Դանիել Ֆարենհայտ

Վիքիպեդիայից՝ ազատ հանրագիտարանից
Picto Info sciences exactes.png
Դանիել Ֆարենհայտ
Daniel Fahrenheit
Fahrenheit small.jpg
Ծնվել է մայիսի 24, 1686({{padleft:1686|4|0}}-{{padleft:5|2|0}}-{{padleft:24|2|0}})[1]
Գդանսկ
Մահացել է սեպտեմբերի 16, 1736({{padleft:1736|4|0}}-{{padleft:9|2|0}}-{{padleft:16|2|0}})[1] (50 տարեկանում)
Հաագա
Քաղաքացիություն Flag of Germany.svg Գերմանիա
Մասնագիտություն ֆիզիկոս և գյուտարար
Անդամակցություն Լոնդոնի թագավորական ընկերություն
Պարգևներ Լոնդոնի թագավորական ընկերության անդամ
Ստորագրություն
Daniel Gabriel Fahrenheit Signature.svg
Daniel Gabriel Fahrenheit Վիքիպահեստում
Ֆարենհայտի հայրական տունը Գդանսկում

Դանիել Գաբրիել Ֆարենհայտը (Ֆարենհեյտ, գերմ.՝ Daniel Gabriel Fahrenheit), ծնվել է 1686թմայիսի 24-ին Ժդանսկում, Լեհաստանում, ջերմաստիճանային սանդղակներից մեկի՝ Ֆարենհայտի սանդղակի հեղինակն է։

Դանիել Ֆարենհայտը 1707թ-ից ճանապարհորդել է և ձեռք բերել գործիքներ պատրաստող վարպետի մասնագիտություն։ 1717 թ-ից նա ապրել է Ամստերդամում, որտեղ կազմակերպել է մեխանիկական արհեստանոց և հռչակվել որպես ֆիզիկական գործիքներ ու սարքեր պատրաստող վարպետ։ 1724 թ-ին ընտրվել է Լոնդոնի թագավորական ընկերության անդամ։

Ֆարենհայտն առաջարկել է ջերմաստիճանային սանդղակ, որում սառույցի հալման և ջրի եռման կետերի միջակայքը բաժանված է 180 հավասար մասերի՝ Ֆարենհայտի աստիճանների (°F), ընդ որում՝ սառույցի հալման կետին վերագրված է 32°F, իսկ ջրի եռման կետին՝ 212°F արժեքները։ Այս ջերմաստիճանային ցուցնակը կիրառվում է հիմնականում անգլիախոս երկրներում (հատկապես՝ ԱՄՆ-ում), սակայն աստիճանաբար տեղը զիջել է Ցելսիուսի սանդղակին (C)։

Ֆարենհայտն ուսումնասիրել է նաև ջրի գերսառեցման երևույթը, հեղուկի եռման ջերմաստիճանի կախումը ճնշումից ու նրա մեջ լուծված աղերի պարունակությունից։ Նա կատարելագործել է հեղուկների կշռային խտաչափը, մշակել տաք և սառը ջրերի խառնուրդի ջերմաստիճանը որոշելու եղանակ։ 1709 թ-ին նա պատրաստել է սպիրտային, 1714-ին՝ սնդիկային ջերմաչափ։

Ըստ Ֆարենհայտի ցուցնակի՝ առողջ մարդու ջերմաստիճանը 97,88°F է (36,6°C)։

Ֆարենհայտի և Ցելսիուսի ջերմաստիճանները միմյանց հետ կապված են հետևյալ կերպ. [°C] = 5/9 ([°F]-32)

Հղումներ[խմբագրել]

Commons-logo.svg