Էդուարդ Բեյլերյան
Էդուարդ Բեյլերյան | |
---|---|
Ծնվել է | նոյեմբերի 14, 1948[1] (75 տարեկան) Երևան, Հայկական ԽՍՀ, ԽՍՀՄ |
Երկիր | Հայաստան |
Մասնագիտություն | կոմպոզիտոր և ջութակահար |
Աշխատավայր | Հայաստանի ազգային ռադիոյի էստրադային–սիմֆոնիկ նվագախումբ, Հայաստանի պետական սիմֆոնիկ նվագախումբ և Ալեքսանդր Սպենդիարյանի անվան օպերայի և բալետի ազգային ակադեմիական թատրոն |
Կրթություն | Երևանի Կոմիտասի անվան պետական կոնսերվատորիա |
Էդուարդ Հայկի Բեյլերյան (նոյեմբերի 14, 1948[1], Երևան, Հայկական ԽՍՀ, ԽՍՀՄ), հայ կոմպոզիտոր[2], ջութակահար։
Կենսագրություն[խմբագրել | խմբագրել կոդը]
Էդուարդ Բեյլերյանը ծնվել է Երևանում, 1948 թվականի նոյեմբերի 14-ին։
1971 թվականին ավարտել է Երևանի Կոմիտասի անվան պետական կոնսերվատորիայի ջութակի բաժինը՝ ուսուցիչ Արա Բոգդանյան։ 1983 թվականին երաժիշտն ավարտել է նույն կոնսերվատորիայի կոմպոզիցիայի բաժինը՝ ուսուցիչ Էդվարդ Միրզոյան։
1970-1975 թվականներին եղել է Հայաստանի ազգային ռադիոյի էստրադային–սիմֆոնիկ նվագախմբի, 1975-1980 թվականներին՝ Հայաստանի պետական սիմֆոնիկ նվագախմբի, 1980-2002 թվականներին և 2007 թվականից՝ Ա. Սպենդիարյանի անվան օպերայի և բալետի ազգային ակադեմիական թատրոնի նվագախմբի, 2002-2007 թվականներին, միաժամանակ՝ Լորիս Ճգնավորյանի կամերային նվագախմբի ջութակահար։
1971-1992 թվականներին զբաղեցրել է Երևանի № 8 երաժշտական դպրոցի լարային բաժնի ղեկավարի պաշտոնը։
Նվագախմբերի կազմում Էդուարդ Բեյլերյանը մասնակցել է փառատոների, հյուրախաղերով շրջագայել է շուրջ 30 երկրում։
Գրել է «Պիես՝ ֆագոտի և դաշնամուրի համար» (1972), լարային կվարտետներ («Պասսակալիա և ֆուգա», 1972, «Լարային կվարտետ», 1982) և փողային երկեր («Երկու պիես փողային կվարտետի համար», 1973), դաշնամուրուրային պրելյուդներ (1974), ստեղծագործություններ՝ ձայնի և դաշնամուրի համար («Դարձյալ…», 1975, «Մթությունը…», 1976), «Քարանձավում…» (ձայնի և գործիքների անսամբլի համար, 1977), «Պոլիֆոնիկ վարիացիաներ» (սիմֆոնիկ նվագախմբի համար, 1983), «Երեք պիես ալտի համար» (1984), «Երկու դուետ ջութակի և ալտի համար» (1986), «Պիես կամերային նվագախմբի համար» (1990), «Երկու պիես կամերային նվագախմբի համար» (2002), «Հայաստան» (2006, երգչախմբի և սիմֆոնիկ նվագախմբի համար), կինոերաժշտություն («Կվարտետ», 1987, «Արխիվային գործ», 1988, երկուսն էլ՝ Հայֆիլմ, «Խոյի համաստեղությունը», 1988, Մոսֆիլմ)։ Հեղինակ է նաև այլ աշխատությունների[3]։
Ծանոթագրություններ[խմբագրել | խմբագրել կոդը]
- ↑ 1,0 1,1 https://composers.am/?p=842
- ↑ Премьера телевизионного художественного фильма «Квартет»
- ↑ Հայ երաժշտության հանրագիտարան. Երևան: «Հայկական հանրագիտարան. հրատարակչություն»,. 2019. էջեր 124–125.
{{cite book}}
: Text "Գիտահրատարակչական խորհուրդ՝ Հ. Մ. Այվազյան (գլխ. խմբագիր) և ուրիշներ" ignored (օգնություն)CS1 սպաս․ հավելյալ կետադրություն (link)
Արտաքին հղումներ[խմբագրել | խմբագրել կոդը]
Այս հոդվածի կամ նրա բաժնի որոշակի հատված վերցված է «Հայ երաժշտության հանրագիտարանից», որի նյութերը թողարկված են՝ Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) թույլատրագրի ներքո։ |