Ելենա Ստեպանենկո

Վիքիպեդիայից՝ ազատ հանրագիտարանից
Jump to navigation Jump to search
Ելենա Ստեպանենկո
ռուս.՝ Елена Григорьевна Степаненко
Ծնվել էապրիլի 8, 1953(1953-04-08)[1] (68 տարեկան)
ԾննդավայրՎոլգոգրադ, ՌԽՖՍՀ, ԽՍՀՄ
ԿրթությունՌուսաստանի թատերական արվեստի համալսարան
ՔաղաքացիությունFlag of the Soviet Union.svg ԽՍՀՄ և Flag of Russia.svg Ռուսաստան
Մասնագիտությունստենդ ափ երգիծաբան, դերասանուհի, հաղորդավար, երգչուհի, բանաստեղծուհի, գրող, երգիծաբան, հեռուստահաղորդավարուհի և նմանակող
Ամուսին(ներ)Եվգենի Պետրոսյան
Պարգևներ և մրցանակներՌուսաստանի Դաշնության վաստակավոր արտիստ Բարեկամության շքանշան և ԽՍՀՄ սպորտի վարպետ

Ելենա Գրիգորևնա Ստեպանենկո (ռուս.՝ Еле́на Григо́рьевна Степане́нко, ապրիլի 8, 1953(1953-04-08)[1], Վոլգոգրադ, ՌԽՖՍՀ, ԽՍՀՄ), էստրադայի խորհրդային և ռուս արտիստ, դերսանուհի, հումորիստ, հեռուստահաղորդավարուհի, ծաղրանմանակող, երգչուհի։ Ռուսաստանի Դաշնության վաստակավոր արտիստ (1995)[2]։ Հումորիստ, հեռուստահաղորդավար, ՌՍՖՍՀ ժողովրդական արտիստ Եվգենի Պետրոսյանի նախկին կինը[3][4][5]։

Կենսագրություն[խմբագրել | խմբագրել կոդը]

Ելենա Ստեպանենկոն ծնվել է 1953 թվականի ապրիլի 8-ին Ստալինգրադում (ներկայում՝ Վոլգոգրադ)։ Հայրը՝ Գրիգորի Ստեպանենկոն, փոխել է մի քանի մասնագիտություն. աշխատել է որպես խոհարար ռեստորանում, ինչպես նաև աշխատել է քիմիական գործարանում։ Մայրը՝ Իրինա Ստեպանենկոն, եղել է վարսահարդար։ Ավագ եղբայրը՝ Բորիս Ստեպանենկոն (թաղված է հին Տարուսյան գերեզմանատանը) եղել է «Тарусамежрайгаз»-ի՝ Տարուսայի մասնաճյուղի տնօրենը[6][7][8]։

Դպրոցում սովորելու տարիներին Ելենա Ստեպանենկոն զբաղվել է լողով, ստացել ԽՍՀՄ սպորտի վարպետի պատվավոր կոչում[9]։

1970 թվականին Վոլգոգրադի № 67 հանրակրթական դպրոցն ավարտելուց հետո մեկ տարի սովորել է Վոլգոգրադի արվեստի ուսումնարանում[8]։

1971 թվականին տեղափոխվել է Մոսկվա և ընդունվել Ռուսաստանի թատերական արվեստի համալսարանի երաժշտական ժանրերի դերասանական վարպետության ֆակուլտետ[8]։

1979 թվականին դարձել է Մոսկվայի էստրադայի թատրոնի դերասանուհի, որտեղ կատարել է դերեր մի քանի ներկայացումներում, ծաղրանմանակել հայտնի դերասանների ու երգել։ Էստրադային բեմ նրան առաջին անգամ տարել է իր առաջին ամուսինը՝ դաշնակահար Ալեքսանդր Վասիլևը, որը նվագակցել է նրան ելույթների ընթացքում[10]։

Թատերական ու էստրադային հումորային ներկայացումներում խաղացել է իր երկրորդ ամուսնու՝ Եվգենի Պետրոսյանի հետ։ Եղել է Մոսկվայի «Մոսհամերգ» պետական համերգային միավորման՝ Եվգենի Պետրոսյանի ղեկավարած Էստրադային մանրապատումների համերգային անսամբլի արտիստուհի[2]։

1990 թվականին սկսել է նկարահանվել կինոյում։

1995 թվականի հունվարի 27-ին Ելենա Ստեպանենկոն արժանացել է Ռուսաստանի Դաշնության վաստակավոր արտիստի պատվավոր կոչման «արվեստի բնագավառում ունեցած ավանդի համար»[2]։

