Էմմա Միհրանյան

Էմմա Միհրանյան
Հիմնական տվյալներ
Ծնվել է	հունվարի 4, 1940; Երևան, Հայկական ԽՍՀ, ԽՍՀՄ
Մահացել է	դեկտեմբերի 8, 1992 (52 տարեկան); Երևան, Հայաստան
Մասնագիտություն	կոմպոզիտոր և մանկավարժ
Աշխատավայր	Կոստանտին Սարաջևի անվան երաժշտական դպրոց
Կրթություն	Ռոմանոս Մելիքյանի անվան պետական երաժշտական քոլեջ և Երևանի Կոմիտասի անվան պետական կոնսերվատորիա (1968)

Էմմա Վարդանի Միհրանյան (հունվարի 4, 1940(1940-01-04), Երևան, Հայկական ԽՍՀ, ԽՍՀՄ - դեկտեմբերի 8, 1992(1992-12-08)^[1], Երևան, Հայաստան), հայ խորհրդային կոմպոզիտոր, մանկավարժ։

Կենսագրություն[խմբագրել | խմբագրել կոդը]

Էմմա Միհրանյանը ծնվել է Երևանում։ Ավարտել է Երևանի Ռոմանոս Մելիքյանի անվան ուսումնարանի կոմպոզիցիայի բաժինը (դասատու՝ Էդուարդ Բաղդասարյան)։ 1968 թվականին ավարտել է Երևանի պետական կոնսերվատորիան (Գրիգոր Եղիազարյանի դասարան)։ 1967 թվականից դասավանդել է Երևանի Կոստանտին Սարաջևի անվան երաժշտական դպրոցում^[2]^[3]։

Ստեղծագործական գործունեություն[խմբագրել | խմբագրել կոդը]

Գրել է հիմնականում մանկական երաժշտություն (այդ թվում՝ «Մանկական երգեր՝ դաշնամուրի նվագակցությամբ», 1983)։ Ուշագրավ են «Բարի գիշեր, երեխաներ» հեռուստահաղորդման համար գրած երաժշտությունը և Մանկական պատկերասրահի տպավորությամբ ստեղծած «Մանուկների աչքերով» սիմֆանիկ սյուիտը։ Տիկնիկային ներկայացումների համար գրել է «Թզուկի երգը», «Ուլիկների նոր արկածները», «Փչան Թորոսը», «Խիպիլիկը» և այլ գործեր։ Հեղինակ է դաշնամուրի սոնատինի (1977), նաև կինոերաժշտության («Անուշ մայրիկը», «Ծերունին ու քամին», գեղարվեստական, «Կոնդ», «Սպիտակ քաղաք», վավերագրական)։

Միհրանյանի մեծածավալ ստեղծագործությունները «Պատանեկան» սիմֆոնիան է (կատարել են նաև Սևաստոպոլի և Յալթայի սիմֆոնիկ նվագախմբերը) և ալտի կոնցերտը։ Կազմել է «Պիեսներ և սոնատիններ։ Դաշնամուրի համար» (1985) նոտաների ժողովածուները։ Հայաստանի կոմպոզիտորների միության մանկապատանեկան գեղագիտական դաստիարակչության հանձնաժողովի նախագահ։

Վարել է «Աղբյուր» հեռուստահաղորդաշարը, «Երաժշտական աշխարհ» ռադիոհաղորդաշարը։

Ֆիլմեր[խմբագրել | խմբագրել կոդը]

«Անուշ մայրիկը»^[4]
«Ծերունին և արևը» (ալմանախ, «Ծերունին և քամին»)^[5]

Ծանոթագրություններ[խմբագրել | խմբագրել կոդը]

↑ ^1,0 ^1,1 ^1,2 Հայ երաժշտության հանրագիտարան, էջ 459
↑ Мигранян Эмма Вардановна
↑ «Էմմա Միհրանյանի մասին avproduction.am կայքում». Արխիվացված է օրիգինալից 2022 թ․ օգոստոսի 20-ին. Վերցված է 2018 թ․ փետրվարի 20-ին.
↑ Мама Ануш
↑ Старик и солнце (киноальманах)

Այս հոդվածի կամ նրա բաժնի որոշակի հատված վերցված է «Հայ երաժշտության հանրագիտարանից», որի նյութերը թողարկված են՝ Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) թույլատրագրի ներքո։

[_8768e7e2ac449c82-1] 1,0 ^1,1 ^1,2 Հայ երաժշտության հանրագիտարան, էջ 459

[2] Мигранян Эмма Вардановна

[3] «Էմմա Միհրանյանի մասին avproduction.am կայքում». Արխիվացված է օրիգինալից 2022 թ․ օգոստոսի 20-ին. Վերցված է 2018 թ․ փետրվարի 20-ին.

[4] Мама Ануш

[5] Старик и солнце (киноальманах)

[1]

[2]

[3]

[4]

[5]