Jump to content

Երիտասարդ Վիկտորյան

Վիքիպեդիայից՝ ազատ հանրագիտարանից
Երիտասարդ Վիկտորյան
անգլ.՝ The Young Victoria
Երկիր Միացյալ Թագավորություն
 ԱՄՆ
Ժանրկենսագրական ֆիլմ, ֆիլմ անչափահասների համար, դրամա և ռոմանտիկ ֆիլմ
ԹեմաՎիկտորյա թագուհի
Թվականմարտի 6, 2009, մարտի 4, 2010[1] և ապրիլի 22, 2010[2]
Լեզուանգլերեն և գերմաներեն
ՌեժիսորԺան Մարկ Վալլե[3][4][5][…]
ՊրոդյուսերՄարտին Սկորսեզե, Գրեհեմ Քինգ և Սարա
Սցենարի հեղինակՋուլիան Ֆելոուզ
ԴերակատարներԷմիլի Բլանտ[6][3][5][…], Ռուփերթ Ֆրենդ[6][3][5][…], Միրանդա Ռիչարդսոն[7], Ջիմ Բրոուդբենթ[7], Փոլ Բեթանի[6][3][5][…], Մարկ Սթրոնգ[3][5][7], Թոմաս Կրեչման[7][8], Ջուլիան Գլովեր[7], Մայքլ Մելոունի[7], Ռեյչել Ստիրլինգ[7], Յորքի արքայադուստր Բեատրիս, Դևիդ Ռոբ[7], Ժենևիև Օ'Ռեյլի[7], Հարիեթ Ուոլթեր[7], Ժանետ Հայն[7], Եսպեր Քրիստենսեն[7], Ջոզեֆ Ալթին[7], Միխիլ Հեյսման[7] և Մորվեն Քրիստի[9]
ՕպերատորՀեգեն Բոգդանսկի
ԵրաժշտությունԻլան Էշքերի
ՄոնտաժՋիլ Բիլքոք
Պատմվածքի վայրԼոնդոն և Շոտլանդիա
ԿինոընկերությունGK Films
Տևողություն105 րոպե
Բյուջե35 000 000 $
Շահույթ27 409 889 $
 The Young Victoria Վիքիպահեստում

«Երիտասարդ Վիկտորյան» (անգլ.՝ «The Young Victoria»), ռեժիսոր Ժան Մարկ Վալլեի կենսագրական ֆիլմը, որը պատմում է Մեծ Բրիտանիայի թագուհի Վիկտորյայի մանկության տարիների և Ալբերտ Սաքսեն Կոբուրգ Գոթացու հետ ամուսնության մասին։ Ֆիլմի կարգախոսն է. «Նա կառավարել է միլիոններին, սակայն նրա սիրտը պատկանել է միակ տղամարդուն»։ Ֆիլմը համաշխարհային վարձույթի է հանվել 2009 թվականի փետրվարի 5-ին Գերմանիայում[10]։

Դիպաշար

[խմբագրել | խմբագրել կոդը]

Դեռևս շատ երիտասարդ արքայադուստր Վիկտորյան գտնվում է արքունական ինտրիգների կենտրոնում. Ջոն Կոնրոյը փորձում է գահին հասնել աղջկա մոր վրա ազդելու ճանապարհով, ինչի պատճառով ծնողի հետ հարաբերությունը վատթարանում է։

Վիկտորյայի հորեղբայրը՝ Բելգիայի թագավոր Լեոպոլդ I-ը ևս մտադիր էր օգտագործել իր ազդեցությունն ազգականուհու վրա։ Դրա համար նա ուղարկում է իր ազգական Ալբերտին Մառախլապատ Ալբիոն, որպեսզի նա նվաճի արքայադստեր վստահությունը։ Անգլիա ժամանելուն պես երիտասարդները կապվում են իրար հետ՝ չնայած, որ Վիկտորյան գիտեր Ալբերտի «նպատակի» մասին։

Մոր (որը Կոնրոյի կողմից էր) և դստեր միջև հարաբերությունները սրված վիճակի են հասնում։ Վիկտորյային պահում են բանտարկյալի նման, խստորեն սահմանափակում են նրա տեղաշարժը։ Սակայն գործերի նման իրադրությունը չէր կարող բավարարել արքայադստերը, որը գիտակցում է իր իրական նպատակը և մտնում գահի համար մղվող պայքարի մեջ։

