5-15 սմ բարձրությամբ, սողացաղ կոճղարմատով բազմամյա խոտաբույս է։ Նստադիր մսոտ ձվաձև տերևները դասավորված են հերթադիր բազմաթիվ ցողունների վրա։ Վերին տերևների անութներում աճում են դեղին հնգանդամ ծաղիկները՝ առաջացնելով վահանիկաձև ծաղկաբույլեր։ Առէջները տեղադրված են երկու շրջաններով։ Պտուղը կազմված է աստղաձև դասավորված հինգ տերևապտուղներից[1]։
Բուժական նպատակներով օգտագործվում է բույսի վերգետնյա մասը։ Որոշ դեպքերում բույսի պատրաստուկներն օգտագործում են ուռուցքների, նորագոյացությունների բուժման նպատակով[1]։