Էժեն Գրանժե

Վիքիպեդիայից՝ ազատ հանրագիտարանից
Jump to navigation Jump to search
Էժեն Գրանժե
ֆր.՝ Eugène Grangé
Eugène Grangé 2.JPG
Ծննդյան անունֆր.՝ Pierre-Eugène Basté
Ծնվել էդեկտեմբերի 16, 1810(1810-12-16)[1][2]
ԾննդավայրՓարիզ, Ֆրանսիա
Վախճանվել էմարտի 1, 1887(1887-03-01)[1][2] (76 տարեկանում)
Վախճանի վայրՓարիզի 9-րդ շրջան, Փարիզ, Ֆրանսիա
Մասնագիտությունշանսոնյե, բանաստեղծ, լիբրետիստ, դրամատուրգ և գոգեթ
Լեզուֆրանսերեն[1]
ՔաղաքացիությունՖրանսիա
Eugène Grangé Վիքիպահեստում

Էժեն Գրանժե (իրական անունը և ազգանունը՝ Պիեռ Էժեն Բաստե, ֆր.՝ Eugène Grangé, դեկտեմբերի 16, 1810(1810-12-16)[1][2], Փարիզ, Ֆրանսիա - մարտի 1, 1887(1887-03-01)[1][2], Փարիզի 9-րդ շրջան, Փարիզ, Ֆրանսիա), ֆրանսիացի դրամատուրգ, լիբրետիստ, շանսոնիե, երգահան բանաստեղծ, գոգեթ[3]:

Կենսագրություն[խմբագրել | խմբագրել կոդը]

Ավարտել է Կառլոս Մեծի անվան քոլեջը: Ուսումն ավարտելուց հետո աշխատել է բանկային հաստատությունում, որը թողել է, որպեսզի զբաղվի գրականությամբ: 1827 թվականին նրա վոդևիլները բեմադրվել են Բուլվար դյու Տամպլի փոքր թատրոններում:

Օգտագործել է Էժեն Գրանժե կեղծանունը, որը կազմված էր նրա երկրորդ անունից՝ Էժեն և մոր ազգանունից: Ժամանակի ընթացքում դարձել է «Théâtre des Funambules»-ի սիրված դրամատուրգը, որտեղ ամենից հաճախ խաղում էին նրա պիեսները: Մի քանի տարի Գրանժեն եղել է այդ թատրոնի միակ և բարձր վարձատրվող հեղինակը: Բացի այդ, նրա տտեղծագործությունները հաջողութամբ ներկայացվել են Փարիզի դրամատիկական (Théâtre des Folies-Dramatiques) և վարիետեի («Theres des Variétés») թատրոնների բեմերում:

Է. Գրանժեն եղել է երգահան-բանաստեղծ և գոգեթ: 1858 թվականին մասնակել է երգիչների և բանաստեղծների ամենամսյա ավանդական-տոնական հավաքույթներին, որը ժողովրդական-երգչախմբային յուրօրինակ խմբակ էր խնջույքի շուրջ (գոգեթ): 1865 թվականի մայիսին իր ընկերոջ՝ Կլերվիլի հրավերով և առաջարկությամբ դարձել է «Մառանիկ միության» անդամ: Ղեկավարել է այն յոթ անգամ (1868, 1872, 1874, 1877, 1880, 1882 և 1884)։

Ստեղծագործություն[խմբագրել | խմբագրել կոդը]

Մի շարք կատակերգությունների, զավեշտախաղերի, օպերետների, դրամաների, ֆեերիաների (թատերական կամ կրկեսային) և երգերի հեղինակ է։ Մասնագետները պնդում են, որ նրան են պատկանում առնվազն 350 պիես և 300 երգ։

Հաճախ գրել է մի շարք հայտնի հեղինակների հետ համագործակցելով (Ադոլֆ Ֆիլիպ Դեների, Ալֆրեդ Դելակուր, Քսավյե դե Մոնտեպեն, Ժյուլ Նորյակ, Վիկտոր Կոնեն, Էրվե և ուրիշներ)։

Ընտրյալ աշխատանքներ[խմբագրել | խմբագրել կոդը]

  • 1843՝ Les Bohémiens de Paris (դրամա)
  • 1845՝ Constant-la-Girouette (կատակերգություն-վարիետե)
  • 1853՝ Les Sept Merveilles du monde (ֆեերիա)
  • 1853՝ Le Carnaval des Maris (կատակերգություն-վարիետե)
  • 1858՝ Le Punch Grassot (օպերետա)
  • 1860՝ La Sirène de Paris (դրամա)
  • 1860՝ La Pénélope à la mode de Caen (օպերետա)
  • 1860՝ Les Mémoires de Mimi-Bamboche (զավեշտախաղ)
  • 1861՝ La Mariée du Mardi-gras (օպերետա)
  • 1861՝ La Beauté du diable (օպերետա)
  • 1862՝ La Boîte au lait (օպերետա)
  • 1865՝ Un clou dans la serrure (կատակերգություն-վարիետե)
  • 1873՝ La Cocotte aux œufs d’or (ֆեերիա)
  • 1878՝ Coco de Clairville (օպերետա)
  • 1881՝ Les Deux Roses (պիես)

Ծանոթագրություններ[խմբագրել | խմբագրել կոդը]

  1. 1,0 1,1 1,2 1,3 1,4 1,5 data.bnf.fr: տվյալների բաց շտեմարան — 2011.
  2. 2,0 2,1 2,2 2,3 2,4 International Music Score Library Project — 2006.
  3. Acte n°314 (vue 11), registre des décès de 1887 pour le 9e arrondissement sur les sites des Archives numériseés de la Ville de Paris.

Արտաքին հղումներ[խմբագրել | խմբագրել կոդը]