Դենիս Ֆոնվիզին

Վիքիպեդիայից՝ ազատ հանրագիտարանից
Jump to navigation Jump to search
Դենիս Ֆոնվիզին
Engraving Fonvizin.jpg
Ծնվել է ապրիլի 3 (14), 1745[1][2]
Ծննդավայր Մոսկվա, Ռուսական կայսրություն[1][2]
Վախճանվել է դեկտեմբերի 1 (12), 1792[1] (47 տարեկանում)
Վախճանի վայր Սանկտ Պետերբուրգ, Ռուսական կայսրություն[1]
Մասնագիտություն լեզվաբան, գրող, դրամատուրգ, բանաստեղծ և թարգմանիչ
Լեզու ռուսերեն[3]
Քաղաքացիություն Ռուսական կայսրություն
Կրթություն Մոսկվայի պետական համալսարան[1]
Denis Fonvizin Վիքիպահեստում

Դենիս Իվանովիչ Ֆոնվիզին (ռուս.՝ Денис Иванович Фонвизин, 1745, ապրիլի 14, Մոսկվա, Ռուսական կայսրություն - 1792, դեկտեմբերի 12, Սանկտ-Պետերբուրգ, Ռուսական կայսրություն), ռուս արձակագիր, դրամատուրգ, ռուս գրականության մեջ կենցաղային կատակերգության ժանրի հիմնադիր, ծագումով ազնվական։

1755–1762 թթ․ սովորել է Մոսկվայի համալսարանին կից գիմնազիայում, ապա տեղափոխվել Պետերբուրգ, ծառայել արտաքին գործերի կոլեգիայում։ 1760-ական թթ․ ձևավորվել է նրա լուսավորական աշխարհայացքը՝ համընդհանուր ուսուցում, գյուղացիության աստիճանական ազատագրում։ Քաղաքացիական կառուցվածքի նրա իդեալն է եղել լուսավորյալ միապետությունը։ Այդ շրջանում էլ հանդես է եկել երգիծական գործերով՝ «Ուղերձ իմ ծառաներ Շումիլովին, Վանկային ուՊետրուշկային» (հրտ․ 1769 թ.), «Բրիգադիրը» (1768–1769 թթ., հրտ․ 1792–1795 թթ., բարքագրական կատակերգություն) և այլն։ 1769 թ.-ին դարձել է արտաքին գործերի կոլեգիայի ղեկավար Ն․ Պանինի քարտուղարը։ 1777–1778 թթ․ այցելել է Ֆրանսիա («Առաջին ճանապարհորդության գրառումներ», հրտ․ 1800-ական թթ․)։

Ֆոնվիզինի ամենանշանակալի ստեղծագործությունը «Տհասը» (բեմ․ 1782 թ., հրտ․ 1783 թ.) կատակերգությունն է, որտեղ բացահայտված է ճորտատիրության սոցիալական էությունը։ 1783 թվականին հրապարակել է մի շարք երգիծական երկեր։ Մասնավորապես հասարակական մեծ արձագանք է գտել «Մի քանի հարցեր, որոնք կարող են խելացի և ազնիվ մարդկանց առանձնակի ուշադրությունը գրավել» գործը։ Այդ հարցերին ջղագրգռությամբ պատասխանել է կայսրուհին ինքը։ Քաղաքական երգիծանքի փայլուն օրինակ է «Համընդհանուր պալատական քերականություն»-ը, որի տպագրությունն արգելվեց (տարածվել է ձեռագիր)։ «Կալիսթենես» (1786 թ.) վիպակը տպագրվեց անանուն։ 1789 թվականին Ֆոնվիզինը սկսել է գրել «Անկեղծ խոստովանություն իմ գործերի ու մտածումների» (անավարտ, հրտ․ 1830 թ.) երկը։

Ֆոնվիզինը ռուսական լուսավորական ռեալիզմի խոշոր ներկայացուցիչներից է, ռուսական ազգային առաջին կատակերգության ստեղծողը։

Երկեր[խմբագրել | խմբագրել կոդը]

  • Собр․ соч․, т․ 1–2, М․–Л․, 1959;
  • Избранное, М․, 1983․

Գրականություն[խմբագրել | խմբագրել կոդը]

  • Ցասինսկայա Զ․, Դ․ Ի․ Ֆոնվիզին (1745–1792), Ե․, 1947։
  • Рассадин С․ Б․, Фонвизин, М․, 1980․

Ծանոթագրություններ[խմբագրել | խմբագրել կոդը]

Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից  (հ․ 12, էջ 687 CC-BY-SA-icon-80x15.png