Դարլինգ (ՀԱՀ)
| Բնակավայր | ||
|---|---|---|
| Դարլինգ | ||
| անգլ.՝ Darling | ||
 | ||
| Երկիր |  Հարավաֆրիկյան Հանրապետություն | |
| Հիմնադրված է | 1853 թ. | |
| Մակերես | 9,28 կմ² | |
| ԲԾՄ | 252 մետր | |
| Բնակչություն | 10 420 մարդ (2011) | |
| Հեռախոսային կոդ | 022 | |
| Փոստային դասիչ | 7345[1][2] և 7345[1][2] | |
| ||
Դարլինգ[3] (աֆրիկաանս՝ և անգլ.՝ Darling), քաղաքը Հարավաֆրիկյան Հանրապետության հարավ-արևմուտքում՝ Արևմտյան Կապ նահանգի տարածքում։ Ընդգրկված է Ուեսթ Քոսթ շրջանի և Սվարտլանդ մունիցիպալիտետի կազմում։ Բաղկացած է երկու մասից՝ հենց Դարլինգից և Նյուվեդորպից։
Պատմություն[խմբագրել | խմբագրել կոդը]
Բնակավայրը, որն ավելի ուշ վերածվել է քաղաքի, հիմնադրվել է 1853 թվականին և ի սկզբանե կոչվել է Գրունե-Կլոֆ (Groene Kloof)։ Ավելի ուշ այն վերանվանվել է Դարլինգ՝ ի պատիվ Կապի գաղութի գեներալ-նահանգապետ սըր Չարլզ Հենրի Դարլինգի (1809-1870)։ 1901 թվականին բնակավայրն ստացել է գյուղական համայնքի կարգավիճակ, իսկ 1955 թվականին՝ մունիցիպալիտետի կարգավիճակ[4]։
Աշխարհագրական դիրք[խմբագրել | խմբագրել կոդը]
Քաղաքը տեղակայված է նահանգի հարավ-արևմտյան մասում՝ Ատլանտյան օվկիանոսի ափին՝ նահանգի վարչական կենտրոն Քեյփթաունից մոտավորապես 57 կմ (ուղիղ գծով) դեպի հյուսիս-հյուսիս-արևմուտք (NNW): Ծովի մակարդակից բացարձակ բարձրությունը կազմում է 252 մետր[5]։
Կլիմա[խմբագրել | խմբագրել կոդը]
Քաղաքի կլիման մերձարևադարձային-միջերկրածովյան է։ Միջին տարեկան տեղումների քանակը կազմում է 394 մմ։ Առավելագույն տեղումների քանակը լինում է ապրիլից հոկտեմբեր ընկած ժամանակահատվածում։ Օդի միջին առավելագույն ջերմաստիճանը տատանվում է 16,2 °C-ից (հուլիսին) մինչև 27,4 °C (փետրվարին)։ Տարվա ամենացուրտ ամիսը հուլիսն է։ Միջին նվազագույն գիշերային ջերմաստիճանն այդ ընթացքում լինում է 7 °C[6]։
Բնակչություն[խմբագրել | խմբագրել կոդը]
2001 թվականի պաշտոնական մարդահամարի տվյալներով՝ քաղաքում բնակվում էր 7550 մարդ, որոնցից տղամարդիկ կազմում էին 48,45 %, կանայք՝ 51,55 %: Ռասայական տեսանկյունից գունամորթները կազմում էին քաղաքի բնակչության 85,23 %-ը, սպիտակամորթները՝ 9,4%, նոգրոիդները՝ 5,28 %, ասիացիները (այդ թվում՝ հնդիկներ)՝ 0,08%: Քաղաքացիների շրջանում առավել տարածված լեզուներն են եղել աֆրիկաանսը (96,73%), անգլերենը (4,21 %) և կոսան (3,1 %)[7]։
2011 թվականի պաշտոնական մարդահամարի ընթացքում ստացված տվյալների համաձայն՝ Դարլինգի և Նյուվեդորպի ընդհանուր բնակչությունը կազմում էր 10 420 մարդ, որոնցից տղամարդիկ կազմում էին 47,82 %, կանայք՝ 52,18 %: Ռասայական տեսանկյունից գունամորթները կազմել են քաղաքի բնակչության 81,92 %-ը, նեգրոիդները՝ 8,58 %, սպիտակամորթները՝ 8,15 %, ասիացիները (այդ թվում՝ հնդիկներ)՝ 0,39 %, այլ ցեղերի ներկայացուցիչները՝ 0,96%։ Քաղաքի բնակիչների շրջանում առավել տարածված լեզուներն են եղել աֆրիկաանսը (85,4 %), անգլերենը (6,18 %), կոսան (5,65%), սեսոտոն (0,74 %) և թսվանան (0,46 %)[8][9]։
Տրանսպորտ[խմբագրել | խմբագրել կոդը]
Քաղաքով անցնում են R305 և R315 տարածաշրջանային խճուղիները։ Քաղաքում գործում է երկաթուղային կայարան։
Ծանոթագրություններ[խմբագրել | խմբագրել կոդը]
- ↑ 1,0 1,1 South African Post Office
- ↑ 2,0 2,1 http://www.postoffice.co.za/tools/pcodes.xls
- ↑ Южно-Африканская Республика. Справочная карта (масштаб 1:2 500 000). — ГУКГ, 1980.
- ↑ Raper, R.E. Dictionary of Southern African Place Names. — HSRC.
- ↑ «Darling, South Africa Page» (անգլերեն). Fallingrain Global Gazetteer. Վերցված է 2017 թ․ մայիսի 25-ին.
- ↑ «Darling climate» (անգլերեն). South Africa Explorer. Վերցված է 2017 թ․ մայիսի 25-ին.
- ↑ «Darling» (անգլերեն). Census 2001. Վերցված է 2017 թ․ մայիսի 25-ին.
- ↑ «Darling» (անգլերեն). Census 2011. Վերցված է 2017 թ․ մայիսի 25-ին.
- ↑ «Nuwedorp» (անգլերեն). Census 2011. Վերցված է 2017 թ․ մայիսի 25-ին.
 | Վիքիպահեստն ունի նյութեր, որոնք վերաբերում են «Դարլինգ (ՀԱՀ)» հոդվածին։ |
|
