Դերենիկ Մարտիրոսյան

Վիքիպեդիայում կան հոդվածներ Մարտիրոսյան ազգանունով այլ մարդկանց մասին։

Դերենիկ Մարտիրոսյան
Ծնվել է	փետրվարի 3, 1943(1943-02-03)
Ծննդավայր	Վաղարշապատ, Հայկական ԽՍՀ, ԽՍՀՄ
Մահացել է	ապրիլի 12, 2021(2021-04-12) (78 տարեկան)
Մահվան վայր	Երևան, Հայաստան
Կրթություն	Հայկական պետական մանկավարժական համալսարան
Քաղաքացիություն	ԽՍՀՄ և  Հայաստան
Մասնագիտություն	դերասան
Պարգևներ և մրցանակներ	և Հայաստանի մշակույթի նախարարության ոսկե մեդալ

Դերենիկ Արամայիսի Մարտիրոսյան (փետրվարի 3, 1943(1943-02-03), Վաղարշապատ, Հայկական ԽՍՀ, ԽՍՀՄ - ապրիլի 12, 2021(2021-04-12), Երևան, Հայաստան), հայ դերասան, տիկնիկավար։ ՀՀ վաստակավոր արտիստ (2006)։

Կենսագրություն

Դերենիկ Մարտիրոսյանը ծնվել է Էջմիածնում։ 1973 թվականին ավարտել է Հայկական պետական մանկավարժական ինստիտուտը։ 1958-1968 թվականներին եղել է Էջմիածնի ժողովրդական թատրոնի, Երևանի Հրաչյա Ղափլանյանի անվան պետական դրամատիկական թատրոնի, 1969 թվականից՝ Երևանի տիկնիկային թատրոնի դերասան-տիկնիկավար, ռեժիսոր։ Էջմիածնի ժողովրդական թատրոնում խաղացել է մի շարք ներկայացումներում՝ «Գնացք» (Միտյա), «Ռազմահեղափոխական խորհուրդ» (Ժիգան), «Ձորի նահապետ Գոճա» (Մաթիա), «Ես, իմ հարսնացուն և...» (Ժան), «Մեռնող ֆլորա» (Տատասկ, ՀԹԸ մրցանակ), «Երկու տիրոջ ծառան» (Սիլվիո), «Հազարան բլբուլ» (Խարի)։ 1964-1968 թվականներին ՀՀ ԳԱԱ Էջմիածնի տպարանում աշխատել է որպես գրաշար։

1997 թվականից դասավանդում է Երևանի թատրոնի և կինոյի պետական ինստիտուտում։ 1971-1994 թվականներին Հայաստանի ազգային հեռուստատեսության «Հեքիաթն է կանչում» մանկական հաղորդման շունիկի մշտական դերակատարն է եղել։

Դերեր

• Տատասկ՝ Գ. Տեր-Գրիգորյանի «Մեռնող Ֆլորան»
• Շուն՝ «Շունն ու կատուն», ըստ Հովհաննես Թումանյանի
• Տարտալիա՝ Կ. Գոցցիի «Երեք նարինջ»
• Զաբոլզյան՝ Աղասի Այվազյանի «Դիպլիպիտո»
• Դուքս՝ Շեքսպիրի «Սխալների կատակերգություն»

Բեմադրություններ

• Մարտիրոսյանի «Հեքիաթ Ձմեռ պապի, եղևնու և կախարդ Բլբլանի մասին» (1990)
• Ռ. Մարուխյանի «Կախարդական ճրագի գաղտնիքը» (1992)
• «Բարի հրաշագործը» (2001)

Գրքեր

• «Լևոն Հարութ» (1980)
• «Տիկնիկների աշխարհը» (համահեղինակ, 1986)
• «Հովհաննես Թումանյանի անվան պետական տիկնիկային թատրոն» (2005, ալբոմ-ժողովածու)

Պարգևներ, մրցանակներ

• ՀՀ մշակույթի նախարարության ոսկե մեդալ
• ՀԹԳՄ «Արտավազդ» մրցանակ
• Երևան քաղաքի ոսկե զինանշան
• Հայաստանի վաստակավոր արտիստ, 2006,
• Մովսես Խորենացու մեդալ, 2016