Էդուարդ Բրենցենս

Վիքիպեդիայից՝ ազատ հանրագիտարանից
Jump to navigation Jump to search
Էդուարդ Բրենցենս
լատիշ․՝ Eduards Brencēns
БРЕНЦЕНС Эдуард2.jpg
Ծնվել էհուլիսի 2, 1885(1885-07-02)
ԾննդավայրRiga County, Լիֆլանդական գուբերնիա, Ռուսական կայսրություն
Վախճանվել էապրիլի 17, 1929(1929-04-17) (43 տարեկանում)
Մահվան վայրՌիգա, Լատվիա
ՔաղաքացիությունՌուսական կայսրություն
Flag of Latvia.svg Լատվիա
ԿրթությունՍանկտ Պետերբուրգի Շտիգլիցի անվան գեղարվեստաարդյունաբերական ակադեմիա
Մասնագիտություննկարիչ
ԺանրՎիտրաժ

Էդուարդ Բրենցենս (լատիշ․՝ Eduards Brencēns, հուլիսի 2, 1885(1885-07-02), Riga County, Լիֆլանդական գուբերնիա, Ռուսական կայսրություն - ապրիլի 17, 1929(1929-04-17), Ռիգա, Լատվիա), լատվիացի նկարիչ, գրաֆիկ, թատերական նկարիչ, պատկերազարդող, դիզայներ: Լատվիայի մասնագիտական բեմանկարչության հիմնադիրներից:

Կենսագրություն[խմբագրել | խմբագրել կոդը]

Էդուարդ Բրենցենսը ծնվել է գյուղացու ընտանիքում: Դպրոցն ավարտելուց հետո 1902 -1909 թվականներին (ընդհատումներով) Պետերբուրգի տեխնիկական նկարչության կենտրոնական դպրոցում (այժմ` Սանկտ Պետերբուրգի Շտիգլիցի անվան գեղարվեստաարդյունաբերական ակադեմիա) ուսանել է ապակու վիտրաժների աշխատանք: Ուսումն ավարտելուց հետո զարմիկի Կարլիս Բրենցենսի մոտ երկու տարի ուսումնասիրել է վիտրաժների արվեստ և ապակու գեղանկարչություն: Այնուհետև վերադարձել է Լատվիա: Սիրողական թատրոններում աշխատել է որպես դերասան և նկարիչ-բեմադրիչ:

Մասնակցել է Առաջին համաշխարհային պատերազմին: 1915 թվականին զորակոչվել է ռուսական բանակ, մասնակցել է մարտական գործողությունների, 1917 թվականին Գալիցիայում ծանր վիրավորում է ստացել: Առողջանալուց հետո զբաղվել է գեղանկարչությամբ, սկսել է աշխատել Վալմիերայի սիրողական լատիշական դրամատիկական թատրոնում: 1918-1919 թվականներին ակտիվորեն մասնակցել է Վալմիերա քաղաքի մշակութային կյանքին, աշխատել է ուսուցիչ (մինչև 1921 թվականը), դասախոսություններ է կարդացել կերպարվեստի վերաբերյալ, կազմակերպել է ցուցահանդեսներ, աշխատել է իր կողմից ստեղծված նկարիչների և գրողների միությունում: 1918 թվականին հիմնել է «Baltā vārna» («Սպիտակ ագռավ») նկարիչների միությունը:

1921 թվականին տեղափոխվել է Ռիգա, որտեղ աշխատել է նկարչության դպրոցական ուսուցիչ: Բրենցենսը եղել է Անկախ նկարիչների միության անդամ (1920 թվականից), մասնակցել է «Սադարբս» գեղարվեստական ընկերության ցուցահանդեսներին: Կյանքի վերջին տարիներին ապրել և դասավանդել է Մադոնա և Ցեսվայն քաղաքներում[1]:

Էդուարդ Բրենցենսը հեղինակ է բնանկարների, դիմանկարների, առասպելական և պատմական կոմպոզիցիաների և գրքային նկարազարդումների: Մեծ ներդրում ունի լատիշական սցենագրության զարգացման բնագավառում: Բրենցենսի կտավներին և նկարազարդումներին (մասնավորապես, «1905 թվականին») բնորոշ է դրամատիկական սիմվոլիկան և կերպարների արտահայտչականությունը:

Մահ[խմբագրել | խմբագրել կոդը]

Մահացել է Ռիգայում, որտեղ էլ թաղված է:

Պատկերասրահ[խմբագրել | խմբագրել կոդը]

Գրականություն[խմբագրել | խմբագրել կոդը]

  • Ilustrēts žurnāls - Rīga, 1926 - Nr. 4.
  • Māksla un arhitektūra biogrāfijās. Atb. red. A. Vilsons - Rīga, 1995 - 1. sēj.
  • Siliņš J. Latvijas māksla 1915-1940 - Stokholma, 1988 - 1. sēj.

Ծանոթագրություններ[խմբագրել | խմբագրել կոդը]

  1. Red. Romis Bēms. Latviešu tēlotāja māksla. 1860 -1940. Rīga:Zinātne, 1986.342.lpp

Արտաքին հղումներ[խմբագրել | խմբագրել կոդը]