Էնցո Ֆերնանդես

Վիքիպեդիայից՝ ազատ հանրագիտարանից
Էնցո Ֆերնանդես
իսպ.՝ Enzo Fernández
Քաղաքացիությունը  Արգենտինա
Ծննդյան ամսաթիվ հունվարի 17, 2001(2001-01-17)[1] (23 տարեկան)
Ծննդավայր Սան Մարտին, Բուենոս Այրես, Արգենտինա
Հասակ 178 սանտիմետր
Քաշ 78 կիլոգրամ
Դիրք կիսապաշտպան

Էնցո Երեմիաս Ֆերնանդես (իսպ.՝ Enzo Jeremías Fernández; հունվարի 17, 2001(2001-01-17)[1], Սան Մարտին, Բուենոս Այրես, Արգենտինա), արգենտինացի ֆուտբոլիստ, անգլիական «Չելսի» ակումբի և Արգենտինայի հավաքականի կիսապաշտպան։ 2022 թվականի աշխարհի առաջնության չեմպիոն, 2022 թվականի աշխարհի առաջնության լավագույն երիտասարդ խաղացող։

Ակումբային կարիերա[խմբագրել | խմբագրել կոդը]

Ծնվել է 2001 թվականի հունվարի 17-ին Սան-Մարտինում (Մեծ Բուենոս Այրես)՝ բազմազավակ ընտանիքում։ Նրա հայրը ուրուգվայցի հարձակվող Էնցո Ֆրանչեսկոլիի երկրպագուն էր և որդուն անվանակոչել էր նրա անունով։ Արդեն հինգ տարեկանում Ֆերնանդեսին, որը խաղում էր տեղի մանկական թիմում, նկատել է «Ռիվեր Փլեյթի» սքաութ Պաբլո Էսկվիվելը, ով համոզել է ֆուտբոլիստի ծնողներին՝ Էնցոյին ուղարկել ակումբի ակադեմիա։ 17 տարեկանում Ֆերնանդեսը սկսել է մարզվել պահեստային թիմի հետ, իսկ 2019 թվականին «Ռիվերի» մարզիչ Մարսելո Գալյարդոն սկսել է կիսապաշտպանին ներգրավել գլխավոր թիմի հետ աշխատանքներին[2][3][4]։ Էնցոն իր դեբյուտը «միլիոնատերերի» կազմում նշել է 2020 թվականի մարտի 4-ին՝ Լիբերտադորեսի գավաթի առաջնությունում «ԼԴՈՒ Քիտոյի» դեմ խաղում, որում Ֆերնանդեսը փոխարինեց Սանտյագո Սոսային[5]։

2020 թվականի օգոստոսին Ֆերնանդեսը մեկուկես տարվա վարձակալման է անցել «Դեֆենսա և Հիստուսիա» ակումբում[6]՝ խաղային պրակտիկա ստանալու համար[2]։ Ակումբի կազմում նորամուտը նշել է 2020 թվականի սեպտեմբերի 17-ին «Դելֆին» ակումբի դեմ Լիբերտադորեսի գավաթի համար խաղում[7]։ Էնցոն իրեն լավ է դրսևորել նոր թմում, հաստատվել է մեկնարկային կազմում և օգնել է «Յաստրեբ» ակումբին հաղթել Հարավամերիկյան առաջնությունում[2]։

2021 թվականի ամռանը «Ռիվեր Փլեյթը» պայմանավորվել է Ֆերնանդեսի վարձակալությունը վաղաժամկետ դադարեցնելու համար։ 2021 թվականի օգոստոսի 14-ին «Ռիվեր Փլեյթում» Էնցոն իր առաջին գոլը խփել է «Վելես Սարսֆիլդ» ակումբի դեմ խաղում[8]։ Վարձակալությունից վերադառնալուց հետո Ֆերնանդեսը ցուցադրել է որակյալ խաղ և չորս ամիս անց հավաքականից կանչ է ստացել[2]։ 2021 թվականի դեկտեմբերին նա երկարաձգեց պայմանագիրը Ռիվեր Փլեյթի հետ մինչև 2025 թվականը[9]։

