Դեհիդրոգենացում

Ամոնիակի բորանի դեհիդրոգենացում

Դեհիդրոգենացում, դեհիդրում ( լատին․՝ hydrogenium - ջրածին), քիմիական միացություններից ջրածնի պոկում։ Հիդրոգենացման հակադարձ ռեակցիան է։ Կատարվում է բարձր ջերմաստիճաններում և կատալիզատորների առկայությամբ։ Որպես կատալիզատորներ օգտագործվում են մետաղներ (օրինակ, Cu, Pd, Pt, մետաղների օքսիդներ (օրինակ, $ZnO,NiO,Cr_{2}O_{3}$) և խառը կատալիզատորներ (օրինակ, $Pt$-ածուխ, $Pt_{2}O_{3}$)։ Դեհիդրոգենացումը լայնորեն կիրառվում է մոնոմերների, ալդեհիդների, բենզինների, նավթի և այլ արտադրություններում։ Դեհիդրոգենացումը կատարվում է նաև օրգանիզմում՝ դեհիդրազներ ֆերմենտների միջոցով։

Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից  (հ․ 3, էջ 336)։