Եվրոպայի կամուրջ (Բրեններ լեռնանցք)

Վիքիպեդիայից՝ ազատ հանրագիտարանից
Jump to navigation Jump to search
Picto infobox bridge1.png
Եվրոպայի կամուրջ
Europabruecke von osten detail.jpg
ԱնունովԵվրոպա
ԵրկիրFlag of Austria.svg Ավստրիա[1]
ՏեղանքSchönberg im Stubaital?[1]
Տեսակհեծանային կամուրջ, պողպատե կամուրջ, ճանապարհային կամուրջ և մշակութային արժեք[1]
Հատում էWipp Valley?
Երկարություն777 մետր
Լայնություն24,6 մետր
Բացման տարեթիվ1964
Ժառանգության կարգավիճակԱվստրիայի ճարտարապետական ժառանգության օբյեկտ[1]
Կոորդինատներ: 47°12′7.9992000999964″ հս․ լ. 11°24′6.9984001000011″ ավ. ե. / 47.202222000027774129° հս․. լ. 11.401944000027778969° ավ. ե. / 47.202222000027774129; 11.401944000027778969

Եվրոպայի կամուրջ կամ «Եվրոպա» կամուրջ (Europabrücke), 777 մետր երկարություն ունեցող կամուրջ Ավստրիայի Տիրոլ երկրամասում, Ինսբրուք քաղաքից հարավ, Վիփ հովտում: Կամուրջն իրար է կապում Սիլլ գետի երկու ափերը, դառնում Ալպյան լեռներով ձգվող Բրեններ A13 ավտոմայրուղու և եվրոպական E45 երթուղու կարևորագույն հատվածներից մեկը: Այդպիսով՝ կամուրջը հանդիսանում է Ավստրիան իտալական Հարավային Տիրոլին և Հարավարևելյան Գերմանիան Հյուսիսային Իտալիային կապող գլխավոր մայրուղու կարևորագույն մասը:

Հակիրճ տեղեկատվություն[խմբագրել | խմբագրել կոդը]

«Եվրոպայի կամրջի» սյուների միջև ամենամեծ թռիչքը 198 մետր երկարություն ունի: Կամրջի վրա ստեղծվել են անհրաժեշտ հարմարություններ՝192 մետր բարձրությունից էլաստիկ պարանով ներքև ցատկելու՝ Bungee jumping-ի համար. այս առումով «Եվրոպան» աշխարհում նման կարգի հինգերորդ բարձր օբյեկտն է[2]:

Կամրջի երթևեկելի մասը, որ կազմված է երկաթբետոնե հեծաններից (ի դեպ, շինարարության ժամանակ օգտագործվել է 70 հազար խորանարդ մետր բետոն), հենվում է հինգ սյուների վրա, որոնցից ամենաբարձրը 146,5 մետր բարձրություն ունի: 1984 թվականին իրականացված վերակառուցողական աշխատանքներից հետո կամրջի լայնությունը հասցվել է 24,6 մետրի: Երկու կողմերով ավտոմեքենաները կարող են երթևեկել երեքական շարքով:

Կամրջի շինարարության ընթացքում զոհվել է քսաներկու շինարար, ընդ որում՝ պաշտոնական տվյալներով՝ նրանցից մեկը, իսկ ըստ տարածված խոսակցությունների՝ երեքը, խեղդվել են հենասյուներից մեկի դեռ չպնդացած բետոնի մեջ ու այդպես մնացել թաղված: Ի հիշատակ շինարարության և զոհերի՝ մոտակա ավտոկայանատեղիից վեր՝ ժայռի վրա կառուցվել է արդիական ոճով մի մատուռ, իսկ դրանից մի փոքր ցած դիտահարթակ է պատրաստվել:

Ռեկորդ[խմբագրել | խմբագրել կոդը]

«Եվրոպայի կամուրջը» կառուցվել է 1959-ից 1963 թվականներին և մեկ տասնամյակից ավելի համարվել է Եվրոպայի ամենաբարձր կամուրջը (բարձրությունը 190 մետր է)՝ գերազանցելով նույնիսկ շվեյցարական Gueuroz-ին: Բայց 1974 թվականին շահագործման հանձնված Italia Viaduct-ը նրանից վերցրել է առաջատարի տիտղոսը:

Գրականություն[խմբագրել | խմբագրել կոդը]

• Der Große ADAC Alpenführer- 1992.ADAC Verlag GmbH, München. ISBN 3-87003-470-X

Baedecker. Italien. Verlag Karl Baedeker.2002. ISBN 3-8297-1091-7

Ծանոթագրություններ[խմբագրել | խմբագրել կոդը]

Արտաքին հղումներ[խմբագրել | խմբագրել կոդը]

Պատկերասրահ[խմբագրել | խմբագրել կոդը]