Զանգվածային սպանություն Բիբրիևոյում
| Զանգվածային սպանություն Բիբրիևոյում | |
|---|---|
 | |
| Ամսաթիվ | դեկտեմբերի 9, 2011 |
| Սպանվածներ | 3 մարդ |
| Վիրավորներ | 9 |
Բիբիրևոյում զանգվածային սպանությունը տեղի է ունեցել 2011 թվականի դեկտեմբերի 9-ին։ Շատուրայի բնակիչ Ալեքսեյ Արբուզովը, որը զինված էր դանակով, 15 րոպե շարունակ մի շարք հարձակումներ է կատարել դեղատան աշխատակիցների և անցորդների վրա։ Ոստիկանության աշխատակիցների կողմից ձերբակալվելուց առաջ նա հասցրել է վիրավորել 12 մարդու, որոնցից 3-ն ավելի ուշ մահացել են[1][2][3][4][5]։
Հարձակում
[խմբագրել | խմբագրել կոդը]
2011 թվականի դեկտեմբեր 9–ին Մոսկվայի ժամանակով ժամը 12:45 մերձմոսկովյան Շատուրայի բնակիչ Արբուզով Ալեքսեյ Վլադիմիրովիչը, ծնված 1984 թվականին, մտել է Կորնեյչուկի փողոցում գտնվող դեղատներից մեկը (№40 շենքում)։ Նա խնդրել է իրեն վաճառել դեղատոմսով բաց թողնվող ուժեղ ներգործող դեղամիջոցներ։ Քննության տվյալներով՝ հիվանդանոցում Արբուզովի համար դուրս գրված դեղատոմսի վրա բացակայել է կնիքը։ Դեղատան վաճառողների հետ հակամարտության ընթացքում, որոնք հրաժարվել են սպասարկել Արբուզովին, նա կտրուկ հանել է դանակը և մի քանի վնասվածք հասցրել վաճառողին և դեղատան այցելուներին։ Այնուհետև հանցագործը դուրս է եկել փողոց և շարժվել դեպի իր տուն, ճանապարհին դանակի հարվածներ հասցնելով անցորդներին, հիմնականում տարեցներին (55-80 տարեկան)։ Շուտով ոստիկանություն ահազանգ է ստացվել պատահարի մասին, և դեպքի վայր են ժամանել ՆԳՆ աշխատակիցները։ Արբուզովն այդ ժամանակ արդեն թաքնվել էր մուտքում, որտեղ մոր հետ ապրում էր բնակելի տարածքի վերածած էլեկտրավահանակային սենյակում։ Ոստիկանության աշխատակիցները արցունքաբեր գազ են նետել բնակարան և ձերբակալել հանցագործին։ Հարձակումների հետևանքով տուժել է 12 մարդ, որոնցից երկուսը՝ Ալեքսանդրա Պոտեխինը, ով 80 տարեկան էր, պարանոցի թափանցող վնասվածք էր ստացել, և Մարիա Գլեբովան, ով 75 տարեկան էր, մի քանի վնասվածք է ստացել, մահացել են հիվանդանոցում։ Ավելի ուշ Սկլիֆոսովսկու անվան գիտահետազոտական ինստիտուտում մահացել է Ա.Պոտեխինայի ամուսինը՝ Իվան Պոտեխինը։
Ինչպես պնդում են ականատեսները, Արբուզովը «կատաղած աչքեր» ուներ, նա մռնչում էր, մռնչում ու վնասում իր ճանապարհին հանդիպած բոլոր մարդկանց։ Հանցագործության գործիքը հուշանվերային դանակն էր, ընդ որում Արբուզովը երկար ժամանակ կոշիկներով հատուկ պատյան էր կարել և միշտ իր կոշիկի մեջ էր դա կրում։ Ձերբակալվածը չի կարողացել բացատրել իր գործողությունների պատճառը։ Արբուզովի նկատմամբ քրեական գործ է հարուցվել «սպանության փորձ» և «խուլիգանություն» հոդվածներով[6]։
Մարդասպանի ինքնություն
[խմբագրել | խմբագրել կոդը]Արբուզով Ալեքսեյ Վլադիմիրովիչ, ծնված 1984 թվականին, ծնունդով Ներյունգրի քաղաքում։ Արբուզովները տեղափոխվել են Մոսկովյան մարզ այն բանից հետո, երբ Ներիյունգրիում իրենց տունն այրվել է։ Սկզբում ընտանիքն ապրում էր Շատուրայում, իսկ հետո կասկածյալի մայրը բնակարան է ստացել Մոսկվայում (նրանց բնակեցրել են էլեկտրավահանակային սենյակում)։ Ալեքսեյ Արբուզովը եղբայր ուներ, որը ժամանակին երգում էր հայտնի երգչախմբում։ Հետո երաժիշտը տեղափոխվեց կազակական խումբ, իսկ որոշ ժամանակ անց մահացավ չպարզված հանգամանքներում[7]։ 16 տարեկանում Արբուզովը գանգուղեղային ծանր վնասվածք է