Դերասանական կազմ

[խմբագրել | խմբագրել կոդը]
 Դերասան   Կերպար 
Էմիլի ԲլանտՎիկտորյա թագուհի
Ռուփերթ Ֆրենդարքայազն Ալբերտ
Փոլ Բեթանիլորդ Մելբուռն
Միրանդա ՌիչարդսոնՔենթի դքսուհի
Ջիմ ԲրոդբենտՎիլհելմ IV
Թոմաս ԿրեչմանԼեոպոլդ I
Մարկ Ստրոնգսըր Ջոն Կոնրոյ
Ջեսպեր Քրիստենսենբարոն Սթոքմար
Հարիեթ ՈւոլթերԱդելաիդա թագուհի
Ժանետ Հայնբարոնուհի Լուիզա Լեցեն
Ջուլիան ԳլովերՎելինգթոնի դուքս
Մայքլ Մելոնիսըր Ռոբերտ Պիլ
Միխիլ ՀեյսմանԷռնստ
Ժենեվև Օ՛Ռեյլիլեդի Ֆլորա Հասթինգս
Ռեյչել ՍթիրլինգՍազերլենդի դքսուհի
Մորվեն ՔրիստիՈւոթսոն

Լրացուցիչ տեղեկություններ

[խմբագրել | խմբագրել կոդը]
  • Էմիլի Բլանտի շքեղ զգեստներից յուրաքանչյուրն ապահովագրված էր տասը հազար բրիտանական ֆունտով։
  • Պրոդյուսեր Սառա Ֆերգյուսոնի դուստրը՝ Յորքի արքայադուստր Բեատրիսը, փոքրիկ դեր է ստացել ֆիլմում՝ որպես թագուհու շքախմբի պալատական ազնվական օրիորդ։ Իրականում Վիկտորյա թագուհին Բեատրիսի նախանախանախատատն է։
  • Ներսում կատարված բազմաթիվ տեսարաններ նկարահանվել են Լեսթերշիրի Բելվուար դղյակում։ Մահճակալը, որի վրա քնում են նորապսակներ Վիկտորյան և Ալբերտը մեղրամսի ժամանակ, շատ տարիներ առաջ ծառայել էր Վիկտորյա թագուհուն, որը 1843 թվականին իջևանել էր այդ դղյակում։ Ննջարանն այնքան փոքր էր, որ նկարահանման սարքավորումները ստիպված էին տեղավորել և տեղադրել լուսամուտներին։
  • Ծովային տեսարանները նկարահանվել են վերոնշյալ Բելվուարում՝ չնայած այն բանին, որ այն ծովափից ավելի քան 100 կիլոմետր հեռավորության վրա է գտնվում։ Առափնյա ավազն իրականում դղյակի պատշգամբում է լցված, իսկ շրջապատի պատերը փոխարինվել են ծովով համակարգչային գրաֆիկայի օգնությամբ։
  • Կանացի ազատ կապորը (կանացի գլխարկ), որը կրում է Վիկտորյան այգում, մինչև այդ եղել է «Հպարտություն և նախապաշարմունք» (2005), «Նորթենգերյան աբբայություն» (2007) и «Ջեյն Օսթին» (2007) ֆիլմերի հագուստի պարագաներից մեկը։
  • Շրջազգեստը, որը ֆիլմում կրում է Վիկտորյա թագուհին խորհրդի հետ առաջին հանդիպման ժամանակ, իրենից ներկայացնում է այդ պահին կրված իրական զգեստի ճշգրիտ կրկնօրինակը։ Իրական շրջազգեստը պահպանվել է մինչև մեր օրերը բրիտանական թանգարանային հավաքածուում, սակայն սկզբնական սև գույնը տարիների հետ գունաթափվել է՝ դառնալով շագանակագույն։

Ծանոթագրություններ

[խմբագրել | խմբագրել կոդը]
  1. ↑ http://nmhh.hu/dokumentum/158992/2010_filmbemutatok_osszes.xlsx
  2. ↑ http://www.kinokalender.com/film7590_young-victoria.html
  3. 1 2 3 4 5 http://www.adorocinema.com/filmes/filme-126288/
  4. ↑ http://www.imdb.com/title/tt0962736/
  5. 1 2 3 4 5 http://www.allocine.fr/film/fichefilm_gen_cfilm=126288.html
  6. 1 2 3 http://www.metacritic.com/movie/the-young-victoria
  7. 1 2 3 4 5 6 7 8 9 10 11 12 13 14 http://www.imdb.com/title/tt0962736/fullcredits
  8. ↑ http://stopklatka.pl/film/mloda-wiktoria
  9. ↑ ČSFD (չեխերեն) — 2001.
  10. ↑ Elley, Derek (2009 թ․ փետրվարի 5). «The Young Victoria Movie Review From The Berlin Film Festival». Variety. Արխիվացված է օրիգինալից 2010 թ․ օգոստոսի 25-ին. Վերցված է 2011 թ․ հուլիսի 1-ին.

Արտաքին հղումներ

[խմբագրել | խմբագրել կոդը]
Վիքիպահեստն ունի նյութեր, որոնք վերաբերում են «Երիտասարդ Վիկտորյան» հոդվածին։
Ստացված է «https://hy.wikipedia.org/w/index.php?title=Երիտասարդ_Վիկտորյան&oldid=9710286» էջից