Գրիսելդա Ալվարես

	Գրիսելդա Ալվարես
Կուսակցություն՝	Ինստիտուցիոնալ հեղափոխական կուսակցություն
Կրթություն՝	Մեքսիկայի ազգային ինքնավար համալսարան
Մասնագիտություն՝	բանաստեղծուհի, քաղաքական գործիչ և գրող
Ծննդյան օր	ապրիլի 5, 1913
Ծննդավայր	Գվադալախարա, Մեքսիկայի Միացյալ Նահանգներ
Վախճանի օր	մարտի 26, 2009 (95 տարեկան)
Վախճանի վայր	Մեխիկո, Մեքսիկայի Միացյալ Նահանգներ
Քաղաքացիություն	Մեքսիկայի Միացյալ Նահանգներ
Պարգևներ

Գրիսելդա Ալվարես (իսպ.՝ Griselda Álvarez, ապրիլի 5, 1913(1913-04-05)^[1], Գվադալախարա, Մեքսիկայի Միացյալ Նահանգներ - մարտի 26, 2009(2009-03-26)^[2]^[1], Մեխիկո, Մեքսիկայի Միացյալ Նահանգներ), մեքսիկացի ուսուցիչ, գրող, քաղաքական գործիչ, առաջին մեքսիկացի կինը, ով ընտրվել է նահանգապետի պաշտոնում։ Կոլիմա նահանգը ղեկավարել է 1979-1985 թվականներին^[3]։

Կենսագրություն

Գրիսելդա Ալվարեսը ծնվել է Խալիսկո նահանգի Գվադալախարա քաղաքում, որտեղ նրա ընտանիքը հաստատվել էր Կոլիմա հրաբուխի կատաղի ժայթքումից հետո։ Ժայթքումն սկսվել էր 1913 թվականի հունվարի 20-ին և շարունակվել չորս օր^[4]։ Գրիսելդան ծնվել է Միգել Ալվարես Գարսիայի և Մարիա Դոլորես Դվադալուպե Էուժենիա Պոնցե դե Լեոնի ընտանիքում, որը Կոլիմայի նշանավոր ընտանիքներից էր։ Հայրը եղել է մեքսիկական բանակի զինվոր, այնուհետև 1919-1923 թվականներին ղեկավարել է Կոլիմա նահանգը։ Գրիսելդայի պապը՝ գեներալ Մանուել Ալվարեսը, եղել է Սահմանադրական կոնգրեսի պատվիրակ և 1826 թվականին Կոլիմայում եղել է բարձրաստիճան անձ։ 1857 թվականին, երբ Կոլիման դարձել է նահանգ, Մանուել Ալվարեսը եղել է առաջին նահանգապետը։ Գրիսելդան սովորել է Մեքսիկայի ազգային ինքնավար համալսարանի փիլիսոփայության և գրականության ֆակուլտետում։ Աշխատանքային գործունեությունն սկսել է որպես բանաստեղծ և գրող։

Ստեղծագործելուն զուգահեռ աշխատել է որպես ուսուցիչ, այնուհետև ներգարվվել է հանրային ծառայության մեջ։ Չհրաժարվելով ուսուցչի աշխատանքից՝ հասարակական ոլորտում պաշտոն է զբաղեցրել կրթության վարչությունում, եղել է կամավորական ծառայությունների դաշնային սոցիալական ապահովության ինստիտուտի տնօրեն^[5], 1976-1979 թվականներին՝ Խալիսկո նահանգի սենատոր, 1979-1985 թվականներին՝ Կոլիմայի նահագապետ։ Որպես նահանգապետ նրա նպատակն է եղել «educar para progresar» (Կրթել հանուն առաջընթացի)^[6]։ Հանուն առաջընթացի աշխատելուն զուգընթաց, նա հիմնադրել է տարբեր կազմակերպություններ, ինչպիսիք են՝ «Ուշադրություն կանանց կենտրոնը», Մեքսիկացի կանանց դաշինքը, Սոցիալական բարեկեցության մեքսիակական ընկերակցությունը։ Նա նաև ծառայել է իր քաղաքական կուսակցությանը՝ Ինստիտուցիոնալ հեղափոխական կուսակցությանը, 1978 թվականից եղել է ազգային գաղափարախոսության հանձնախմբի անդամ, 1994 թվականից Ազգային գործադիր կոմիտեի պատվո և արդարադատության ազգային հանձնաժողովի կոմիտեի անդամ, ինչպես նաև բազմաթիվ այլ կոմիտեների և խորհրդակցական խմբերի անդամ^[3]։

Երկեր

Cementerio de Pájaros 1956
Dos cantos 1959
Desierta compañía 1961
Letanía erótica para la paz 1963
La sombra niña 1965
Anatomía superficial 1967
Estación sin nombre 1972

Գրականություն

Diccionario Porrúa de historia, biografía y geografía de México, 4v. México, Porrúa, 1995, t. 1.
Enciclopedia de México en CD ROM, Dataconsult, 1999, Disco 1.
Musacchio, Humberto, Diccionario enciclopédico de México, 4v. Colombia, Andrés León ed,, 1990, t. 1.

Ծանոթագրություններ

↑ ^1,0 ^1,1 ^1,2 ^1,3 ^1,4 Griselda Álvarez (իսպ.)
↑ ^2,0 ^2,1 ^2,2 https://web.archive.org/web/20110719153040/http://www.laht.com/article.asp?ArticleId=330655&CategoryId=14091
↑ ^3,0 ^3,1 «eMujeres :: Mujeres y hombres, mismos derechos, mismas oportunidades». Արխիվացված է օրիգինալից 2008 թ․ մայիսի 3-ին. Վերցված է 2016 թ․ նոյեմբերի 28-ին.
↑ «Distant Image of Colima Volcano, State of Jalisco, Mexico». Արխիվացված է օրիգինալից 2008 թ․ ապրիլի 8-ին. Վերցված է 2016 թ․ նոյեմբերի 28-ին.
↑ Enciclopedia de México on CD ROM, Dataconsult S.A. de C.V., 1999, Disk 1
↑ Musacchio, Humberto, Diccionario enciclopédico de México, 4v. Colombia, Andrés León Editor, 1990, t. 1

Նախորդող
Արտուրո Նորիեգա Պիսանո

Կոլիմայի նահանգապետ
Գրիսելդա Ալվարես
1979-1985

Հաջորդող
Էլիաս Սամորա Վերդուսկո

[_888a2d0c2882f972-1] 1,0 ^1,1 ^1,2 ^1,3 ^1,4 Griselda Álvarez (իսպ.)

[_500b598513ec5cb3-2] 2,0 ^2,1 ^2,2 https://web.archive.org/web/20110719153040/http://www.laht.com/article.asp?ArticleId=330655&CategoryId=14091

[autogenerated1-3] 3,0 ^3,1 «eMujeres :: Mujeres y hombres, mismos derechos, mismas oportunidades». Արխիվացված է օրիգինալից 2008 թ․ մայիսի 3-ին. Վերցված է 2016 թ․ նոյեմբերի 28-ին.

[4] «Distant Image of Colima Volcano, State of Jalisco, Mexico». Արխիվացված է օրիգինալից 2008 թ․ ապրիլի 8-ին. Վերցված է 2016 թ․ նոյեմբերի 28-ին.

[5] Enciclopedia de México on CD ROM, Dataconsult S.A. de C.V., 1999, Disk 1

[6] Musacchio, Humberto, Diccionario enciclopédico de México, 4v. Colombia, Andrés León Editor, 1990, t. 1

[1]

[2]

[3]

[4]

[5]

[6]