2022 թվականի հուլիսի 14-ին Ֆերնանդեսը, ով գերազանց մարզավիճակ էր գտել առաջին կիսամյակում, 10 միլիոն եվրոյի դիմաց տեղափոխվեց Լիսաբոնյան «Բենֆիկա» (ևս 8 միլիոն եվրո տրամադրվել էր բոնուսների տեսքով)[10]։ Պայմանագրի պայմանների համաձայն՝ «Ռիվեր Փլեյթը» կստանա խաղացողի ապագա վաճառքի 25%-ը[11]։ «Բենֆիկայում» Ֆերնանդեսը ստացել է 13 համարի մարզաշապիկը, որը կրել է լեգենդար հարձակվող Էյսեբիոն[12]։ Նա իր նորամուտը նշել է 2022 թվականի օգոստոսի 2-ին «Բենֆիկայի» կազմում՝ մեկնարկելով ՈՒԵՖԱ-ի Չեմպիոնների լիգայի որակավորման երրորդ փուլի «Միդտյուլլաննի» դեմ խաղում և դառնալով հեռահար գոլի հեղինակ[13]։ 2022 թվականի օգոստոսի 5-ին գոլ է խփել Պորտուտուգալական Պրեմիեր-լիգայի իր դեբյուտային խաղում՝ ընդդեմ «Արոկայի»[14]։ Արագ ադապտացվելով նոր ակումբում, Էնցոն ցույց է տվել վստահ խաղ ազգային առաջնությունում և Չեմպիոնների լիգայի խաղերում, ինչի շնորհիվ գրավել է «Մանչեսթեր Յունայթեդի», «Մանչեսթեր Սիթիի» ու «Լիվերպուլի» սքաութների ուշադրությունը[15] և ստացել է հավաքականից կանչ՝ Քաթարում աշխարհի առաջնությանը մասնակցելու համար[16]։

2023 թվականի հունվարի 31-ին ձմեռային տրանսֆերային պատուհանի վերջին օրը Ֆերնանդեսը տեղափոխվել է անգլիական Չելսի ակումբ՝ ստորագրելով ութամյա պայմանագիր։ Տրանսֆերի արժեքը կազմել է 121 միլիոն եվրո (106,8 միլիոն ֆունտ), որը դարձավ տրանսֆերային ռեկորդ Մեծ Բրիտանիայի համար[17]։

Հավաքականի կարիերա[խմբագրել | խմբագրել կոդը]

2019 թվականին Արգենտինայի մինչև 20 տարեկանների հավաքականի կազմում Ալկուդիայի առաջնության ժամանակ անց է կացրել երկու խաղ։

2021 թվականին ստացել է իր առաջին կանչը Արգենտինայի գլխավոր հավաքականից[18]։ 2022 թվականի սեպտեմբերի 24-ին Արգենտինայի հավաքականում իր նորամուտը նշել է Հոնդուրասի հավաքականի դեմ խաղի ժամանակ։

Նոյեմբերին Ֆերնանդեսը Լիոնել Սկալոնիի կողմից ընդգրկվել է Քաթարում կայանալիք աշխարհի առաջնության ազգային հավաքականի հայտում։ Առաջին փուլում 59-րդ րոպեին նա դուրս է եկել փոխարինելուվ Լեանդրո Պարեդեսին, բայց չի կարողացել օգնել իր թիմին խուսափել Սաուդյան Արաբիայից սենսացիոն պարտություն կրելուց։ Հաջորդ խաղում ընդդեմ Մեքսիկայի հավաքականի Ֆերնանդեսը երկրորդ խաղակեսում նորից դուրս է եկել փոխարինման, իսկ 87-րդ րոպեին խփել է արգենտինացիների 2-րդ գոլը կապիտան Լիոնել Մեսսիի կողմից անկյունայինի խաղարկմամբ փոխանցումից հետո[19], դառնալով աշխարհի առաջնության բոլոր խաղերի ժամանակ գոլ խփած ամենաերիտասարդ արգենտինացիների ցուցակում երկրորդը (Մեսսիից հետո)[20]։ Դեկտեմբերի 3-ին 1/8 եզրափակչի խաղում՝ ընդդեմ Ավստրալիայի հավաքականի, խփել է գոլ սեփական դարպասին[21]։ Կիսաեզրափակչում Խորվաթիային հաղթելուց հետո Ֆերնանդեսն օգնեց Արգենտինային ոչ-ոքի խաղալ հիմնական և լրացուցիչ ժամանակում Ֆրանսիայի դեմ եզրափակիչ խաղում, որը 11 մետրանոցների շնորհիվ ավարտվեց Արգենտինայի հաղթանակով[22]։ Էնցո Ֆերնանդեսը դարձավ աշխարհի չեմպիոն և ճանաչվեց նաև Քաթարում կայացած աշխարհի առաջնության լավագույն երիտասարդ խաղացող[23]։

