Էժեն Դելակրուայի թանգարան

Վիքիպեդիայից՝ ազատ հանրագիտարանից
Jump to navigation Jump to search
Էժեն Դելակրուայի թանգարան
Delacroix Museum - The Studio from the Garden, Paris, sof2011.JPG
Տեսակպատկերասրահ և ազգային թանգարան
ԵրկիրFlag of France.svg Ֆրանսիա[1]
ՏեղագրությունՓարիզի 6-րդ շրջան[1]
Հասցե75006rue de Furstemberg?
Հիմնադրված է1971
Այցելուներ76 000[2]
Կոորդինատներ: 48°51′17″ հս․ լ. 2°20′7″ ավ. ե. / 48.85472° հս․. լ. 2.33528° ավ. ե. / 48.85472; 2.33528
Կայքmusee-delacroix.fr

Էժեն Դելակրուայի թանգարան (ֆր.՝ Musée national Eugène-Delacroix), ազգային թանգարան, որը հայտնի է նաև Դելակրուայի թանգարան անունով։ Թանգարանը նվիրված է աշխարհահռչակ ֆրանսիացի գեղանկարիչ Էժեն Դելակրուային (1798-1863)։ Այն գտնվում է Փարիզի 6-րդ թաղամասում՝ Ֆյուրսթենբերգ 6 փողոցի մոտ։ Թանգարանը բաց է ամեն օր, բացի երեքշաբթի օրվանից[3]: Մուտքի համար գումար չի գանձվում։

Պատմություն[խմբագրել | խմբագրել կոդը]

Թանգարանը գտնվում է այն տանը, որտեղ տեղակայված է նկարիչ Էժեն Դելակրուայի վերջին բնակարանը, նա տեղափոխվել է այնտեղ 1857 թվականի դեկտեմբերի 28-ին և ապրել է այնտեղ մինչև իր մահը՝ 1863 թվականի օգոստոսի 13-ը։ 1929 թվականին կազմակերպվեց նկարչի ժառանգության հանձնաժողովը (Société Des Amis d'Eugène Delacroix), որը 1952 թվականին ձեռք բերեց թանգարանի հաստատությունը, որը այդ ժամանակ գտնվում էր վթարային վիճակում։ Շինությունը 1954 թվականին փոխանցվել է ֆրանսիական կառավարությանը։ 1971 թվականին շենքը դարձավ ազգային թանգարան, իսկ 1999 թվականին շենքին շրջապատող այգին վերանորոգվեց։ Այս շենքում ապրել և աշխատել է ֆրանսիացի նկարիչ Լեոն Փրինթեմփսը մինչև 1945 թվականի հուլիսի 9-ը՝ իր մահվան օրը։

Թանգարանի հավաքածուներ[խմբագրել | խմբագրել կոդը]

Այսօր թանգարանում պահվում են Դելակրուայի շուրջ 20 նկարներ, ինչպես նաև Valmont ժողովածուից երեք ֆրիզներ (1834)։

Բացի այդ, թանգարանի հավաքածուն ներառում է.

  • Էսքիզներ և որմնանկարների գծագրեր նվիրված Սեն Սյուլփիս եկեղեցուն, ինչպես նաև որոշ նկարների Դելակրուայի ընկերներից և կոլեգաներից (Լասսալ Բորդ, Յուե, Փոթերլե, Սեն Մարսել, Քոլեն և այլք)։
  • Օրագրեր, ձայնագրություններ, էսքիզներ։
  • Հուշանվերներ Մարոկկոյից. նկարիչը այցելել է Մարոկկո 1832 թվականին, բերելով իր հետ Ֆրանսիա բուռնուս, կաֆտան, ջելլաբա, զարդարանքներ, սուսերներ, բարձեր, մաշիկներ, երկարաճիտ կոշիկներ և կերամիկիա:
  • Գեղարվեստական արվեստանոցի առարկաներ. ներառում է նկարակալ, ներկապնակ, սեղաններ, ապակյա անոթներ, հախճապակիների ոչ մեծ հավաքածու, աշտանակներ[4]:
  • Լուսանկարներ նրա կյանքի ավարտից
  • Նամակներ
  • Գրքերի ժողովածուներ և փաստաթղթեր, որոնք առնչություն ունեն Դելակրուայի կամ նրա շրջապատի հետ. ավելի քան 1000 միավոր։

Պատկերասրահ[խմբագրել | խմբագրել կոդը]

Ծանոթագրություններ[խմբագրել | խմբագրել կոդը]

Արտաքին հղումներ[խմբագրել | խմբագրել կոդը]