Երանուհի Շահբազյան

Վիքիպեդիայից՝ ազատ հանրագիտարանից
Jump to navigation Jump to search
Երանուհի Շահբազյան
Ծնվել է19-րդ դար
ԾննդավայրՆոր Նախիջևան
Մահացել է1920-ականներ
Ազգությունհայ
Մասնագիտությունմշակութային գործիչ և դերասանուհի

Երանուհի (Օլգա) Շահբազյան (ծննդյան թիվն անհայտ է, Նոր Նախիջևան, Ռուսաստան - 1920-ական թվականների կեսեր), թատերական և մշակութային գործիչ։

Կենսագրություն[խմբագրել | խմբագրել կոդը]

Երանուհի (Օլգա) Շահբազյանը ծնվել է Նոր Նախիջևան քաղաքում (այժմ՝ Դոնի Ռոստովի Պրոլետարսկի շրջանի կազմում), որտեղ ստացել է ռուսական և հայկական կրթություն։

1870-ական թվականների սկզբներից զգալի դերակատարում է ունեցել ծննդավայրի մշակութային կյանքում։ 1870-1871 թվականների թատերաշրջանում Շահբազյանը մասնակցել է դերասան, թատերական գործիչ Թովմաս Ֆասուլաճյանի ներկայացումներին, որոնց շնորհիվ մտերմական կապ է հաստատել դերասան Պետրոս Ադամյանի հետ։ Դրանից հետո նրանք ունեցել են երկարատև նամակագրական կապ, Շահբազյանն Ադամյանին օգնել է խորհուրդներով։

Երանուհի Շահբազյանը եղել է Նոր Նախիջևանի կրթական, մշակութային, հատկապես՝ թատերական, կյանքի նշանավոր դեմքերից։ Համայնքը նրան համարել է «պատվո տիկին»։ Շահբազյանի շնորհիվ պահպանվել են Պետրոս Ադամյանի բազմաթիվ նամակների բնագրերը։ Այդ նամակները հետագայում Երվանդ Շահազիզի ջանքերով բերվել են Հայաստան և պահ տրվել Եղիշե Չարենցի անվան գրականության և արվեստի թանգարանում։ Դրանք տպագրվել են նաև «Պ. Ադամյանի նամականի ժողովածուում» (Երևան, 1959)։

Երանուհի Շահբազյանը վախճանվել է խոր ծերությունում՝ 1920-ական թվականների կեսերին։

Աղբյուրներ[խմբագրել | խմբագրել կոդը]

  • Գառնիկ Ստեփանյան (1990)։ Կենսագրական բառարան (հայ մշակույթի գործիչներ)։ Հատոր 3, գիրք 1։ Մել - Ռ։ Երևան, «Խորհրդային գրող»։ էջ 320։ ISBN 5-550-00265-5 

Արտաքին հղումներ[խմբագրել | խմբագրել կոդը]