Jump to content

Թաղվածը (ֆիլմ)

Վիքիպեդիայից՝ ազատ հանրագիտարանից
Թաղվածը
անգլ.՝ Buried
Երկիր Իսպանիա
Ժանրհոգեբանական թրիլեր, suspense film?, դրամա, սարսափ ֆիլմ և ֆիլմ փակ տարածության մեջ
Թեմաահաբեկչություն
Թվական2010, նոյեմբերի 4, 2010[1], հոկտեմբերի 1, 2010[2] և հոկտեմբերի 15, 2010[2]
Լեզուանգլերեն
ՌեժիսորՌոդրիգո Կորտես
ՊրոդյուսերՓիթեր Սաֆրան
Սցենարի հեղինակՔրիս Սփարլինգ
ԴերակատարներՌայան Ռեյնոլդս[3], Խոսե Լուիս Գարսիա Պերես[3], Ռոբերտ Փաթերսոն[3], Սթիվեն Տոբոլովսկի[3], Սամանթա Մաթիս[3], Իվանա Մինյո[3], Էրիկ Պալլադինո[3], Քելի Ռոշա[3], Քրիս Ուիլյամ Մարտին[3], Մերի Բրդսոնգ[3], Քիրք Ուիլյամս[3], Էնն Լոքհարթ[3], Ռոբերտ Քլոթուորթի[3] և Թես Հարփեր[4]
ՕպերատորԷդուարդ Գրո
ՄոնտաժՌոդրիգո Կորտես
Պատմվածքի վայրԻրաք
Նկարահանման վայրԲարսելոնա
ԿինոընկերությունThe Safran Company, Lions Gate Entertainment և Warner Bros.
Տևողություն91 րոպե
Բյուջե2 000 000 $
Պաշտոնական կայքէջ

«Թաղվածը» (անգլ.՝ Buried), ռեժիսոր Ռոդրիգո Քորտեսի նկարահանած 2010 թվականի թրիլլեր, որի գլխավոր դերակատարն է Ռայան Ռեյնոլդսը։ Ֆիլմն ամբողջությամբ ընթանում է փակ տարածությունում՝ հողի տակ, փայտե արկղի մեջ, որտեղ գտնվում է գլխավոր հերոսը։ Մնացած այլ սակավաթիվ դերակատարների հետ նա կապվում է միայն բջջային հեռախոսի օգնությամբ։ Ֆիլմի պրեմիերան կայացել է «Սանդենս» կինոփառատոնի ժամանակ 2010 թվականի հունվարի 23-ին։

Սյուժե

[խմբագրել | խմբագրել կոդը]

Ֆիլմի գլխավոր հերոսը՝ Փոլ Քոնրոյը, ուշքի է գալիս և հայտնաբերում, որ նրան թաղել են դագաղում, որում աստիճանաբար վերջանում է թթվածնի պաշարը։ Իր մոտ նա ունի միայն կրակայրիչ և բջջային հեռախոս։ Նա զանգում է բազմաթիվ ամերիկյան ֆեդերալ ծառայություններ՝ փորձելով ելք գտնել ստեղծված իրավիճակից։

Հեռախոսազրույցներից պարզ է դառնում, որ Փոլը «CRT» ընկերության հետ պայմանագրով աշխատում է վարորդ Իրաքում։ Նրանք հայտնվել էին շրջափակման մեջ, և համարյա բոլոր ամերիկացիներին գնդակահարել են, իսկ Փոլը կորցրել է գիտակցությունը և այնուհետև հայտնվել դագաղում։ Հանկարծ զանգահարում է արաբական արտասանությամբ խոսող մի մարդ։

Պարզվում է, որ այն ընթացքում, երբ Փոլը եղել է անգիտակից վիճակում, ահաբեկիչները թաղել են նրան և այժմ պահանջում են 2 ժամվա ընթացքում իրենց հաշվին փոխանցել 5 միլիոն ամերիկյան դոլլար։ Փոլը նաև պետք է իր հեռախոսի վրա տեսագրեր իր կարգավիճակը և հայտներ այն ահաբեկիչներին, սակայն նա կապվում է ԱՄՆ պետական դեպարտամենտի հետ և հայտնում նրանց ահաբեկիչների մասին։

ԱՄՆ պետդեպարտամենտը հրաժարվում է վճարել փրկագինը և ասում է, որ նա կապվի ոմն Դեն Բրեների՝ Իրաքում պատանդ ընկնելու դեմ պայքարի ղեկավարի հետ։ Բրեները համաձայնվում է օգնել, բայց նրան ժամանակ է անհրաժեշտ, որպեսզի կարողանա պարզել ահաբեկիչների հեռախոսահամարը և ժամանել վայր։ Փոլը հարցնում է Բրեներին, թե քանի մարդու է նա փրկել իր ծառայության ընթացքում, իսկ Բրեները պատասխանում է, որ ոչ շատերին, սակայն նշում է մի անուն՝ Մարկ Ուայտ։