Մի շարք այլ հումորիստների հետ Ելենա Ստեպանենկոն դարձել է «Անշլագ» (ռուս.՝ «Аншлаг»), «Голубой огонёк» և «Ծուռ հայելի» (ռուս.՝ «Кривое зеркало») հումարային հայտնի հաղորդումների դեմքը։

Հետագայում կազմակերպել է իր հաղորդումները՝ «Ելենա Ստեպանենկոյի շոու» և «Кышкин дом», որոնք ձևով և ոճով հեռուստատեսային թատերական մանրապատումներ էին, ինչը պահանջում է մանրամասն նախապատրաստություն։ Հաջողություն են ունեցել Ելենա Ստեպանենկոյի «Часики», «Мужики-психи», «Гид по Москве», «Тупая и ещё тупее» և այլ բեմադրություններ։ Մեծ հայտնիություն է ձեռք բերել նրա «Նամակ Բիլ Քլինթոնին» (ռուս.՝ «Письмо Биллу Клинтону», հեղինակ՝ Միխայիլ Զադոռնով) մենախոսությունը՝ նվիրված Բիլ Քլինթոնի և Մոնիկա Լևինսկու միջև տեղի ունեցած սկանդալին։

2016 թվականին ելույթ է ունեցել «Յուրմալա-2016» հումորի և սատիրայի փառատոնի շրջանակներում Սոչի քաղաքի «Фестивальный» համերգասրահում։ Այդ համատեղ հումորային համերգում Ելենա Ստեպանենկոն կարդացել է «Նորապսակներ» (ռուս.՝ «Молодожёны») մենախոսությունը և կատարել «Часики» երգը։

2015 թվականի մայիսի 25-ին Ելենա Ստեպանենկոն պարգևատրվել է Բարեկամության շքանշանով «հայրենական մշակույթի զարգացման գործում ունեցած ավանդի և բազմամյա բեղմնավոր գործունեության համար»[11]։

2017 թվականին Ելենա Ստեպանենկոն դարձել է «Ռոսիա 1» ալիքի «Շաբաթ երեկո» (ռուս.՝ «Субботний вечер») հաղորդման հաղորդավարներից մեկը, որտեղ հանդես է գալիս որպես հոգեբան։

Անձնական կյանք[խմբագրել | խմբագրել կոդը]

  • Առաջին ամուսինը՝ Ալեքսանդր Վասիլև, դաշնակահար։ 1970-ական թվականների վերջին Ալեքսանդր Վասիլևը Ելենա Ստեպանենկոյին տարել է էստրադա, որտեղ նա ծաղրանմանակել է հայտնի դերասանների ու երգել, իսկ ինքը նվագակցել է նրան։ 1982-1988 թվականներին աշխատել է Վլադիմիր Վինոկուրի հետ, ապա Վադիմ Էյլենկրիգի ջազային անսամբլում[10]։
  • Երկրորդ ամուսինը (1985 — 16 նոյեմբերի, 2018)՝ Եվգենի Պետրոսյան (ծնվ.՝ 16 սեպտեմբերի, 1945, Բաքու), էստրադայի խորհրդային և ռուս արտիստ, գրող-հումորիստ, հեռուստահաղորդավար, ՌՍՖՍՀ ժողովրդական արտիստ (1991)։ Ելենա Ստեպանենկոն ու Եվգենի Պետրոսյանը ծանոթացել են 1979 թվականին և ամուսնացել 1985 թվականին[3]։ 2018 թվականի հուլիսի 4-ին Ելենա Ստեպանենկոն հայց է ներկայացրել քաղաքացիական դատարան ամուսնալուծության և համատեղ ձեռք բերած գույքի բաժանման վերաբերյալ։ Ըստ Ռուսաստանի «ТАСС» տեղեկատվական գործակալության՝ 2018 թվականի օգոստոսի 3-ի տարածած տեղեկության՝ «Ստեպանենկոն ամուսնալուծության և համատեղ ձեռք բերած գույքի բաժանման վերաբերյալ քաղաքացիական հայցում պահանջում է մայրաքաղաքային տասը բնակարաններից ութը, հնաոճ իրերն ու այլ թանկարժեք իրեր։ Հայցում պահանջվող իրերի ընդհանուր արժեքը կազմել է համատեղ ձեռք բերված ունեցվածքի 80 %-ը։ Համատեղ ձեռք բերված ունեցվածքի ընդհանուր արժեքը կազմել է 1,5 մլրդ ռուբլի։ Հայցի քննման առաջին նիստը տեղի է ունեցել 2018 թվականի օգոստոսի 6-ին Մոսկվա քաղաքի Խամովնիչեսկի դատարանում։ Ելենա Ստեպանենկոյի շահերը ներկայացրել է փաստաբան Օլգա Զաբրալովան, Եվգենի Պետրոսյանինը՝ փաստաբան Սերգեյ Ժորինը[3][4][5]։ Ըստ փաստաբան Սերգեյ Ժորինի խոսքերի՝ Պետրոսյանն ու Ստեպանենկոն արդեն շուրջ տասնհինգ տարի «չեն վարում համատեղ տնտեսություն և չեն ապրում որպես ամուսին և կին»[12]։ Ամուսնությունը լուծարվել է Մոսկվա քաղաքի Խամովնիչեսկի դատարանի կողմից 2018 թվականի նոյեմբերի 16-ին[13]։

