Գևորգ Օհանյան

Գևորգ Օհանյան
Ծնվել է	ապրիլի 24, 1935(1935-04-24)
Ծննդավայր	Բաքու, ԱԽՖՍՀ, ԽՍՀՄ
Վախճանվել է	2006
Վախճանի վայր	Երևան, Հայաստան
Մասնագիտություն	բանաստեղծ և թարգմանիչ
Քաղաքացիություն	ԽՍՀՄ և  Հայաստան
Կրթություն	Ադրբեջանի պետական մանկավարժական համալսարան (1959)
Անդամակցություն	ՀԳՄ
Կուսակցություն	ԽՄԿԿ
Գևորգ Օհանյան Վիքիդարանում

Գևորգ Սմբատի Օհանյան (ապրիլի 24, 1935(1935-04-24), Բաքու, ԱԽՖՍՀ, ԽՍՀՄ - 2006, Երևան, Հայաստան), հայ բանաստեղծ, թարգմանիչ։ Հայաստանի գրողների միության անդամ 1961 թվականից։ ԽՄԿԿ անդամ 1971 թվականից։

Կենսագրություն

Գևորգ Օհանյանը ծնվել է 1935 թվականի ապրիլի 24-ին, Բաքվում։ 1959 թվականին ավարտել է Ադրբեջանի մանկավարժական ինստիտուտի (Բաքու) պատմագրական ֆակուլտետը։ 1959-1967 թվականներին աշխատել է Բաքվում հայերեն հրատարակվող «Կոմունիստ» թերթում և «Գրական Ադրբեջան» հանդեսում։ 1967-1969 թվականներին որպես խմբագիր աշխատել է «Հայաստան» հրատարակչությունում։ 1969-1971 թվականներին եղել է ՀԽՍՀ Նախարարների խորհրդի մամուլի պետական կոմիտեի նախագահի օգնականը, 1971-1978 թվականներին՝ Հայհրատպետկոմի քաղաքական-գեղարվեստական գրականության բաժնի ավագ խմբագիր, 1978 թվականից՝ նույն բաժնի պետ։

Երկեր

• Կաթիլներ, Բաքու, Ազերնեշր, 1960, 60 էջ։
• Պարտք, Բաքու, Ազերնեշր, 1966, 58 էջ։
• Երբ սպասում ես, Երևան, «Հայաստան», 1969, 120 էջ։
• Սպասումից հետո, Երևան, «Հայաստան», 1972, 103 էջ։
• Մանկությունից մանկություն, Երևան, «Հայաստան», 1975, 21 էջ։
• Թափանցիկ դռներ, Երևան, «Հայաստան», 1975, 143 էջ։
• Հեռացող միջօրե (բանաստեղծություններ), Երևան, «Սովետական գրող», 1979, 231 էջ։
• Ծառը մայթի վրա (բանաստեղծություններ), Երևան, «Սովետական գրող», 1981, 122 էջ։
• Դու գալիս ես ինձ հետ (բանաստեղծություններ), Երևան, «Սովետական գրող», 1985, 192 էջ։
• Բերդասար։ Բանաստեղծ։ «Առերեսում»-ԱՆԻ, 2003, 64 էջ։

Թարգմանություններ (ռուսերենից և ադրբեջաներենից)

Այս հեղինակի կատարած թարգմանությունների ցանկը կարող եք որոնել «Թարգմանչաց արվեստ» շտեմարանի «Թարգմանիչներ» բաժնում

• Ծաղկած կեռասենի (թարգմանել է ժողովածուի մի մասը), Երևան, «Հայաստան», 1969, 109 էջ։
• Գրիբաչև Նիկոլայ, Անտառային հեքիաթ, Երևան, «Հայաստան», 1972, 30 էջ։
• Նասիմի Իմադեդդին, Հատընտիր (թարգմանել է մի մասը), Երևան, «Հայաստան», 1973, 140 էջ։
• Տաջիկական քնար (թարգմանել է մի մասը), Երևան, «Հայաստան», 1973, 379 էջ։
• Լադոնշչիկով Գեորգի, Իմ բարեկամ երեխաներին, Երևան, «Հայաստան», 1973, 23 էջ։
• Մուստայ Քարիմ, Տարիների հետքերով (բանաստեղծություններ, պոեմ), Երևան, «Հայաստան», 1974, 73 էջ։
• Պիշումով Յարոսլավ, Իմ փողոցը, Երևան, «Հայաստան», 1974, 48 էջ։
• Գոնչարով Նիկոլայ, Կարուսել (բանաստեղծություններ), Երևան, «Հայաստան», 1975, 31 էջ։
• Ոսկե դարպասներ, ՈՒկրաինական քնարերգություն (թարգմանել է մի մասը), Երևան, «Սովետական Գրող», 1977, 413 էջ։
• Եղբայրական ձայներ։ Սովետական նշանավոր գրողների ստեղծագործությունների ժողովածու (թարգմանել է մի մասը), Երևան, «Լույս», 1978, 294 էջ։
• Վեքիլ Ալի, Հայրենի ճամփաներ, «Սովետական գրող», 1979, 92 էջ։
• Իմ անունն է Կաոդովալդո Էռերա (կուբայական պատմվածքներ, բանաստեղծություններ, թարգմանել է մի մասը), Երևան, «Սովետական գրող», 1979, 134 էջ։
• Չինգիզ Ալիօղլի, Կանչ (բանաստեղծություններ), Երևան, «Սովետական գրող», 1980, 62 էջ։
• Քնար եղբայրության։ ՈՒկրաինայի բանաստեղծները Հայաստանի մասին (թարգմանել է մի մասը), Երևան, «Սովետական գրող», 1983, 164 էջ։
• Թանգրիկուլիև Կայում, Հովվի արահետը (բանաստեղծություններ), Երևան, «Սովետական գրող», 1984, 52 էջ։
• Թափտըղ Իլյաս, Չիմնազի պարը (բանաստեղծություններ), Երևան, «Սովետական գրող», 1985, 47 էջ։

Մամուլ

• Գևորգ Օհանյան. Բանաստեղծություններ։ «Գարուն», 1968, № 7։

Գրականություն

• Лира братства. Поэты Украины об Армении (часть книги переведена Г. Оганяном). Ер., 1983.