Եժի Գորգոն

Վիքիպեդիայից՝ ազատ հանրագիտարանից
Jump to navigation Jump to search
Football pictogram.svg
Եժի Գորգոն
Անձնական տվյալներ
Ամբողջական անուն Եժի Պավել Գորգոն
Քաղաքացիությունը Լեհաստան Լեհաստան
Մականուն Երկար (լեհ.՝ Długi),
Սպիտակ լեռ (լեհ.՝ Biała góra)
Ծննդյան ամսաթիվ հուլիսի 18, 1949(1949-07-18)[1] (70 տարեկան)
Ծննդավայր Զաբժե, Լեհաստան
Հասակ 192
Քաշ 90 կիլոգրամ
Դիրք պաշտպան
Ակումբային տեղեկություններ
Ներկա ակումբ ավարտել է կարիերան
Պատանեկան կարիերա
1961-1967 Լեհաստան Միկուլչիցե
Մասնագիտական կարիերա*
Տարի Ակումբ Խաղ (Գոլ)
1967-1980 Լեհաստան Գուրնիկ (Զաբժե) 236 (21)
1980-1983 Շվեյցարիա Սանկտ Գալլեն 78 (4)
Ազգային հավաքական
1970-1978 Լեհաստան Լեհաստան 55 (6)
* Մասնագիտական կարիերայում ընդգրկված են միայն առաջնության խաղերը և գոլերը:

Եժի Պավել Գորգոն (լեհ.՝ Jerzy Paweł Gorgoń, հուլիսի 18, 1949(1949-07-18)[1], Զաբժե, Սիլեզիայի վոյեվոդություն, Լեհաստան), լեհ ֆուտբոլիստ, պաշտպան։

1972 թվականի օլիմպիական չեմպիոն, 1974 թվականի աշխարհի առաջնության բրոնզե մեդալակիր, 1976 թվականի Օլիմպիական խաղերի արծաթե մեդալակիր, 1978 թվականի աշխարհի առաջնության մասնակից։

Կարիերա[խմբագրել | խմբագրել կոդը]

Ակումբային[խմբագրել | խմբագրել կոդը]

«Միկուլչիցե» ակումբի սան է: 1967 թվականից խաղացել է «Գուրնիկ» (Զաբժե) ակումբում։ «Գուրնիկի» կազմում Եժի Գորգոնը երկու անգամ դարձել է Լեհաստանի չեմպիոն և հինգ անգամ անընդմեջ հաղթել է Լեհաստանի գավաթի խաղարկությունում, Առաջին լիգայում անցկացրել է 220 խաղ և խփել է 17 գնդակ։ 1969/70 մրցաշրջանում «Գուրնիկի» հետ միասին հասել է մինչև Գավաթների գավաթի եզրափակիչ փուլ։ 1973 թվականին Գորգոնը Sport ամսագրի կողմից ճանաչվել է Լեհաստանի լավագույն ֆուտբոլիստ։

1980 թվականին տեղափոխվել է շվեյցարական «Սանկտ Գալլեն» ակումբ, որտեղ և 1982/83 մրցաշրջանի ավարտից հետո ավարտել է կարիերան։

Հավաքականում[խմբագրել | խմբագրել կոդը]

1970-ական թվականներին Եժի Գորգոնը համարվել է Լեհաստանի հավաքականի լավագույն ֆուտբոլիստներից մեկը։ Երիտասարդական հավաքականում ներգրավվել է որպես «Միկուլչիցեի» ապագա ֆուտբոլիստ, իսկ ազգային հավաքականում իր դեբյուտը նշել է 1970 թվականի սեպտեմբերի 23-ին՝ մասնակցելով Իռլանդիայի հավաքականի դեմ խաղին։ Հավաքականի կազմում մինչև 1978 թվականը խաղադաշտ դուրս է եկել 55 խաղերում՝ խփելով 6 գնդակ[2]։ Մասնակցել է Կազիմեժ Գուրսկիի թիմի բոլոր հաջողություններին՝ 1972 թվականին Մյունխենի Օլիմպիադայում նվաճել է ոսկե մեդալ, 1973 թվականին Ուեմբլի մարզադաշտում մասնակցել է անգլիացիների դեմ հաղթական խաղին, 1974 թվականին դարձել է աշխարհի առաջնության բրոնզե մեդալակիր, 1976 թվականին Մոնրեալում նվաճել է արծաթե մեդալ։ Գորգոնն ընդգրկվել է նաև Արգենտինայում անցկացվող աշխարհի առաջնության համար Լեհաստանի հավաքականի հայտացուցակում, բայց Գուսկուն փոխարինաց Յացեկ Գմոխը Գորգոնին դաշտ դուրս չի բերել երկրորդ խմբային փուլի առաջին խաղում ընդդեմ տանտերերի. հետագայում բազմաթիվ փորձագետներ Գուրսկուն մեղադրել են Գորգոնին խաղադաշտ դուրս չբերելու համար և դա համարել են թիմի պարտության պատճառ։ Դրանից հետո Եժի Գորգոնը հավաքականի կազմում այլևս խաղադաշտ դուրս չի եկել։

Նվաճումներ[խմբագրել | խմբագրել կոդը]

  • Աշխարհի առաջնության բրոնզե մեդալակիր – 1974
  • Օլիմպիական չեմպիոն – 1972
  • Ամառային Օլիմպիական խաղերի արծաթե մեդալակիր – 1976
  • Գավաթակիրների գավաթի խաղարկության եզրափակչի մասնակից – 1969/70
  • Լեհաստանի չեմպիոն (2) – 1970/71, 1971/72
  • Լեհաստանի գավաթի խաղարկության հաղթող (5) – 1967/68, 1968/69, 1969/70, 1970/71, 1971/72
  • Լեհական լիգայի գավաթի խաղարկության հաղթող – 1977/78[3]
  • Շվեյցարիայի առաջնության բրոնզե մեդալակիր – 1982/83
  • Շվեյցարիական լիգայի գավաթի խաղարկության եզրափակչի մասնակից – 1981/82
  • «Ոսկե խաղակոշիկ» մրցանակի դափնեկիր – 1973

Կարիերան ավարտելուց հետո[խմբագրել | խմբագրել կոդը]

Ավարտելով խաղային կարիերան՝ Գորգոնը փորձել է դառնալ մարզիչ, աշխատել է երիտասարդների և «Սանկտ Գալլեն» ակումբի երկրորդային կազմի հետ, իսկ հետագայում Գոսսաուի ֆուտբոլային ակադեմիայում։

Ներկայում իր ընտանիքի հետ ապրում է Շվեյցարիայում, խուսափում է ոչ միայն լրագրողների հետ հանդիպումներից, այլ նաև «Գուրնիկում» և Լեհաստանի հավաքականում իր նախկին խաղընկերներից[4]։

Ծանոթագրություններ[խմբագրել | խմբագրել կոդը]

  1. 1,0 1,1 Transfermarkt.com — 2000.
  2. Информация на сайте сборной Польши (լեհ.)
  3. Ոչ պաշտոնական խաղարկություն
  4. Orły Górskiego — Jerzy Gorgoń (լեհ.)

Արտաքին հղումներ[խմբագրել | խմբագրել կոդը]