Էլիզաբեթ Ռիզեր (անգլ.՝ Elizabeth Reaser, հուլիսի 2, 1975(1975-07-02)[1], Bloomfield Township, Օկլենդ շրջան, Միչիգան, ԱՄՆ[2]), հեռուստատեսության, թատրոնի և կինոյի ամերիկացի դերասանուհի։ Լայն ճանաչում ու համբավ է ձեռք բերել՝ Մթնշաղ ֆիլմում[3][4] և դրա շարունակությունը հանդիսացող ևս չորս կինոնկարներում[5][6] մարմնավորելով Էսմա Կալլենի կերպարը։ Հիշարժան դերակատարումներով հանդես է եկել նաև Stay, The Family Stone, Sweet Land, Against the Current, Young Adult, Ouija: Origin of Evil ֆիլմերում, Saved, Grey's Anatomy, The Ex-List, The Good Wife, True Detective, The Handmaid's Tale, The Haunting of Hill House հեռուստասերիալներում։ Ֆիլմերում սկսել է նկարահանվել 1999 թվականից։ Արժանացել է Նյուպորտի կինոփառատոնի ժյուրիի մրցանակի «Գեղարվեստական կինոնկարի լավագույն դերասանուհի» անվանակարգում, առաջադրվել է «Էմմի», Independent Spirit, կինոդերասանների գիլդիայի և այլ մրցանակների։ 2004 թվականի հոկտեմբերին Interview ամսագիրը Էլիզաբեթ Ռիզերին ներառել է "14 To Be" emerging creative women ցանկում[7]։
Ծնվել է Դետրոյտի Բլումֆիլդ Հիլզ արվարձանում, Կարեն Դևիդսոնի և Ջոն Ռիզերի ընտանիքում[8]։ Քույրերի եռյակում միջնեկն է[8]։ 1995 թվականին նրա մայրն ամուսնացել է միլիարդատեր գործարար Բիլլ Դևիդսոնի հետ[8][9][10]։
Էլիզաբեթը հաճախել է Բլումֆիլդ Հիլզի «Սուրբ սիրտ» ակադեմիան[11], Միչիգանի Էյվոնդեյլ բարձրագույն դպրոցը[12], մեկ տարի ուսանել է Օքլենդի համալսարանում[13], այնուհետև սովորել է Ջիլիարդի անվան բարձրագույն դպրոցի դրամատիկական արվեստի բաժանմունքում (1995–1999, Group 28)[14], որն ավարտել է 1999 թվականին՝ ստանալով գեղարվեստի բակալավրի աստիճան[13][15]։
ԱՄՆ
