Դեպոկ
| Բնակավայր | |||||
|---|---|---|---|---|---|
| Դեպոկ | |||||
| ինդոն.՝ Kota Depok[1] | |||||
| |||||
 | |||||
| 6°24′18.111″S 106°49′2.308″E / 6.40503083°S 106.81730778°E | |||||
| Երկիր |  Ինդոնեզիա | ||||
| Համայնք | Արևմտյան Ճավա[2][3][1] | ||||
| Ներքին բաժանում | Cimanggis?[3][4][5], Beji?[6][4][5], Pancoran Mas?[3][4][1], Limo?[6][4][5], Tapos?[7], Bojongsari?[7], Cipayung?[7], Sawangan?[3][4][5], Cilodong?[7], Sukmajaya?[6][4][5] և Cinere?[7] | ||||
| Հիմնադրված է | ապրիլի 27, 1999[8] թ. | ||||
| Մակերես | 200,29 կմ² | ||||
| ԲԾՄ | 84 մետր | ||||
| Պաշտոնական լեզու | ինդոնեզերեն | ||||
| Բնակչություն | ▼2,462 մարդ (2021) | ||||
| Ժամային գոտի | UTC+7 | ||||
| Հեռախոսային կոդ | 021 | ||||
| Ավտոմոբիլային կոդ | B | ||||
| Պաշտոնական կայք | depok.go.id | ||||
| |||||
Դեպոկ (ինդոն.՝ Kota Depok), Ինդոնեզիայի Արևմտյան Ճավա շրջանի միլիոնանոց քաղաքներից մեկը։ Դեպոկը գտնվում է հետևյալ կորրդինատներում՝ 6°23′24″S 106°49′48″E / 6.39000°S 106.83000°E, Ճավա կղզու հյուսիս-արևմուտքում։ Քաղաքը զարգանում է որպես Ջակարտայի քաղաք-արբանյակ, քանի որ բնակիչներից շատերը աշխատում են Ջակարտայում։
Աշխարհագրություն և բնակչություն
[խմբագրել | խմբագրել կոդը]
Քաղաքը գտնվում է Ինդոնեզիայի մայրաքաղաք Ջակարտայից դեպի հարավ։ Քաղաքի մակերեսը կազմում է 200,29 կմ², իսկ բնակչությունը՝ 2 330 333 մարդ (2018 թվականի մարդահամարի տվյալներով)։ Բնակչության խտությունը 11,634 մարդ/կմ² է։
Պատմություն
[խմբագրել | խմբագրել կոդը]1696 թվականի մայիսի 18-ին VOC ընկերության նախկին սպա Կորնելիս Չեստելեյնը գնել է 12,44 կմ² հողատարածք, որը կազմում է ներկայիս Դեպոկի ընդհանուր տարածքի 6,2%-ը։ Տեղացի աշխատողների շնորհիվ զարգացնելով արդյունաբերական գործարանները՝ Չեստելեյնը ուշադրություն է դարձրել նաև ինդոնեզացիներին քրիստոնեության ուսուցմանը։ Նա հիմնել է «De Eerste Protestante Organisatie van Christenen» (DEPOC) միաբանությունը[9]։ Չնայած Դեպոկ անվանումը, որը նշանակում է «մեկուսի կացարան», գոյություն է ունեցել մինչ միաբանության հիմնադրումը, որոշ կարծիքներ կան նաև այն մասին, որ հենց միաբանության հապավումն է օգտագործվել որպես տեղանուն։ Իր մահից հետո Կորնելիս Չեստելեյնը ազատել է բոլոր ստրուկներին՝ նրանց բաժանելով հողեր և հողատեր դարձնելով։ 1871 թվականին հոլանդական կառավարությունը թույլատրել է Դեպոկին ունենալ սեփական կառավարությունը և նախագահը։ 1952 թվականին քաղաքի վերահսկողությունը հանձնվել է Ինդոնեզիային։
1982 թվականի մարտին Դեպոկը դարձել է վարչական քաղաք, իսկ արդեն 1999 թվականին քաղաքը կառավարում էր քաղաքապետը։
1999 թվականի ապրիլի 20-ին Դեպոկին միացվել են մի քանի շրջաններ Բոգորից, և քաղաքի մակերեսը դարձել է 200,29կմ²[10]։ Ամսաթիվը նշվում է որպես Դեպոկի հիմնադրման օր։
Վարչական բաժանում
[խմբագրել | խմբագրել կոդը]
Քաղաքը բաժանվում է 6 շրջանների՝ Բեջի (Beji), Չիմանգիս (Cimanggis), Լիմո (Limo), Պանչորան Մաս (Pancoran Mas), Սավանգան (Sawangan) և Սուկմաջայա (Sukmajaya)։
Քաղաքապետներ
[խմբագրել | խմբագրել կոդը]Դեպոկի քաղաքապետների ցանկ․
- Մոհամադ Ռուկասա Սուրադիմաջա (1982-1984)
- Իբիդ Տամջիդ (1984-1988)
- Աբդուլ Վահյան (1988-1991)
- Մոհամադ Մասդուկի (1991-1992)
- Սոֆյան Սաֆարի Խամիմ (1992-1996)
- Բադրուլ Կամալ (1997-2005)
- Նուռ Մահմուդի Իսմաիլ (2006-2016)
- Իդրիս Աբդուլ Շոմադ (2016-հիմա)
Կրթություն
[խմբագրել | խմբագրել կոդը]
Դեպոկը հայտնի է որպես ուսանողների քաղաք։ Քաղաքում են գտնվում հետևյալ համալսարանները․
- Ինդոնեզիական համալսարան
- Գունադարմա համալսարան
- Politeknik Tugu
- Politeknik Negeri Jakarta
Դեպոկում կան մասնավոր լեզվաբանական դպրոցներ՝ EF English First, ILP և այլն։
Առողջապահություն
[խմբագրել | խմբագրել կոդը]Դեպոկում են գտնվում հետևյալ հիվանդանոցները և բուժհաստատությունները․
- RSIA Hermina
- RS Bunda
- RS Tugu Ibu
- RS Sentra Medika
- RS Puri Cinere
- Rumah Sakit Bhakti Yudha
Տնտեսություն
[խմբագրել | խմբագրել կոդը]Դեպոկում են գտնվում հետևյալ առևտրի կենտրոնները՝ Margo City[11], Mall Depok, Depok Plaza, SixtyOne Building և Depok ITC.
