Էդվարդ Մանուկյան (բալետմայստեր)

Անվան այլ կիրառումների համար տե՛ս՝ Էդվարդ Մանուկյան (այլ կիրառումներ)

Էդվարդ Մանուկյան
Ծնվել է	սեպտեմբերի 16, 1908(1908-09-16)
Ծննդավայր	Նոր Բայազետ, Նոր Բայազետի գավառ, Երևանի նահանգ, Կովկասի փոխարքայություն, Ռուսական կայսրություն
Մահացել է	օգոստոսի 28, 1993(1993-08-28) (84 տարեկան)
Մահվան վայր	Երևան, Հայաստան
Քաղաքացիություն	Ռուսական կայսրություն,  ԽՍՀՄ և  Հայաստան
Ազգություն	հայ
Մասնագիտություն	բալետմայստեր
Աշխատատու	Ալեքսանդր Սպենդիարյանի անվան օպերայի և բալետի ազգային ակադեմիական թատրոն, Հայաստանի երգի-պարի պետական անսամբլ, Հայաստանի պարի պետական անսամբլ և Հայֆիլհարմոնիա
Պարգևներ և մրցանակներ

Էդվարդ Վահանի Մանուկյան (սեպտեմբերի 16, 1908(1908-09-16), Նոր Բայազետ, Նոր Բայազետի գավառ, Երևանի նահանգ, Կովկասի փոխարքայություն, Ռուսական կայսրություն - օգոստոսի 28, 1993(1993-08-28), Երևան, Հայաստան), հայ բալետմայստեր։ ՀԽՍՀ ժողովրդական արտիստ (1965)։

Կենսագրություն

1926 թվականին ավարտել է Երևանի պարարվեստի ստուդիան։ 1927 թվականին եղել է նույն ստուդիայի բալետմայստեր, 1927-1932 թվականներին՝ Վահրամ Արիստակեսյանի Ազգագրական պարի անսամբլի, 1932-1938 թվականներին՝ Երևանի օպերայի և բալետի թատրոնի մենապարող, 1938-1958 թվականներին՝ Հայկական ժողովրդական երգի-պարի, 1958 -1966 թվականներին՝ Հայաստանի պարի անսամբլների, 1966-1968 թվականներին՝ Հայհամերգի գլխավոր բալետմայստեր, 1968 -1976 թվականներին՝ ժողովրդական ստեղծագործության տան, 1977 թվականից՝ ժողովրդական ստեղծագործության հանրապետական կենտրոնի պարարվեստի բաժնի վարիչ։

Բեմադրել է հայկական ազգային պարեր, որոնք ազգային պարի բեմականացման դասական նմուշներ են։

• «Քոչարի»
• «Ուզունդարա»
• «Տրնգի»
• «Նազելի»
• «Չեմ ու չեմ»

Մրցանակներ

• ՀԽՍՀ ժողովրդական արտիստ (1965)
• Երիտասարդության և ուսանողների համաշխարհային VI փառատոնի 1-ին մրցանակ (Մոսկվա, 1957)

Ծանոթագրություններ

Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից  (հ․ 7, էջ 254)։