Թամբակուրծք թարախահան
| Թամբակուրծք թարախահան | ||||||||
|---|---|---|---|---|---|---|---|---|
| Գիտական դասակարգում | ||||||||
|
||||||||
| Լատիներեն անվանում | ||||||||
| Mylabris sedilithorax
|
Թամբակուրծք թարախահան (լատին․՝ Mylabris sedilithorax), թարախահանների ընտանիքին պատկանող միջատ, որը գրանցված է Հայաստանի Հանրապետության Կարմիր գրքում։
Նկարագրություն[խմբագրել | խմբագրել կոդը]
Նեղ, զուգահեռակող, ուռուցիկ, սև մարմնով և 5-10 մմ երկարությամբ ոչ մեծ չափի բզեզ է։ Սպիտակավուն կամ դեղնավուն, մի քանի մանր սև բծերով վերնաթևերն ունեն բաց գույն[1]։
Տարածվածություն[խմբագրել | խմբագրել կոդը]
Հայաստանի էնդեմիկ միջատ է։ Տարածված է Ծաղկունյաց լեռնաշղթայում՝ Ծաղկաձորից մինչև Հանքավան, Ապարան և Արագած լեռան հարավային լանջեր (Անտառուտ գյուղի մոտ և Սևան քաղաքի շրջակայք)[1]։
Էկոլոգիա[խմբագրել | խմբագրել կոդը]
Ապրում է լեռնատափաստաններում և ենթալպյան մարգագետիններում՝ անտառի վերին եզրի մոտ, հանդիպում` հուլիս-օգոստոս ամիսներին բույսերի ծաղիկների վրա։
Կենսաբանական առանձնահատկությունները հայտնի չեն[1]։
Պահպանություն[խմբագրել | խմբագրել կոդը]
Սահմանափակ արեալով հազվագյուտ տեսակ է։ Բնության պահպանության միջազգային միության Կարմիր ցուցակում գրանցված է որպես վտանգված տեսակ։
Թվաքանակը չափավոր բարձր է, իսկ փոփոխության միտումները՝ անհայտ։
Վտանգ են հանդիսանում անասունների չկարգավորված արածեցմամբ պայմանավորված էկոհամակարգերի դեգրադացումը և տեսակի՝ կլիմայի կանխատեսվող փոփոխության հետևանքով ալպյան գոտու սահմանների լանջն ի վեր տեղաշարժմամբ պայմանավորված ապրելավայրերի կրճատումը։
Պահպանվում է «Հանքավան» պետական արգելավայրում[1]։
Ծանոթագրություններ[խմբագրել | խմբագրել կոդը]
- ↑ 1,0 1,1 1,2 1,3 Հայաստանի Կարմիր գիրք. Երևան: Հայաստանի բնապահպանության նախարարություն. 2010. ISBN 978-99941-2-420-6.