Տրանսպորտ
[խմբագրել | խմբագրել կոդը]
Քաղաքի հիմնական տրանսպորտային միջոցը մեքենաներն են։ Որպես Ջակարտայի արբանյակ՝ Դեպոկը հայտնի է իր շատ խիտ երթևեկությունով։ Ջակարտայի և Դեպոկի միջև գտնվող ճանապարհներին հաճախ են լինում խցանումներ։
Առկա է ավտոբուսային գիծ, ինչպես նաև KRL Jabodetabek արագ տրանսպորտային միջոցի համակարգ։ Jabo(de)tabek բառը վերծանվում է որպես Jakarta, Bogor, Depok, Tangerang և Bekasi քաղաքների անվանումների առաջին տառերի միավորում։ Դեպի Ջակարտայի կենտրոնական մաս ուղևորությունների համար օգտագործվող գնացքները ամենաարագ և ամենաշատ օգտագործվող տրանսպորտն են, ուստի դրանք հիմնականում մարդաշատ են։
Տեսարժան վայրեր
[խմբագրել | խմբագրել կոդը]
Արվեստ
[խմբագրել | խմբագրել կոդը]Դեպոկում է գտնվում հայտնի «Բենգկել» («Արհեստանոց») թատրոնը, որը հիմնել է բանաստեղծ, դրամատուրգ Ռենդրան։
Սնունդ
[խմբագրել | խմբագրել կոդը]Դեպոկում կան բազմաթիվ տեղական ռեստորաններ ազգային խոհանոցով, սակայն առկա են նաև միջազգային ցանցեր, ինչպիսիք ենMcDonalds-ը, A&W-ը, Kentucky Fried Chicken-ը, Starbucks-ը։
Սպորտ
[խմբագրել | խմբագրել կոդը]Դեպոկում է գտնվում Պերսիկադ ֆուտբոլային թիմը։
Ծանոթագրություններ
[խմբագրել | խմբագրել կոդը]- ↑ 1,0 1,1 1,2 2. Kode dan Data Wilayah Administrasi Pemerintahan Per Provinsi, Kabupaten/Kota dan Kecamatan Seluruh Indonesia // Peraturan Menteri Dalam Negeri Nomor 6 Tahun 2008 tentang Kode dan Data Wilayah Administrasi Pemerintahan (ինդոն.) — P. 70.
- ↑ Indonesian Minister of Home Affairs Decree 100.1.1-6117 Of 2022 — P. 1571.
- ↑ 3,0 3,1 3,2 3,3 Indonesian Minister of Home Affairs Decree 300.2.2-2138 of 2025 — P. 1577.
- ↑ 4,0 4,1 4,2 4,3 4,4 4,5 Pasal 3 ayat (1) // Undang-Undang tentang Pembentukan Kotamadya Daerah Tingkat II Depok dan Kotamadya Daerah Tingkat II Cilegon — 1999.
- ↑ 5,0 5,1 5,2 5,3 5,4 2. Kode dan Data Wilayah Administrasi Pemerintahan Per Provinsi, Kabupaten/Kota dan Kecamatan Seluruh Indonesia // Peraturan Menteri Dalam Negeri Nomor 6 Tahun 2008 tentang Kode dan Data Wilayah Administrasi Pemerintahan (ինդոն.) — P. 71.
- ↑ 6,0 6,1 6,2 Indonesian Minister of Home Affairs Decree 300.2.2-2138 of 2025 — P. 1578.
- ↑ 7,0 7,1 7,2 7,3 7,4 Indonesian Minister of Home Affairs Decree 300.2.2-2138 of 2025 — P. 1579.
- ↑ https://www.depok.go.id/sejarah
- ↑ «Margonda.com». Արխիվացված է օրիգինալից 2022 թ․ մարտի 8-ին. Վերցված է 2021 թ․ նոյեմբերի 6-ին.
- ↑ «depok.go.id». Արխիվացված է օրիգինալից 2002-09-26-ին. Վերցված է 2021-11-06-ին.
- ↑ margocity.com