևավորվել է Թերեզա Մեյի առաջին կաբինետը, որտեղ Հյուսիսային Իռլանդիայի հարցերով նախարարի պորտֆելը բաժին է հասել Ջեյմս Բրոքենշիրին, իսկ Թերեզա Վիլերսը կառավարությունում ոչ մի պաշտոն չի ստացել^[13]։

Ջոնսոնը կառավարությունում[խմբագրել | խմբագրել կոդը]

2019 թվականի հուլիսի 24-ին Բորիս Ջոնսոնի կառավարության ձևավորման ժամանակ ստացել է շրջակա միջավայրի, պարենի և գյուղատնտեսության նախարարի պորտֆելը^[14]։

Ծանոթագրություններ[խմբագրել | խմբագրել կոդը]

↑ ^1,0 ^1,1 ^1,2 ^1,3 Lundy D. R. The Peerage
↑ «Theresa Villiers» (անգլերեն)։ politics.co.uk։ Վերցված է 2015-04-23
↑ «Theresa Villiers» (անգլերեն)։ Express։ Վերցված է 2015-04-24
↑ «Theresa Villiers»։ History of parliamentary service (անգլերեն)։ Европейский парламент։ Վերցված է 2015-04-23
↑ «Theresa Villiers MP»։ Democracy Live (անգլերեն)։ BBC։ Վերցված է 2016-02-10
↑ «Theresa Villiers to be new NI Secretary» (անգլերեն)։ BBC։ 2012-09-04։ Վերցված է 2015-04-24
↑ «Agreement reached in Northern Ireland talks» (անգլերեն)։ Irish Times։ 2014-12-23։ Վերցված է 2016-02-09
↑ Henry McDonald (2012-09-04)։ «IRA fugitives granted 'possibly unlawful' amnesty linked to 1980s atrocities» (անգլերեն)։ The Guardian։ Վերցված է 2015-04-24
↑ «Chipping Barnet»։ Election 2015 (անգլերեն)։ BBC News։ 2015-05-11։ Վերցված է 2015-05-14
↑ «Cabinet reshuffle: Amber Rudd and Sajid Javid promoted» (անգլերեն)։ BBC։ 2015-05-11։ Վերցված է 2015-05-12
↑ «Theresa Villiers to remain secretary of state for North» (անգլերեն)։ Irish Times։ 2015-05-11։ Վերցված է 2016-02-09
↑ «Theresa Villiers: Leaving EU is safer option» (անգլերեն)։ BBC։ 2016-02-21։ Վերցված է 2017-05-02
↑ Dan Bloom, Stephen Jones (2016-07-14)։ «Who is in Theresa May's new Cabinet? Full line-up after Tory Prime Minister's bombshell reshuffle» (անգլերեն)։ Mirror։ Վերցված է 2016-07-14
↑ «Prime Minister Boris Johnson: Who's in his cabinet?» (անգլերեն)։ BBC News։ 2019-07-25։ Վերցված է 2019-07-25

Արտաքին հղումներ[խմբագրել | խմբագրել կոդը]

«Theresa Villiers for Chipping Barnet» (անգլերեն)։ Facebook։ Վերցված է 2016-02-10
«Rt Hon Theresa Villiers» (անգլերեն)։ UK Parliament։ Վերցված է 2015-04-23
«The Rt Hon Theresa Villiers» (անգլերեն)։ UK government։ Վերցված է 2015-04-23

[_bab540430b9a2c85-1] 1,0 ^1,1 ^1,2 ^1,3 Lundy D. R. The Peerage

[2] «Theresa Villiers» (անգլերեն)։ politics.co.uk։ Վերցված է 2015-04-23

[3] «Theresa Villiers» (անգլերեն)։ Express։ Վերցված է 2015-04-24

[EP-4] «Theresa Villiers»։ History of parliamentary service (անգլերեն)։ Европейский парламент։ Վերցված է 2015-04-23

[5] «Theresa Villiers MP»։ Democracy Live (անգլերեն)։ BBC։ Վերցված է 2016-02-10

[6] «Theresa Villiers to be new NI Secretary» (անգլերեն)։ BBC։ 2012-09-04։ Վերցված է 2015-04-24

[7] «Agreement reached in Northern Ireland talks» (անգլերեն)։ Irish Times։ 2014-12-23։ Վերցված է 2016-02-09

[8] Henry McDonald (2012-09-04)։ «IRA fugitives granted 'possibly unlawful' amnesty linked to 1980s atrocities» (անգլերեն)։ The Guardian։ Վերցված է 2015-04-24

[9] «Chipping Barnet»։ Election 2015 (անգլերեն)։ BBC News։ 2015-05-11։ Վերցված է 2015-05-14

[10] «Cabinet reshuffle: Amber Rudd and Sajid Javid promoted» (անգլերեն)։ BBC։ 2015-05-11։ Վերցված է 2015-05-12

[11] «Theresa Villiers to remain secretary of state for North» (անգլերեն)։ Irish Times։ 2015-05-11։ Վերցված է 2016-02-09

[12] «Theresa Villiers: Leaving EU is safer option» (անգլերեն)։ BBC։ 2016-02-21։ Վերցված է 2017-05-02

[13] Dan Bloom, Stephen Jones (2016-07-14)։ «Who is in Theresa May's new Cabinet? Full line-up after Tory Prime Minister's bombshell reshuffle» (անգլերեն)։ Mirror։ Վերցված է 2016-07-14

[14] «Prime Minister Boris Johnson: Who's in his cabinet?» (անգլերեն)։ BBC News։ 2019-07-25։ Վերցված է 2019-07-25

[1]

[2]

[3]

[4]

[5]

[6]

[7]

[8]

[9]

[10]

[11]

[12]

[13]

[14]