Դինո Մորեան ծնվել է 1975 թվականի դեկտեմբերի 9-ին Բանգալորում՝ իտալացու և հնդկուհու ընտանիքում[2]։ Դինոն երեք տղաներից միջնեկն է[3]։ Նրա ավագ եղբոր անունը Նիկոլո է, իսկ կրտսերինը՝ Սանտինո։ Մորեան հաճախել է Բանգալորի ռազմական դպրոցը, ապա ավարտել է Սուրբ Ջոզեֆի քոլեջը։ Հաճախել է նաև Քլերենսի ավագ դպրոց։ Առաջին անգամ նրան նկատել են, երբ աշխատում էր որպես մոդել։ Շուտով ապագա դերասանը ստացավ իր առաջին դերը կինոյում։
Դինո Մորեայի դեբյուտը կայացել է Ռինկե Քհանայի հետ ձախողված «Սիրո մեջ լինում է նաև այդպես» ֆիլմում (1999)։ Այնուհետև նա նկարահանվել է հաջող թամիլական «Բանականություն և զգացմունքներ» ֆիլմում (2000), իսկ 2002 թվականին՝ «Առեղծված» սարսափ ֆիլմում և «Մեղքի զգացում» թրիլերում։ Նրա հաջողված աշխատանքներից են նաև «Փոխակերպուկ» (2003), «Ոչինչ մի ասա» (2003), «Արյան կախարդանք» (2004) և «Լքված գործարան» (2009)[4]։