Երվանդ Թոլայան

Վիքիպեդիայում կան հոդվածներ Թոլայան ազգանունով այլ մարդկանց մասին։

Երվանդ Թոլայան
Ծնվել է	օգոստոսի 29, 1883(1883-08-29)
Ծննդավայր	Բեյօղլու, Կոստանդնուպոլիս, Օսմանյան կայսրություն
Մահացել է	սեպտեմբերի 18, 1937(1937-09-18) (54 տարեկան)
Մահվան վայր	Հայկական ԽՍՀ, ԽՍՀՄ
Քաղաքացիություն	Օսմանյան կայսրություն,  Թուրքիա և  ԽՍՀՄ
Ազգություն	հայ
Մասնագիտություն	խմբագիր, սյունակագիր, երգիծաբան, թատրոնի դերասան, գրող, լրագրող, դերասան և խմբագիր
Աշխատավայր	Կավռօշ
Ծնողներ	հայր՝ Հովհաննես Թոլայան

Երվանդ (Ֆրանսուա) Հովհաննեսի Թոլայան, Կավռոշ (օգոստոսի 29, 1883(1883-08-29), Բեյօղլու, Կոստանդնուպոլիս, Օսմանյան կայսրություն - սեպտեմբերի 18, 1937(1937-09-18), Հայկական ԽՍՀ, ԽՍՀՄ), հայ երգիծաբան, խմբագիր, դերասան։

Կենսագրություն

Ծնվել է Կոստանդնուպոլիսում, խմբագիր, թարգմանիչ Հովհաննես Թոլայանի ընտանիքում։ Կրթությունն ստացել է ծննդավայրի Սուրբ Գրիգոր Լուսավորիչ ուսումնարանում։ Դարասկզբից պոլսահայ մամուլում («Ծաղիկ», «Լույս» և այլն), տպագրել է երգիծական երկեր, գերազանցապես կենցաղային հարցեր շոշափող։ Օսմանյան սահմանադրության հռչակումից հետո Կ. Պոլսում հրատարակել է «Կավռոշ» երգիծական պարբերականը։ Խմբագրել է «Կավռոշ» (1908-1936), «Կատակ» (1913-1914), «Հոս-հոս» (1913) պարբերականները։

Մեծ եղեռնի տարիներին ընդհատել է այն, այնուհետև վերահրատարակել է մինչև 1925 թ.՝ Պոլիսում, ապա՝ 1926 թվականին տեղափոխվել է Փարիզ, որտեղ շարունակել է խմբագրական-հրատարակչական աշխատանքը։ «Կավռոշ» երգիծաթերթին զուգընթաց հրատարակել է տարեցույցներ։

Դերասանական գործունեությունը սկսել է դարասկզբին՝ Մ. Մնակյանի թատերախմբում։ 1918-1922 թթ. խաղացել է Կոստանդնուպոլսի, 1926-1936 թթ.՝ Փարիզի հայկական թատրոնների ներկայացումներում։

1932 թ. եկել է Երևան, գրել իր ընդարձակ հիշողությունները, որոնք պահպանվում են Հայաստանի գրականության և արվեստի թանգարանում։ Գրել է «Կավռոշնամե» հուշերի գիրքը՝ պոլսահայ գրական-թատերական կյանքի անցուդարձի վերաբերյալ։

1937 թվականին անհիմն բռնադատվել և գնդակահարվել է, հետմահու արդարացվել։

Արտաքին հղումներ

• Երվանդ Թոլայանը zarkfoundation.com կայքում

Վիքիպահեստն ունի նյութեր, որոնք վերաբերում են «Երվանդ Թոլայան» հոդվածին։