Դոլոմանյան նրբանցք

Դոլոմանյան նրբանցք
	Պ. Ի. Ստեպանենկոյի եկամտաբեր տունը Դոլոմանյան նրբանցքում
Երկիր	Ռուսաստան
Գտնվում է	Լենինյան շրջան
Երկարություն	2,7 կմ

Դոլոմանյան նրբանցք (ռուս.՝ Доломановский переулок), փողոց Ռուսաստանի Դոնի Ռոստով քաղաքում, որը գտնվում է Լենինյան շրջանում։

Պատմություն[խմբագրել | խմբագրել կոդը]

Նրբանցքի անվանումը կապված է քաղաքի պատմության հետ։ 1749 թվականին այստեղ ստեղծվել է Տեմեռնիկյան մաքսակետը, իսկ 12 տարի անց սկսվել է Սուրբ Դիմիտրի Ռոստովցու ամրոցի շինարարությունը։ Միայն 1763 թվականին է կազմվել ամրոցի և նրա շրջակայքի առաջին հատակագիծը, որի վրա նշվել են Զինվորական և Դոլոմանյան արվարձանները (ամրոցից դեպի արևմուտք)։ «Դոլոման» բառը, ըստ Վլադիմիր Դալի բառարանի, ունի հունգարական ծագում, բայց հայտնի է նաև թուրքերի շրջանում։ Ենթադրվում է, որ կազակներին հասել է հենց թուրքերից. կազակները թուրքերի հետ ունեցել են ինչպես խաղաղ, այնպես էլ ռազմական հարաբերություններ։ Այդպես այդ բառը հայտնվել է Դոնում^[1]։

Նրբանցքը չի փոխել իր սկզբնական անվանումը։ Մինչև Հոկտեմբերյան հեղափոխությունը այն քաղաքի ծայրամասային փողոցներից էր, որտեղ ապրում էին հիմնականում աղքատները։ 1914 թվականին այնտեղ տեղակայված էին երեք ուսումնական հաստատություններ՝ բժշկության դոկտոր Գ. Ի. Տկաչովի անվան դպրոցը, Լոմոնոսովի անվան 4-րդ արական ուսումնարանը և Կյուրեղ-Մեթոդիոսի ուսումնարանը^[1]։

Աշխարհագրություն[խմբագրել | խմբագրել կոդը]

Նրբանցքի երկարությունը 2720 մետր է^[2]։ Այն սկսվում է Դոնի 5-րդ կորպուսի հրապարակից, հատում հետևյալ փողոցները. Տեմեռնիկյան, Սերաֆիմովիչի, Սոցիալիստական, Բոլշայա Սադովայա, Համաձայնության, Պուշկինի, Մաքսիմ Գորկու, Կրասնոարմեյսկայա, Մալյուգինայի, Վարֆոլոմեևի, Կատաևի, Չերեպախինի, Ժողովրդական աշխարհազորի, Տեկուչովի, Նեֆյոդովի, Կոզլովի, և ավարտվում Վարոլոմեևի փողոցի հետ խաչմերուկում։ Դոլոմանյան նրբանցքի հետագա շարունակությունը Պոդտյոլկովի փողոցն է։