Գրիգոր Աղաթոն

Գրիգոր Աղաթոն; արմտ. հայ.՝ Գրիգոր Աղաթօն
Ծնվել է	հուլիսի 4, 1825
Ծննդավայր	Կոստանդնուպոլիս, Օսմանյան կայսրություն
Մահացել է	ապրիլի 27, 1867 (41 տարեկան)
Մահվան վայր	Փարիզ, Ֆրանսիա
Քաղաքացիություն	Օսմանյան կայսրություն
Ազգություն	հայ
Կրթություն	Ներսեսյան վարժարան և Ազգային ագրոնոմիական ինստիտուտ Փարիզ-Գրինյոն
Մասնագիտություն	քաղաքական գործիչ և հասարակական գործիչ
Զբաղեցրած պաշտոններ	public works minister?
Պարգևներ և ; մրցանակներ
Անդամություն	National Horticultural Society of France? և Società Agraria di Torino?
Երեխաներ	Երվանդ Աղաթոն
	Krikor Aghaton Վիքիպահեստում

Գրիգոր Աղաթոն (հուլիսի 4, 1825(1825-07-04)^[1], Կոստանդնուպոլիս, Օսմանյան կայսրություն^[1]^[2] - ապրիլի 27, 1867(1867-04-27)^[1]^[2], Փարիզ, Ֆրանսիա^[1]^[2]), հայ հասարակական գործիչ։

Մ. Աղաթոնի եղբայրը։

Կենսագրություն

Ծնվել է հուլիսի 4-ին, Կ. Պոլսում։ Սովորել է Ներսեսյան վարժարանում։ 1843 թվականին ընդունվել է Փարիզի Գրինյոնի երկրագործական բարձրագույն դպրոցը։ 1848 թվականին ստանձնել է Կ. Պոլսի Այմամայ թաղամասի երկրագործական վարժարանի տեսչի պաշտոնը, որտեղ 1849 թվականին ստեղծել է տեղի հայ ուսանողներից կազմված Երկրագործական ընկերությունը։

1848 թվականից «Հայաստան» շաբաթաթերթում և այլ պարբերականներում հանդես է եկել երկրագործության և տնտեսագիտության վերաբերյալ հոդվածներով։ 1853 թվականին ընտրվել է Ֆրանսիայի Պարտիզպանության կայսերական ընկերության անդամ, իսկ 1859 թվականին՝ Թուրինի (Իտալիա) Երկրագործական ակադեմիայի թղթանդամ։ Աղաթոնը Կ. Պոլսի Բարեգործական ընկերության հիմնադիրներից է և ատենապետը 1860 թվականին։ Երկար տարիներ ղեկավարել է Թուրքիայի փոստ–հեռագրական վարչությունը, իսկ 1867 թվականին նշանակվել է Թուրքիայի հասարակական շինությունների նախարար։

Պարգևներ

Պարգևատրվել է ֆրանսիական Պատվո լեգեոնի խաչով 1867 թ.։

Մահացել է ապրիլի 27-ին, Փարիզում։ Աղաթոնը հայացքներով ազգային–պահպանողական էր։ Գործուն մասնակցություն է ունեցել ազգային կյանքին, եղել է Կ. Պոլսի Ներսեսյան վարժարանի հոգաբարձու, ազգային երեսփոխան և այլն։ Թողել է Թուրքիայի տնտեսության վերաբերյալ աշխատություն (ձեռագիր)։

Գրականություն

Տաղավարյան Ն., Գրիգոր Աղաթոն, Վնտ., 1900
Զարդարյան Վ. Գ., Հիշատակարան, հ. 1, ԿՊ, 1910

Ծանոթագրություններ

Վիքիպահեստն ունի նյութեր, որոնք վերաբերում են «Գրիգոր Աղաթոն» հոդվածին։

Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից (հ․ 1, էջ 240)։

[_5e5775e65518eefb-1] 1,00 ^1,01 ^1,02 ^1,03 ^1,04 ^1,05 ^1,06 ^1,07 ^1,08 ^1,09 ^1,10 ^1,11 ^1,12 Հայկական սովետական հանրագիտարան (հայ.) / Վ. Համբարձումյան, Կ. Խուդավերդյան — Հայկական հանրագիտարան հրատարակչություն, 1974.

[_7692284afc2863a3-2] 2,00 ^2,01 ^2,02 ^2,03 ^2,04 ^2,05 ^2,06 ^2,07 ^2,08 ^2,09 ^2,10 Հայկական համառոտ հանրագիտարան (հայ.) — Հայկական հանրագիտարան հրատարակչություն, 1990. — հատոր 1.

[_ad986448406a9d8f-3] ttps://turksandarmenians.marmara.edu.tr/fr/le-tout-premier-misnistre-non-musulman-de-lempire-ottoman-krikor-agaton-efendi-1823-1868/

[1]

[2]

[3]