Երևանի «Սևանի» արտադրական միավորում

Երևանի «Սևանի» արտադրական միավորում, խորհրդային շրջանի սարքաշինության, ավտոմատացման միջոցների կառավարման համակարգերի ձեռնարկությունների համախումբ Հայաստանի մայրաքաղաք Երևանում (հայտնի նաև «ժամացույցի գործարան» անվամբ)։

Ստեղծվել է 1976 թվականին։ Ներառել է Երևանի ժամացույցի (երկու մասնաճյուղով՝ Թալինի շրջանի [այժմ՝ Արագածոտնի մարզ] Մաստարա, Անիի շրջանի [այժմ՝ Շիրակի մարզ] Սառնաղբյուր գյուղերում) և Երևանի գեղարվեստական ժամացույցների գործարանները։ Երևանի ժամացույցի գործարանը հիմնադրվել է 1943 թվականին։ Ունեցել է մամլման, ավտոմատ գալվանապատման, մեխանիկական, հավաքման և այլ արտադրամասեր։ Թողարկել է ձևավոր զարթուցիչներ և էլեկտրոնային մեխանիկական ժամացույցներ։ 1945 թվականին արտադրվել է 13,6 հազար, 1975 թվականին՝ 4 միլիոն 105 հազար ժամացույց։

Արտադրանքն իրացվել է խորհրդային Հայաստանում (մոտ 4,2 հազար հասցեով), առաքվել աշխարհի 63 երկիր (Արևմտյան Գերմանիա, Անգլիա, Ֆրանսիա, Կուբա, Արևելյան Գերմանիա, Չեխոսլովակիա, Հունգարիա և այլուր)։ 1954 թվականից գործարանի արտադրանքը ներկայացվել է միութենական և միջազգային ցուցահանդեսների ն տոնավաճառների (ՀՍՀ ԺՏՆՑ, Զագրեբ, Լայպցիգ, Վարշավա, Տոկիո, Մոնրեալ, Կահիրե)։ Սոցիալիստական աշխատանքի հերոս Մ. Ավետիսյանի ստեղծած ժամացույցի վռաններ արտադրող հաստոցը բարձր արտադրողականության համար (նախկինի համեմատությամբ 16 անգամ ավել) ՀՍՍՀ ԺՏՆՑ-ում շահել է արծաթե, իսկ գլխավոր կոնստրուկտոր Զ. Դալլաքյանի և ինժեներ Լ. Աբրահամյանի ձևավորած ժամացույցները՝ բրոնզե մեդալ։ Ձեռք բերած բարձր ցուցանիշների համար ՀՍՍՀ շքանշաններով և մեդալներով պարգևատրվել է շուրջ 260 մարդ։

Մաստարայի մասնաճյուղը հիմնադրվել է 1968 թվականին։ Հիմնադրման տարիներին համապատասխանաբար արտադրվել է 81,2 և 276,6, իսկ 1975 թվականին՝ 947,6 7 628,1 հազար ժամացույց։

Արտաքին հղումներ

• Վերածնվող ժամանակը լքված գործարանում

Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից  (հ․ 3, էջ 579)։