Էմանուելա Սետտի Կառարո
Էմանուելա Սետտի Կառարո | |
---|---|
Ծնվել է | հոկտեմբերի 9, 1950 |
Ծննդավայր | Բորգոսեզիա, Վերչելլի, Պիեմոնտ, Իտալիա |
Մահացել է | սեպտեմբերի 3, 1982 (31 տարեկան) |
Մահվան վայր | Պալերմո, Իտալիա |
Քաղաքացիություն | Իտալիա |
Մասնագիտություն | բուժքույր |
Ամուսին | Carlo Alberto dalla Chiesa?[1] |
Emanuela Setti Carraro Վիքիպահեստում |
Էմանուելա Սետտի Կառարո (Իտալերեն արտասանություն՝ [emanuˈɛːla ˈsɛtti karˈraːro], հոկտեմբերի 9, 1950, Բորգոսեզիա, Վերչելլի, Պիեմոնտ, Իտալիա - սեպտեմբերի 3, 1982, Պալերմո, Իտալիա), իտալացի բուժքույր, Կառլո Ալբերտո Դալլա Կիեզայի կինը։ Հարսանիքից երկու ամիս անց դարձել է սիցիլիական մաֆիայի հարձակման զոհը, որի հետևանքով զոհվել են նաև նրա ամուսինը և նրան ուղեկցող սպա Դոմենիկո Ռուսոն։
Կյանք[խմբագրել | խմբագրել կոդը]
Ծնվել է 1950 թվականի հոկտեմբերի 9-ին Պիեմոնտ մարզի Բորգոսիա քաղաքում։ Հատուկ ծառայություն է մատուցել Միլանի զինվորական հոսպիտալում և Միլանի համալսարանի վիրաբուժական ախտաբանության ինստիտուտում։ Էմանուելան ունեցել է երկու եղբայր՝ բժիշկ Պաոլո Ջուզեպպեն և նկարների վաճառող Ջովաննի Մարիան։ Եղել է Կառլո Ալբերտո Դալլա Կիեզայի կինը, նրանք ամուսնացել են 1982 թվականի հուլիսի 10-ին, ամուսինների տարիքային տարբերությունը եղել է 30 տարի։ Հարսանիքը տեղի է ունեցել Տրենտո գավառի Իվանո Ֆրաչենա քաղաքում գտնվող մի փոքրիկ եկեղեցում։
Մահ[խմբագրել | խմբագրել կոդը]
1982 թվականի սեպտեմբերի 3-ին ամուսինների մարմինները հայտնաբերել են իրենց Autobianchi A112 ավտեմեքենայի մեջ՝ սպանված։ Գեներալը գրկած է եղել Էմանուելային փորձելով պաշտպանել նրան։ AK-47-ով կրակելուց հետո մարդասպանները ատրճանակով կրակել են նրա գլխին։ Էմանուելա Սետտի Կառարոն թաղված է ամուսնու հետ Պարմայում։ Նրանց ավտոմեքենան պահվում է Վոգերայի պատմական թանգարանում։
Ժառանգություն[խմբագրել | խմբագրել կոդը]
Էմանուելան պարգևատրվել է Medaglia d ' Oro al merito della Croce Rossa Italiana մեդալով (Իտալական Կարմիր Խաչի մատուցած ծառայությունների համար ոսկե մեդալ) և Medaglia al merito della Sanita pubblica մեդալով (հանրային առողջապահության ոլորտում ծառայությունների համար մեդալ)։ Շատ դպրոցներ և բժշկական հաստատություններ ամբողջ Իտալիայում անվանվել են իր պատվին[2][3][4][5]։
Ծանոթագրություններ[խմբագրել | խմբագրել կոդը]
- ↑ https://archivio.unita.news/assets/main/1982/09/04/page_001.pdf
- ↑ Antonia Setti Carraro, Memorie di una Crocerossina, Milano, Mursia, 1982
- ↑ Antonia Setti Carraro, Ricordi, Emanuela?, Milano, Rizzoli, 1983
- ↑ Luigi Càstano, Emanuela dalla Chiesa Setti Carraro: una crocerossina secondo il Vangelo, Torino, Editrice Elle di Ci, 1993, 200 pp 8801102488
- ↑ Renate Siebert, Secrets of Life and Death: Women and the Mafia, Verso editore, 1996, 185984023X
Վիքիպահեստն ունի նյութեր, որոնք վերաբերում են «Էմանուելա Սետտի Կառարո» հոդվածին։ |