Ելույթների վիճակագրություն[խմբագրել | խմբագրել կոդը]

2023 թվականի հունվարի 26-ի դրությամբ։

Ակումբ Մրցաշար Լիգա Երկրի գավաթ Լիգայի գավաթ Մայրցամաքային գավաթներ Այլ Ընդհանուր
Խաղեր Գոլեր Խաղեր Գոլեր Խաղեր Գոլեր Խաղեր Գոլեր Խաղեր Գոլեր Խաղեր Գոլեր
Ռիվեր Փլեյթ 2019-2020 0 0 0 0 0 0 1 0 — 1 0
2021 20 2 0 0 — 3 0 1 0 24 2
2022 20 8 0 0 — 6 2 0 0 26 10
Ընդհանուր 40 10 0 0 0 0 10 2 1 0 51 12
Դեֆենսա և Հիստուսիա
(վարձակալված) 		2020-2021 4 0 2 0 1 0 10 1 — 17 1
2021 10 0 0 0 — 4 0 2 0 16 0
Ընդհանուր 14 0 2 0 1 0 14 1 2 0 33 1
Բենֆիկա 2022-2023 17 1 3 1 0 0 9 2 — 29 4
Ընդհանուր 17 1 3 1 0 0 9 2 0 0 29 4
Ընդհանուր կարիերայի ընթացքում 71 11 5 1 1 0 33 5 3 0 113 17

Նվաճումներ[խմբագրել | խմբագրել կոդը]

Թիմային[խմբագրել | խմբագրել կոդը]

Արգենտինայի հավաքական

Անձնական[խմբագրել | խմբագրել կոդը]

  • աշխարհի առաջնության լավագույն երիտասարդ խաղացող․2022

Անձնական կյանք[խմբագրել | խմբագրել կոդը]

Ֆերնանդեսը իր անունը ստացել է Ուրուգվայցի ֆուտբոլիստ Էնցո Ֆրանչեսկոլիի պատվին, քանի որ Էնցոյի հայրը Ուրուգվայցի ֆուտբոլիստների մեծ երկրպագու էր[24]։

Ծանոթագրություններ[խմբագրել | խմբագրել կոդը]