ստացել. ծեծկռտուքի ժամանակ նրա գլխին մի շիշ շամպայն են կոտրել։ Սակայն ագրեսիայի հարձակումները և վարքի փոփոխությունները դրսևորվեցին մոտոցիկլից ընկնելուց հետո։ Ալեքսեյի քույրը՝ Յուլիան, պատմում է, որ նա բազմիցս ծեծել է իր մորը, որի պատճառով հաշվառվել է հոգեբուժական դիսպանսերում։ Մարդասպանի հարևանների խոսքով՝ Արբուզովը ոչ մի տեղ չի աշխատել, վարել է փակ կենսակերպ, բայց միաժամանակ եղել է «դրական, շփվող մարդ»։ Հոգեբանները ենթադրում են, որ նման անմիտ ագրեսիան ծանր հոգեկան խանգարման հետևանք է։ Դրա հիմքում ընկած է այն պատրանքը, որ քեզ շրջապատում են թշնամիներ, և վտանգավոր թշնամիներ, որոնցից պետք է պաշտպանվել։ Այս հոգեկան խանգարում կոչվում է պարանոյա։ Ինչ-որ պահի, օրինակ՝ փակ տարածքում, հիվանդը զգում է, որ թշնամիները շրջապատել են նրան և այժմ հարձակվելու են։ Այնուհետև ագրեսիայի ձգումն անջատվում է։ Հիվանդը անկեղծորեն վախենում է ուրիշներից, ուստի «պաշտպանում է»։
Արդյունք
[խմբագրել | խմբագրել կոդը]Հոգեբանական և հոգեբուժական փորձաքննությամբ հաստատվել է, որ Արբուզովը տառապում էր ծանր հոգեկան խանգարումով` պարանոիդ շիզոֆրենիայի տեսքով, չէր գիտակցում իր գործողությունների իրական բնությունն ու սոցիալական վտանգը, և հանցագործության պահին ինքը իրեն հաշիվ չի տվել իր արարքների մասին։ 2012 թվականի հոկտեմբերի 2-ին, Մոսկվայի քաղաքային դատարանի որոշմամբ, Արբուզովը ճանաչվել է անմեղսունակ և հարկադիր բուժման ուղարկվել մասնագիտացված տիպի հոգեբուժարան` ինտենսիվ հսկողության ներքո[1][8]։
Զոհեր և վիրավորներ
[խմբագրել | խմբագրել կոդը]Արբուզովի հարձակման ընթացքում, ընդհանուր առմամբ, վիրավորվել է 12 մարդ։ 75-ամյա Մարիա Գլեբովան և 80-ամյա Ալեքսանդրա Պոտեխինան մահացել են հիվանդանոցում, մեջքի վնասվածք ստացած վերջինիս ամուսինը՝ Իվան Պոտեխինը, ում առողջությունը բժիշկների մոտ լուրջ մտավախություններ չի առաջացրել, մահացել է դեկտեմբերի 18-ին[5]։ 30-ից մինչև 70 տարեկան 6 կին, ինչպես նաև երկու տղամարդ տարբեր աստիճանի վնասվածքներ են ստացել, ևս մեկ տուժող լքել է դեպքի վայրը մինչև բժիշկների և իրավապահ մարմինների աշխատակիցների ժամանումը[3][4]։
Ծանոթագրություններ
[խմբագրել | խմբագրել կոդը]- ↑ 1,0 1,1 Егоров И. Мясник из Бибирево(ռուս.) // Российская газета.. —М. — № 5901 (228; 4 октября 2012).
- ↑ Елена Белова (2011 թ․ դեկտեմբերի 9). «Кровавый триллер на улице Корнейчука». Газета.Ru. Վերցված է 2015 թ․ հոկտեմբերի 11-ին.
- ↑ 3,0 3,1 «Скончалась вторая из 12 потерпевших от ножа маньяка». Известия. 2011 թ․ դեկտեմբերի 9. Վերցված է 2015 թ․ հոկտեմբերի 11-ին.
- ↑ 4,0 4,1 «Скончалась одна из жертв массовой резни в Москве». LifeNews. 2011 թ․ դեկտեմբերի 9. Վերցված է 2015 թ․ հոկտեմբերի 11-ին.
- ↑ 5,0 5,1 «Умерла третья жертва массовой резни в Москве». LifeNews. 2011 թ․ դեկտեմբերի 18. Վերցված է 2015 թ․ հոկտեմբերի 11-ին.
- ↑ «Острый ножевой психоз: на севере Москвы пациент психдиспансера напал на пенсионеров». Lenta.ru. 2011 թ․ դեկտեմբերի 10. Վերցված է 2015 թ․ հոկտեմբերի 11-ին.
- ↑ Наркоман устроил резню в столице(ռուս.) // Московский комсомолец : газета. —М. — № 25819 (10 декабря 2011).
- ↑ ««Бибиревского мясника» отправили на принудительное лечение». NEWSru.com. 3 октября 2012. Վերցված է 2013 թ․ դեկտեմբերի 4-ին.