Ահաբեկիչը Փոլին է ուղարկում մի տեսահոլովակ, որում պատանդին սպանում են այն պատճառով, որ նրա փրկագինը չէին վճարել։ Հուսալքված Քոնրոյը նկարահանում է ինքն իրեն այնպես, ինչպես ասել էր ահաբեկիչը։ Ստանալով հոլովակը՝ ահաբեկիչներն այն տեղադրում են Youtube-ում։ Փոլը զանգում է իր մորը՝ ծերանոց, և հայտնում, որ շատ է սիրում նրան։ Իրեն է զանգում «CRT» ընկերության աշխատակիցը և հայտնում, որ նա հեռացվել է աշխատանքից և նրա առողջության համար իրենք պատասխանատվություն չեն կրում։

Ահաբեկիչը զանգում է Փոլին և հրամայում, որ նա կտրի իր մի մատը և այդ տեսահոլովակը ուղարկի իրեն։ Փոլը ստիպված դիմում է նաև այս արարքին։ Նա որոշ ժամանակով կորցնում է գիտակցությունը և ուշքի է գալիս այն ժամանակ, երբ զանգում է Դենը և հայտնում, որ նրանք արդեն մոտ են, քանի որ խուզարկուն կարողացել է ճշտել թաղման վայրը։ Փոլն իր կնոջ և որդու համար տեսահոլովակ է պատրաստում։ Նրան է զանգում իր կինը, և նա ասում է, որ նրան շուտով կազատեն։

Զանգում է Դենը, Փոլը հեռախոսով ուշադիր լսում է, թե ինչպես են փորում հողը, սակայն վերջում պարզ է դառնում, որ հողի տակից հանում են ոչ թե իրեն, այլ Մարկ Ուայտին։ Տեսախցիկը ամբողջությամբ պատվում է ավազով։ Տիրում է լռություն, որում լսվում է Դենի ձայնը. «Կներես Փոլ»։ Ֆիլմի վերջում ցուցադրվում է մի հատված, որտեղ դագաղի վրա երևում է Դենի նշած Մարկ Ուայտի անունը։

Դերերում

[խմբագրել | խմբագրել կոդը]
  • Ռայան Ռեյնոլդս - Փոլ Քոնրոյ
  • Սթիվեն Տոբոլովսկի - Ալան Դեյվենպորտ (հեռախոսի ձայն)
  • Սամանտա Մետիս - Լինդա Քոնրոյ (հեռախոսի ձայն)
  • Ռոբերտ Պատերսոն - Դեն Բրեներ (հեռախոսի ձայն)
  • Իվանա Մինյո - Պամելա Լուտի (հեռախոսի ձայն)

Ֆիլմի մասին

[խմբագրել | խմբագրել կոդը]

Ֆիլմը նկարահանվել է Բարսելոնայում 17 օրվա ընթացքում[5]։ Ֆիլմի նկարահանման համար օգտագործվել է 7 դագաղ[6]։

«Թաղվածը» ֆիլմը հիմնականում արժանացել է կինոքննադատների դրական արձագանքներին։ Rotten Tomatoes կայքում ֆիլմն ունի ընդհանուր 130 մեկնաբանություններ (որոնցից 85% դրական)[7]։ Metacritic կայքում ֆիլմն ունի 29 կարծիքների վրա հիմնված 65 միավոր (100 միավորից)[8]։ Հայտնի կինոքննադատ Ռոջեր Էբերտը այս ֆիլմը գնահատել է 3.5 աստղ 4 հնարավորից[9]։ Variety ամսագիրը նշում է, որ այս ֆիլմն իրենից հիշեցնում է «Անհետացում» ֆիլմը[10]։

Ծանոթագրություններ

[խմբագրել | խմբագրել կոդը]
  1. ↑ Internet Movie Database — 1990.
  2. ↑ 2,0 2,1 Internet Movie Database — 1990.
  3. ↑ 3,00 3,01 3,02 3,03 3,04 3,05 3,06 3,07 3,08 3,09 3,10 3,11 3,12 Internet Movie Database — 1990.
  4. ↑ ČSFD (չեխերեն) — 2001.
  5. ↑ «The Directors: Rodrigo Cortés builds suspense in 'Buried'». articles.latimes.com. Արխիվացված օրիգինալից 2012 թ․ հուլիսի 4-ին. Վերցված է 2010 թ․ հոկտեմբերի 21-ին.
  6. ↑ Buried - Trivia - IMDb
  7. ↑ «Buried Reviews». Rotten Tomatoes. Վերցված է 2011 թ․ հունվարի 8-ին.
  8. ↑ «Buried Reviews». Metacritic. Արխիվացված օրիգինալից 2012 թ․ հուլիսի 4-ին. Վերցված է 2010 թ․ նոյեմբերի 16-ին.
  9. ↑ Ebert, Roger (2010-11-16). Buried :: rogerebert.com :: Reviews Արխիվացված 2013-03-10 Wayback Machine. Retrieved 2010-11-16.
  10. ↑ Variety Reviews - Buried - Film Reviews - - Review by Rob Nelson

Արտաքին հղումներ

[խմբագրել | խմբագրել կոդը]
 ⛭ 
  Թեմատիկ կայքեր
Ստացված է «https://hy.wikipedia.org/w/index.php?title=Թաղվածը_(ֆիլմ)&oldid=9813877» էջից