  1. ↑ 1,0 1,1 FBref.com(բազմ․)
  2. ↑ 2,0 2,1 2,2 2,3 «Enzo Fernández: o "herdeiro" de Francescoli que convence rapidamente». Maisfutebol. 2022 թ․ հունիսի 23.
  3. ↑ «Enzo Fernández: "En River tenés que tener una actitud mental ganadora"» (իսպաներեն). River Plate. Արխիվացված օրիգինալից 2020 թ․ հունվարի 7-ին. Վերցված է 2021 թ․ դեկտեմբերի 21-ին.
  4. ↑ «Enzo Fernández, el juvenil de River que brilla en la Copa Libertadores para Defensa y Justicia» (իսպաներեն). Clarín. 2020 թ․ սեպտեմբերի 26. Արխիվացված օրիգինալից 2020 թ․ նոյեմբերի 1-ին. Վերցված է 2021 թ․ դեկտեմբերի 21-ին.
  5. ↑ «LDU Quito vs. River Plate» (անգլերեն). Soccerway.com. 2020 թ․ մարտի 5. Արխիվացված օրիգինալից 2021 թ․ դեկտեմբերի 21-ին. Վերցված է 2021 թ․ դեկտեմբերի 21-ին.
  6. ↑ «Fernández: "Esta oportunidad que me da Defensa es muy importante"» (իսպաներեն). Vavel. 2020 թ․ սեպտեմբերի 4. Արխիվացված օրիգինալից 2021 թ․ դեկտեմբերի 21-ին. Վերցված է 2021 թ․ դեկտեմբերի 21-ին.
  7. ↑ «Copa Libertadores. Enzo Fernández: la joya del semillero de River que se lució en Defensa y Justicia» (իսպաներեն). La Nación. 2020 թ․ սեպտեմբերի 24. Արխիվացված օրիգինալից 2021 թ․ դեկտեմբերի 21-ին. Վերցված է 2021 թ․ դեկտեմբերի 21-ին.
  8. ↑ «River Plate vs. Vélez Sarsfield» (անգլերեն). Soccerway.com. 2021 թ․ օգոստոսի 14. Արխիվացված օրիգինալից 2021 թ․ դեկտեմբերի 21-ին. Վերցված է 2021 թ․ դեկտեմբերի 21-ին.
  9. ↑ «Enzo Fernández extendió su vínculo con River hasta 2025» (իսպաներեն). AS. 2021 թ․ դեկտեմբերի 20. Արխիվացված օրիգինալից 2021 թ․ դեկտեմբերի 21-ին. Վերցված է 2021 թ․ դեկտեմբերի 21-ին.
  10. ↑ «Benfica announce Enzo Fernández will join the club» (անգլերեն). Mundoalbiceleste.com. 2022 թ․ հունիսի 23. Արխիվացված օրիգինալից 2022 թ․ հունիսի 23-ին. Վերցված է 2022 թ․ հունիսի 28-ին.
  11. ↑ «Enzo Fernández is a Benfica player!» (պորտուգալերեն). SL Benfica. 2022 թ․ հուլիսի 14. Արխիվացված օրիգինալից 2022 թ․ հուլիսի 21-ին. Վերցված է 2022 թ․ օգոստոսի 3-ին.
  12. ↑ «Eusébio 'ajudou' EnzoFernández a escolher o número» (պորտուգալերեն). A Bola. 2022 թ․ հուլիսի 14. Արխիվացված օրիգինալից 2022 թ․ հուլիսի 17-ին. Վերցված է 2022 թ․ օգոստոսի 3-ին.
  13. ↑ «Benfica vs. Midtjylland» (անգլերեն). Soccerway.com. 2022 թ․ օգոստոսի 2. Արխիվացված օրիգինալից 2022 թ․ օգոստոսի 3-ին. Վերցված է 2022 թ․ օգոստոսի 3-ին.
  14. ↑ «Benfica vs. Arouca» (անգլերեն). Soccerway.com. 2022 թ․ օգոստոսի 5. Արխիվացված օրիգինալից 2022 թ․ օգոստոսի 6-ին. Վերցված է 2022 թ․ օգոստոսի 6-ին.
  15. ↑ «Man City 'join race for Benfica star Enzo Fernandez' and more transfer rumours». Manchester Evening News. 2022 թ․ նոյեմբերի 11. Վերցված է 2022 թ․ նոյեմբերի 26-ին.
  16. ↑ «Messi makes fifth World Cup as Garnacho, Simeone omitted». FIFA. Վերցված է 2022 թ․ նոյեմբերի 26-ին.
  17. ↑ Steinberg, Jacob. (2022 թ․ փետրվարի 1). «Chelsea sign Benfica's Enzo Fernández for British record £106.8m fee» (անգլերեն). The Guardian.
  18. ↑ «Lista de convocados para la doble fecha de Eliminatorias» (իսպաներեն). AFA. 2021 թ․ նոյեմբերի 3. Արխիվացված օրիգինալից 2021 թ․ նոյեմբերի 5-ին. Վերցված է 2021 թ․ դեկտեմբերի 21-ին.
  19. ↑ «Argentina - Mexico World Cup: Results, updates and game highlights». Marca. 2022 թ․ նոյեմբերի 27. Վերցված է 2022 թ․ նոյեմբերի 26-ին.
  20. ↑ Garcia, Adriana. (2022 թ․ նոյեմբերի 26). «Enzo Fernández: la figura que cambió todo desde el banco» (անգլերեն). ESPN.
  21. ↑ Cawthorne, Andrew. (2022 թ․ դեկտեմբերի 3). «Messi helps Argentina past Australia into World Cup quarter-finals» (անգլերեն). Reuters.
  22. ↑ «Argentina 3–3 France (Argentina wins 4–2 on penalties)» (անգլերեն). FIFA. 2022 թ․ դեկտեմբերի 18.
  23. ↑ Clark, Gill. (2022 թ․ դեկտեմբերի 18). «Argentina's Enzo Fernandez wins World Cup 2022 Young Player of the Tournament» (անգլերեն). Goal.com.
  24. ↑ «Enzo Fernández, el juvenil de River que brilla en la Copa Libertadores para Defensa y Justicia» (անգլերեն). Clarín. 2020 թ․ սեպտեմբերի 26.

Արտաքին հղումներ[խմբագրել | խմբագրել կոդը]

Ստացված է «https://hy.wikipedia.org/w/index.php?title=Էնցո_Ֆերնանդես&oldid=9618974» էջից