Էնն Հեբերլեյն

Վիքիպեդիայից՝ ազատ հանրագիտարանից
Jump to navigation Jump to search
Էնն Հեբերլեյն
Ann Heberlein.jpg
Ծնվել էհունիսի 22, 1970(1970-06-22) (49 տարեկան)
ԾննդավայրՄալմյո
ՔաղաքացիությունFlag of Sweden.svg Շվեդիա[1]
ԿրթությունԼունդի համալսարան
ԵրկերJag vill inte dö, jag vill bara inte leva?
Մասնագիտությունփիլիսոփա
ԱշխատավայրԼունդի համալսարան
Կայքannheberlein.com
Ann Heberlein Վիքիպահեստում

Էնն (Աննա) Հելեն Հեբերլեյն շվեդ.՝ Ann Helen Heberlein, ծննդյամբ՝ Հոլմստրեմ (շվեդ.՝ Holmström), հունիսի 22, 1970(1970-06-22), Մալմյո), շվեդ գրող և գիտնական, աստվածաբանության և բարոյագիտության վերաբերյալ բազմաթիվ հրապարակումների հեղինակ[2]: Առավելապես հայտնի է կյանքի երկբևեռ խանգարումների վերաբերյալ իր ինքնակենսագրական զեկույցով՝ «Ես չեմ ուզում մեռնել, պարզապես չեմ ուզում ապրել» (շվեդ.՝ «Jag vill inte dö, jag Vill bara inte leva», 2008): Հեբերլեյնն առաջադրվել է խորհրդարանում 2018 թվականի ընդհանուր ընտրություններում՝ որպես Չափավոր կուսակցության ներկայացուցիչ[3]:

Կարիերա[խմբագրել | խմբագրել կոդը]

2005 թվականին Հեբերլեյնը Լունդի համալսարանում պաշտպանել է «Չարաշահումներ և ներողամտություն» («Kränkningar och förlåtelse») թեմայով ատենախոսությունը: Ատենախոսությունը վերաբերվում էր մեղքի, ամոթի, բարոյական պատասխանատվության, չարաշահումների և ներողամտություն հարցերին [2]: 2007 թվականի հունվարին Ստոկհոլմի համալսարանում դասավանդել է գործնական փիլիսոփայության դասընթաց` աշխատելով քրեական արդարադատության համակարգի նախագծի վրա[4]:

2004 թվականին գրել է «Den sexuella människan», 2008 թվականին՝ «Det var inte mitt fel! Om konsten att ta ansvar» գրքերը: Հեբերլեյնը համարվում է Sydsvenskan և Dagens Nyheter թերթերի հեղինակն ու տեսաբանը, ինչպես նաև նախկինում հոդվածներ է գրել Expressen և Axess թերթերի համար[5]: Նա հոդվածներ է գրել նաև Kyrkans tidning քրիստոնեական թերթի համար: Պարբերաբար հանդես է գալիս նաև Sveriges Radio Р1- ում, իր սեփական «Tankar för dagen» ռադիոհաղորդաշարով[6]:

2008 թվականին Հեբերլեյնը հրապարակեց «Ես չեմ ուզում մեռնել, պարզապես չեմ ուզում ապրել» (շվեդ.՝ «Jag vill inte dö, jag Vill bara inte leva») ինքնակենսագրական գիրքը՝ իր կյանքի մասին, ինքնասպանությունների, ծանր անհանգստությունների և երկբևեռ աֆեկտիվ խանգարումների վերաբերյալ մտորումներով, որը իր վրա բևեռեց ամբողջ երկրի ուշադրությունը:

2012 թվականին Ստոկհոլմի Թագավորական դրամատիկական թատրոնում գրքի հիման վրա ներկայացում բեմադրվեց[7]: 2016 թվականի մայիսի 24-ին Հեբերլեյնը հրաժարվեց Sydsvenskan-ից՝ հայտարարելով, որ մշակույթի խմբագիր Ռաքել Չուկրին արգելել է Facebook-ի իր անձնական էջում քննադատական հոդվածներ գրել արտագաղթի և իսլամի վերաբերյալ: Չուկրին հերքում էր դա[8]:

2018 թվականի հունվարի 26-ին Kickstarter-ը արգելեց[9] Հեբերլեյնի «Բռնաբարություն և մշակույթ - խմբակային բռնությունների ուսումնասիրությունը Շվեդիայում 2012-2017 թթ.» (Rape and Culture - A survey of group violence in Sweden 2012-2017) գրքի համար ֆինանսական միջոցների հավաքագրումը, որը նորություն դարձավ Շվեդիայի լրատվամիջոցներում [10]:

Մատենագիտություն[խմբագրել | խմբագրել կոդը]

  • Den banala godheten. Greycat Publishing (2017)
  • Gud, om vi ska talas vid du och jag måste jag vara helt ärlig. Bonnier (2015)
  • Etik : människa, moral, mening : en introduktion. Bonnier (2014)
  • Ett gott liv. Albert Bonniers förlag (2011)
  • En liten bok om ondska. Albert Bonniers förlag (2010)
  • Jag vill inte dö, jag vill bara inte leva. Weyler förlag (2008)
  • Det var inte mitt fel! Om konsten att ta ansvar. ICA bokförlag (2008)
  • Kränkningar och förlåtelse. Thales förlag (2005)
  • Den sexuella människan. Etiska perspektiv. Lund (2004)

Ծանոթագրություններ[խմբագրել | խմբագրել կոդը]

  1. LIBRIS — 2015.
  2. 2,0 2,1 «Ann Heberlein»։ Avhandlingar.se։ Վերցված է 2019-04-08 
  3. Stefan Olofson (16.06.2017)։ «Ann Heberlein kandiderar för M i riksdagsvalet»։ Газета Norra Skåne։ Վերցված է 2019-04-08 
  4. «Ann Heberlein lämnar Svenska kyrkan» (շվեդերեն)։ Kyrkans Tidning։ 14 August 2008։ Արխիվացված է օրիգինալից 10 November 2014-ին։ Վերցված է 15 May 2014 
  5. Malena Rydell (14 октября 2011)։ «Ann Heberlein: Ett gott liv»։ Kvällstidningen Expressen։ Վերցված է 2019-04-08 
  6. «Tankar för dagen» (շվեդերեն)։ 11.11.2009։ Վերցված է 2019-04-08 
  7. «Jag vill inte dö, jag vill bara inte leva»։ Dramaten.se։ Արխիվացված է օրիգինալից 13 August 2013-ին։ Վերցված է 15 May 2014 
  8. Louise Lindberg (24 мая 2016)։ «Ann Heberlein rasar mot Sydsvenskan – avslutar samarbetet» (շվեդերեն)։ Сайт Resume։ Վերցված է 2019-04-08 
  9. «Våldtäkt och kultur - Ann Heberlein (Suspended)» (անգլերեն)։ Оф. сайт Kickstarter։ Վերցված է 2019-04-08 
  10. «Kickstarter stoppar finansieringen av Heberleins nya bok om våldtäkt»։ Dagens Nyheter։ 26 января 2018։ Վերցված է 2019-04-08