Ֆիլմագրություն[խմբագրել | խմբագրել կոդը]

Տարի Հայերեն անվանում Բնօրինակ անվանում Դեր
1990 ֆ Թակարդ Мышеловка միսիս Բոյլ
1990 ֆ Ինքնասպանը Самоубийца Կլեոպատրա Մաքսիմովնա
2000 ֆ Երջանկության բանաձև Формула счастья կումա
2001-2003 ս Կիշի տունը Кышкин дом Մալվինա Ստեպանովնա Կիշ
2008 ֆ Ոսկե ձկնիկ Золотая рыбка կումա Ագրիպիննա
2010 ֆ Մորոզկո Морозко պատմող
2012 ֆ Կարմիր գլխարկ Красная Шапочка թագուհի, խորթ մայր
2018 ֆ Մոխրոտ Золушка խորթ մայր

Մուլտֆիլմերի հնչյունավորում[խմբագրել | խմբագրել կոդը]

  1. 1981 – Մի անգամ առավոտյան (ռուս.՝ Однажды утром) – վոկալ
  2. 1981 – Բոլորովին սարսափելի չէ (ռուս.՝ Ничуть не страшно) – Կոլյա / Յուրա
  3. 1982 – Чучело-Мяучело – աղջիկ
  4. 1984 – Նվեր փղի համար (ռուս.՝ Подарок для слона) – վագրի ձագ (ուկրաիներեն կրկնօրինակում)
  5. 2001 – Дора-Дора-помидора

Ծանոթագրություններ[խմբագրել | խմբագրել կոդը]

  1. 1,0 1,1 ČSFD (չեխերեն) — 2001.
  2. 2,0 2,1 2,2 Указ Президента Российской Федерации Б. Ельцина от 27 января 1995 года № 78 «О награждении государственными наградами Российской Федерации». Официальный сайт Президента Российской Федерации // kremlin.ru
  3. 3,0 3,1 3,2 Юмористы Петросян и Степаненко обратились в суд для раздела имущества‍. «РИА Новости» // ria.ru (3 августа 2018 года)
  4. 4,0 4,1 Источник: «Степаненко требует от Петросяна более 80 % совместно нажитого имущества». — Собеседник агентства отметил, что общий объём совместно нажитого имущества артистов составляет 1,5 млрд рублей. Информационное агентство России «ТАСС» // tass.ru (3 августа 2018 года
  5. 5,0 5,1 Лидия Мисник. Совсем не смешно: как разводятся Петросян и Степаненко. // gazeta.ru (3 августа 2018 года)
  6. Справочная информация об организации «Филиал „Тарусамежрайгаз“» (г. Таруса, Калужской области). // b2b-project.ru
  7. Смерть помешала большим планам брата Степаненко. // news.rambler.ru (11 августа 2018 года)
  8. 8,0 8,1 8,2 Елена Степаненко. Биография, новости, фотографии. // uznayvse.ru
  9. Ответы Елены Степаненко на вопросы поклонников (2007 год). // stepanenko-e.ru
  10. 10,0 10,1 Анна Велигжанина. Первый муж Елены Степаненко — двойник Евгения Петросяна. Газета «Комсомольская правда» // kp.ru (5 октября 2006 года)
  11. Указ Президента Российской Федерации В. Путина от 25 мая 2015 года № 263 «О награждении государственными наградами Российской Федерации». // publication.pravo.gov.ru
  12. Вера Воробьёва (2018-08-03)։ «Адвокат Евгения Петросяна рассказал подробности развода юмористов»։ // znak.com 
  13. Суд расторг брак между Степаненко и Петросяном. — Как сообщил адвокат артиста, его супруга всячески затягивала этот процесс. Информационное агентство России «ТАСС» // tass.ru (16 ноября 2018 года

Արտաքին հղումներ[խմբագրել | խմբագրել կոդը]